Nyekyire 20:10 - AHYERƐLƐ KRONGRON

¹⁰ Na abɔnzam bɔ ɔlakalakale bɛ ne de, befindini ye bɛtole see ne sɔfe abura ne anu, nekaa bɔ kaka ne ne ngɔmhyɛlɛniɛ ngondomboniɛ ne bɛwɔ ne, na bɛkɔfa bɛ bɛkɔfa yealɛ nu alehyeleɛ ne alesaleɛ nu afebɔɔ.

Nyekyire 20:10 Iomraidhean Croise

Daniel 7:11

Ngɔle so nneane, ɔnate edwirɛ mbiri mbiri bɔ né mmɛen ne ɔkekã ne ati. Na nneane alaa kɔpem kyɛ behuni kaka ne ɔ, bɛsɛkyele ye fuin ne, na befindini bɛtole see bɔ ogye ɔ nu.

Mateo 25:41

“Na afei okose bɛ bɔ bɛwɔ ye sa bɛen so ne kyɛ, ‘Ɛmɔ bɔ banoma ɛmɔ ɔ! Ɛ́mɔfi me so bɛhɔ see afebɔɔ bɔ basiesie bama abɔnzam ne ye abɔfo mɔ ne anu!

Mateo 25:46

Na ɛhemɔ kofi berɛ kɔhɔ asohwenɛ bɔ olle ayieleɛ nu; nakoso teneneefoɛ nemɔ de, bɛkɔhɔ daa ngoa nu.”

Mateo 7:15

“Ɛ́mɔnea ɛmɔ nwo yé wɔ ngondombo ngɔmhyɛlɛfoɛ nwo; bɛfa boaen nwomaa bedwira bɛ nwo bɛba ɛmɔ berɛ, nakoso bɛ nu de, bɛte pataku adifuufoɛ.

Marko 9:44

[nekaa bɔ bɛ nnɔboakoma benwu, ná berɛ see onnua ɔ.]

Nyekyire 16:13

Na nwuni sunzum nza bie bɔ bɛ nwo nde, bɔ bɛte kyɛ ɛporohyɛen ɔ, kyɛ befi sasrabɔnzam ne noa nu, kaka ne noa nu, yeɛ ngɔmhyɛlɛniɛ ngondomboniɛ ne noa nu befite.

Nyekyire 19:20

Na bɛhyele kaka ne, ɔne ngɔmhyɛlɛniɛ ngondomboniɛ ne koso bɔ ɔyɔle nzɛngyerɛnneɛ wɔ ye nyunu, bɔ ɔfa lakalakale bɛ bɔ bale kaka ne nzorɛhyɛlɛ ne, ɔne bɛ bɔ bɛkotole ye honi ne. Na befindini bɛ munyɔ anyekaenn so beguale see abura bɔ sɔfe ogye wɔ nu ne anu.

Nyekyire 20:8

na okofite kɔwa kɔɔlakalaka maen maen mɔ bɔ bɛwɔ aseɛ ndweasoɛ nna ne aso: Gɔgo ne Magɔgo, kyɛ ɔboaboa bɛ noa maa bɛkɔ koɛ; na bɛ somaa te kyɛ mboanoa anweaa.

Nyekyire 9:17

Na mbɔngɔ mɔ ne bɛ bɔ bɛtete bɛ so ne, kyɛbɔ nzi nwuni bɛ wɔ me nyekyire ne anu ne, ye ɛhe: Bele see ne afasebire ne sɔfe buralɛ bɔ ɔkata bɛ hue so ɔ, na mbɔngɔ nemɔ bɛ ti te kyɛ gyata ti, na see ne nwosina ne sɔfe fili bɛ noa nu wale.