Nyekyire 2:5 - AHYERƐLƐ KRONGRON

⁵ Yiti kaye tebea bɔ efili nu fini ase ne, ná sakyera w’adwene, ná yɔ nnwumaa bɔ ɛyɔle ye daa ne! Na sɛ anyɔ sɔ a, ngɔwa wɔ so ndɛndɛ, ná maaye wɔ kanea bakaa ne mafi ye boso, sana ɛsakyera w’adwene.

Nyekyire 2:5 Iomraidhean Croise

Yesaya 1:26

Ngosa ngɔma wɔ maenbulɛfoɛ kyɛ daa ne ala, yeɛ foɛtulɛfoɛ koso, kyɛbɔ ahyɛaseɛ ne né ɔte ne ala. Na ɛhe asi ne, bɛkɔfrɛ wɔ tenenee kuro ne nahorɛlilɛ kuro.

Yesaya 14:12

“O, Alehyeleɛ Nzramaa, Alebahyene ɔwa, ɛtetɔlɛ yeɛ efi nyameɛso ate atɔ ase sɔaa e! Wɔ bɔ elili maen maen mɔ so ngonim ne, aseɛnwo yeɛ bafindi wɔ bato sɔaa ye!

Hesekiel 20:43

Berɛ yeɛ ɛmɔkɔkaye atee bɔ ɛmɔnate so ɔ, ɔne bɔ ɛmɔayɔ amukoraa bafa bagua ɛmɔ nwo fiɛ ɔ; na ɔnate ɛmɔ bɔne amukoraa bɔ ɛmɔayɔ ne ati, ɛmɔ nwo kɔyɛ ɛmɔ tɛ.

Hesekiel 36:31

Na afei ɛmɔkɔkaye ɛmɔ bɔne yɔleɛ ne ɛmɔ yɔleɛ bɔ ɔtte mayee ne. Na ɔnate ɛmɔ amumuyɛɛ ne ɛmɔ akyiwadeɛ bra ne ati, ɛmɔ nwo kɔyɛ ɛmɔ tɛ.

Hosea 14:1

Ao Yisrael, sa bra AWURADE wɔ Nyameɛ berɛ, ofikyɛ w’amumuyɛɛ amaa afi ase.

Hosea 9:10

Nwuni Yisrael kyɛ ɛserɛ so bobe mma. Nwuni ɛmɔ nana mɔ kyɛ bobe mma bɔ wali moa wasu wɔ ye sulɛ mmerɛ bɔ oli moa nu ɔ. Nakoso bedwuli Baal Peɔ nen, beguale bɛ nwo fiɛ bɛbɔle nyanzoen bra, na bɛ bɔbɔ bɛkakyili akyiwadeɛ te kyɛ nningyein bɔ né bekuro ne ala.

Malaki 3:4

Na afei, Yuda ne Yerusalem b’afɔleɛ kɔsɔ AWURADE nye kyɛ daa tete mmerɛ afoɛ mɔ bɔ bapɛ nu bahɔ deɛ ne ala.

Malaki 4:6

Na ɔkɔma mmaa mɔ bɛkɔla seɛ mɔ b’ahone nwo, ná seɛ mɔ koso bala mmaa mɔ b’ahone nwo, amaa ɔnate so mamma mambrapra ɛnomalɛ mangua aseɛ ne aso.”

Mateo 5:14

“Ɛmɔte wiase kanea. Kuro bɔ ɔla bokaa so ne, ɔngora mvea.

Mateo 5:15

Sɔ ala yeɛ bɛnzɔ kanea ná bafa bawura ɛkorɛ bo ɔ; na mmom bɛfa besie kanea bakaa so, amaa wata wama ebiala bɔ ɔwɔ awuro berɛ anwu ase.

Marko 12:9

“Nzikyɛ nikye yeɛ bobe boo mene ne ɔkɔyɔ ɔ? Ɔkɔwa koohu hwɛsofoɛ nemɔ, ná wafa bobe boo ne wawura mmenia foforɛ sa.

Luka 1:17

Ɔkɔfa Elia sunzum ne ye tumi koli ye nyunu kɔkakyi seɛ mɔ b’adwene kɔwa mma mɔ so ɔne asoserɛfoɛ kɔhɔ teneneefoɛ nworɛ nwo, na okosiesie maen bɔ waboaboa ye nwo ɔ kɔma Awurade.”

Luka 20:16

Ɔkɔwa koohu sɔ hwɛsofoɛ nemɔ, ná wafa bobe boo ne wawura mmenia foforɛ sa.” Na bɛtele sɔ dwirɛ ne nen, besele kyɛ, “Nyameɛ pa gua!”

Galatiafoɛ 5:4

Ɛmɔ bɔ ɛmɔpena kyɛ bɛfa mmeraa ne aso bebua ɛmɔ be nen, ɛmɔ ne Kristo afia atete, na Nyameɛ adom abɔ ɛmɔ.

Filipifoɛ 2:15

amaa ɛmɔayɛ mmenia bɔ edwirɛ nne bɛ nwo bɔ bɛ nwo sonn, Nyameɛ mma bɔ ngekalewa biala nne ɛmɔ nwo wɔ bɔnefoɛ maen bɔ bali makyebu, bɔ ɛmɔta wɔ bɛ nu kyɛ kanea bɔ ɔwɔ wiase,

Hebrifoɛ 10:32

Ɛ́mɔkaye mmerɛ bie bɔ wapɛ nu ɔ, bɔ ɛmɔɔyɛle agyidifoɛ nen, ɛmɔmiane bɛ nye bɛfale amaneɛ pee nu ne.

2 Petro 3:17

Yiti aliɛmaa mɔ, ɛmɔse ɛhemɔ dada, yiti ɛ́mɔla ɛmɔ nwo so, ná mmeraatolɛfoɛ mvomsoɛ ne wandwetwe ɛmɔ wangɔ, ná ɛmɔamvi ase bamvi nekaa bɔ ɛmɔatindim ne.

Yuda 1:24

Na ye bɔ ɔkora sɔ ɛmɔ nu ma ɛmɔmvi ase, ná ɔfa ɛmɔ gyina ye animnyam ne nyunu bɔ ngekalewa biala nne ɛmɔ nwo, wɔ anigye nu ne,

Nyekyire 1:20

Na nzramaa nzoo bɔ enwuni bɛ wɔ me sa famaa nu, ɔne sikaa kɔkorɛ kanea bakaa nzoo ne, bɛ nwo mvealeɛ nu dwirɛ ɛhe: Nzramaa nzoo ne bɛte asɔre nzoo nemɔ b’abɔfo mɔ, yeɛ kanea bakaa nzoo bɔ enwuni bɛ ne bɛte asɔre nzoo ne.

Nyekyire 16:9

Na ahuhuro kandinga mane mmenia nwo yerayerale bɛ, na bɛkekane musue dwirɛ betiale Nyameɛ bɔ ole sɔ ɛhawo nemɔ so tumi ne, na banzakyera b’adwene banhyɛ ye animnyam.

Nyekyire 2:16

Yiti sakyera w’adwene! Na sɛ anyɔ sɔ a, ngɔwa wɔ so ndɛndɛ, na ngɔfa me noa nu ngrandɛ ne me ne bɛ yɛkɔho.

Nyekyire 2:19

Mese wɔ nnwumaa, wɔ ɔdɔ, wɔ gyidie, wɔ ɛsolɛ, w’animia, ɔne wɔ kekesaala ye nnwumaa bɔ ɔtra daa deɛ ne ɔ.

Nyekyire 2:2

Mese wɔ nnwumaa, wɔ fɛɛ ne w’animia, ɔne kyɛbɔ ɛngora nzosɔ bɔnefoɛ so, ná mmom aso bɛ bɔ bɛnwa bɛte asomafoɛ nakoso bɛtte asomafoɛ ɔ anea, na anwu bɛ kyɛ bɛte ngondombofoɛ.

Nyekyire 3:19

Bɛ bɔ mekuro bɛ dwirɛ ne, metwi bɛ nyunu, yeɛ metwe bɛ so; yiti ma wɔ nye boro ná sakyera w’adwene.