Nyekyire 2:7 - AHYERƐLƐ KRONGRON

⁷ Bɔ ole asoɛ ne, maa otie bɔ Sunzum ne kã kyire asɔre nemɔ ne: Bɔ odi ngonim ne, ngɔma ye ngoa bakaa bɔ ogyi Nyameɛ Paradise ne anu mma maa okoli.

Nyekyire 2:7 Iomraidhean Croise

Gyenesise 2:9

Na AWURADE Nyameɛ mane mmakaa mukoraa bɔ bɛyɛ nyemene ná ɔte paa kyɛ bedi ɔ fifili aseɛnwo wɔ turo ne anu; ɔmane ngoa bakaa fifili turo n’afia, yeɛ paa ne bɔne nwo nimdeɛ bakaa koso fifili nu.

Anyandera 11:30

Teneneeniɛ ye mma bɔ osu te ngoa bakaa, na sona bɔ ɔtwetwe akra ne, ɔte nworɛniɛ.

Anyandera 13:12

Sɛ w’anyelasoɛ wɔ nikyee bie anwo ɔkyɛ a, ɔmaa ɛboto, nakoso bɔ wɔ nye la so ne ɔba nu a, ɔte ngoa bakaa.

Anyandera 15:4

Ɛyɛ wɔ noa bɛtɛɛ a, ɔte ngoa bakaa, nakoso ngondombo dwirɛ de, oku sunzum.

Anyandera 3:18

Ɔte ngoa bakaa ma bɛ bɔ betira ye nu ɔ, na bɛ bɔ bɛsɔ ye nu bum ne, benya saleɛ.

Hesekiel 28:13

Né Nyameɛ turo Eden nu yeɛ ɛwɔ ɔ, nyɔboɛ mukoraa bɔ bɛ nyɔboɛ yɛ se ɔ yeɛ né ɔkata wɔ nwo ɔ. Bɛ ole: kanelian, topase ne yasepa, krisolite, bɛrile ne onike, safire, ɛmerade ne kabunkre. Sikaa kɔkorɛ yeɛ bɛfa bɛhyehyɛle wɔ nwo ɔ; na kyẽa bɔ bɛbɔle wɔ ne, yeɛ bɛhyehyɛle bɛ ɔ.

Hesekiel 31:8

Sida mɔ bɔ bɛwɔ Nyameɛ turo ne anu ne, bendwu ye, yeɛ asia mmakaa bendwu ye mmaen frɔmfrɔm nemɔ ɛfa enyaa toto ye mmaen mɔ nwo a ɔnyɛ yee, Nyameɛ turo ne anu bakaa biala nne berɛ bɔ ɔyɛ nyemene te kyɛ ye ɔ.

Mateo 11:15

Bɔ ole asoɛ ne, maa otie!

Mateo 13:43

Na teneneefoɛ kɔta kyɛ eyia wɔ bɛ Baba ahennie ne anu. Bɔ ole asoɛ ne, maa otie!

Mateo 13:9

Bɔ ole asoɛ kotie ne, maa otie!”

Marko 4:9

Na ɔfa sɔle so kyɛ, “Bɔ ole asoɛ kotie ne, maa otie.”

Marko 7:15

Nikyee biala ɔnne sona nwo bɔ ɔkɔ ye nu a ɔkora gua ye nwo fiɛ ɔ; na mmom nikyee bɔ ofi sona nu ba ne yeɛ ogua ye nwo fiɛ ɔ. [

Marko 7:16

Bɔ ole asoɛ tie ne, maa otie!”]

Luka 23:43

Na obuale ye kyɛ, “Nahorɛ nu, mekã mekyire wɔ kyɛ, ɛnɛ kyẽa ye, ɛkɔboka me so wɔ Paradise.”

Luka 8:8

Na ebie ooguale aseɛ paa so, befifili, na besuli mmɔhoɛ ɛyaa.” Na ɔhane sɔ dwirɛ ne nen, ɔteane nu sele kyɛ, “Bɔ ole asoɛ kotie ne, maa otie!”

Yohane 16:33

Mahã ɛhemɔ mahyire ɛmɔ, amaa ɔnate so ɛmɔanya me nu asomdwee. Ɛmɔkɔfa amaneɛ nu wɔ wiase de, nakoso ɛ́mɔma ɛmɔ ahone tɔ ɛmɔ kunu! Mali wiase so ngonim.”

1 Korintofoɛ 2:10

Nakoso yɛ yeɛ Nyameɛ nate ye Sunzum so waye wahyire yɛ ɔ. Ofikyɛ Sunzum ne pɛnzɛpɛnzɛ nikyee biala nu, ɔne Nyameɛ mvealeɛ nu nhyehyɛleɛ po.

2 Korintofoɛ 12:4

Na berɛ yeɛ ɔtele edwirɛ bɔ kuro sona ngora nga bie, yeɛ atee koso nne berɛ kyɛ ɔkã ɔ.

1 Yohane 2:13

Ngya mɔ, mekyerɛ he mebrɛ ɛmɔ, ofikyɛ ɛmɔse bɔ ahyɛaseɛ ne né ɔwɔ berɛ ne. Mmerandeɛ mɔ, mekyerɛ he mebrɛ ɛmɔ, ofikyɛ ɛmɔali bɔnefoɛ ne so ngonim. Ngwadaa mɔ koso, mekyerɛ he mebrɛ ɛmɔ, ofikyɛ ɛmɔse Baba ne.

Nyekyire 13:9

Bɔ ole asoɛ ne, maa otie!

Nyekyire 14:13

Na ndele kyɛ komviɛ bie fi nyameɛso odwudwo kyire me kyɛ, “Kyerɛ ɛhe: ‘Awufoɛ bɔ bewu Awurade nu fi kekesaala ye bɔ ɔkɔ ne, banya saleɛ.’ ” Na Sunzum ne nwa, “Amba, bekole bɛ nwome wɔ bɛ fɛɛ nwo, ofikyɛ bɛ nnwumaa li bɛ si.”

Nyekyire 15:2

Na nwuni nikyee bie bɔ ɔte kyɛ neanu po bɔ ɔne see bali afra ɔ. Na bɛ bɔ bali kaka ne ne ye honi ne, yeɛ ye nzorɛhyɛlɛ ne ye dumaa nwo ngondaa so ngonim ne, né begyigyi neanu po ne aso bɔ betiratira Nyameɛ sangoo ɔ.

Nyekyire 2:11

Bɔ ole asoɛ ne, maa otie bɔ Sunzum ne kã kyire asɔre nemɔ ne: Bɔ odi ngonim ne, ewue bɔ ɔtɔ so nyɔ ne ngɔwa ye so.’

Nyekyire 2:17

Bɔ ole asoɛ ne, maa otie bɔ Sunzum ne kã kyire asɔre nemɔ ne: Bɔ odi ngonim ne, ngɔma ye mvealeɛ nu mana ne bie maa okoli, na ngɔma ye nyɔboɛ fufue, na nyɔboɛ ne aso yeɛ bahyerɛ dumaa foforɛ bɔ ebiala nze bagua ɔ, sana sona bɔ onya ye ne angome.’

Nyekyire 21:7

Ebiala bɔ odi ngonim ne, okonya ɛhemɔ amukoraa, na ngɔyɛ ye Nyameɛ, ná ye koso wayɛ mma.

Nyekyire 22:14

Bɛ bɔ bɛpo bɛ ndaadeɛ ne, banya saleɛ, kyɛbɔ bekonya ngoa bakaa ne nwo atee, ná bafa anoa ne anu bahɔ kuro ne anu ɔ.

Nyekyire 22:17

Na Sunzum ne ne atɔmvorɛ braa ne nwa, “Bra!” Ma ebiala bɔ ɔte ne ɔhã kyɛ, “Bra!” Ma ebiala bɔ nzuhɔen ku ye ne ɔbra. Ma ebiala bɔ okuro ne oole ngoa nzue ne mbaen.

Nyekyire 22:2

kɔfa kuro ne dwaaso afia ɔ. Na asue ne bue nyɔ ne, né ngoa bakaa bɔ osu mmaa ahoroɔ buru ne nyɔ ɔ gyi berɛ, na osu ye mma bosome biala. Na bakaa ne nyaa yeɛ bɛfa bɛsa maen maen mɔ anwonyerɛ ɔ.