Nyekyire 2:3 - AHYERƐLƐ KRONGRON

³ Mese kyɛ anya animia paa, na ɔnate me dumaa ti anwu amaneɛ, nakoso w’abasa nu mmu.

Nyekyire 2:3 Iomraidhean Croise

Edwein 37:7

Yɛ konn wɔ AWURADE nyunu, ná to wɔ bo ase nwondɛ ye. Sona bɔ ɔnate ye bɔbɔ ye atee so onya ye nwo, yeɛ sona bɔ ɔdwene nikyee tɛɛ nwo, ná ɔyɔ ne, nnɛma ye nwo adwenedwene tɔ wɔ so.

Edwein 69:7

Ɔnate wɔ ti yeɛ male animguaseɛ ye, animguaseɛ bɔ ɔmata me ye.

Mika 7:9

AWURADE ahonehulɛ ne, mede meto nu, ofikyɛ mayɔ bɔne matia ye, kɔpem kyɛ okoli me dwirɛ kɔma me, ná okobua ndɛen turoloo kɔma me ɔ. Ɔkɔye me kofite kɔwa hyireinn nu, na ngonwu ye tenenee ne.

Marko 15:21

Na bɛhyɛle Kireneniɛ Simɔn bɔ ɔte Aleksandro ne Rufu bɛ baba, bɔ né ofi namue nu ɔbaapɛ nu ɔ, maa ɔsoale Yesu mmeamudua ne.

Luka 14:27

Yeɛ ebiala bɔ wanzoa ye mmeamudua ná wanni me si nen, ɔngɔhora ngɔyɛ me suaniɛ.

Luka 18:1

Afei Yesu buli bɛ anyandera he fa hyirele kyɛ, ɔsɛ kyɛ sona bɔ mbaeɛ daa biala, bɔ onni kyɛ ɔma ye abasa nu bu ɔ.

Luka 21:19

Na ɛmɔ pindinn gyinalɛ nu yeɛ ɛmɔkonya ɛmɔ kra ɔ.

Luka 5:5

Na Simɔn buale kyɛ, “Yɛ mene, yayɔ adwuma dee kɔngɔen amukoraa, na yangye huu! Nakoso bɔ ahã ne ati, ngogua asawu ne.”

Luka 8:15

Na bɔ beguale aseɛ paa so ne, bɛ ole mmenia bɔ bɛte dwirɛ ne a, bɛfa ahone paa ɔne bɔ nu te ɔ bɛsɔ nu bum, na begyina pindinn besu mmaa.

Yohane 15:21

Na ɔnate me dumaa ti bɛkɔfa ɛhemɔ amukoraa bekoli ɛmɔ, ofikyɛ bɛnze bɔ ɔsomane me ne.

Romanfoɛ 12:12

Ɛ́mɔnya anigye wɔ anyelasoɛ nu, ɛ́mɔnya aboterɛ wɔ amaneɛnwunɛ nu, ná ɛmɔhɔ so bɛbɔ mbaeɛ daa.

Romanfoɛ 16:12

Mébisa Trifana ne Trifosa bɔ bɛte Awurade adwumayɔlɛfoɛ nemɔ ahye. Mébisa me dɔfo Pɛɛsi bɔ wayɔ Awurade adwuma pee ne ahye.

Romanfoɛ 2:7

Bɛ bɔ bemia bɛ nye bɛyɔ paa, na bɛpena animnyam, anidie ne daa ngoa nen, bɛ yeɛ Nyameɛ kɔma bɛ daa ngoa ɔ.

Romanfoɛ 8:25

Na sɛ yɛ nye la bɔ yɛnnwu ye so a, ye de yɛfa aboterɛ yɛwondɛ.

1 Korintofoɛ 13:7

Ɔdɔ abasanu mmu, ode nningyein mukoraa di, ole nningyein mukoraa nu anyelasoɛ, na ole nningyein mukoraa nu animia.

1 Korintofoɛ 16:16

Yiti ɛ́mɔbrɛ ɛmɔ nwo ase bɛma sɔ mmenia ne, ɔne ebiala bɔ ɔne yɛ di sɔ dwumadie ne ɔ.

2 Korintofoɛ 10:15

Yɛ de, yɛnhoahoa yɛ nwo ma ɔndra so, yɛmva ebiemɔ adwuma bɔ bayɔ yɛnhoahoa yɛ nwo. Na mmom yɛle anyelasoɛ kyɛ, sɛ ɛmɔ gyidie nyi a, ɔkɔma dwumadie bɔ Nyameɛ afa awura yɛ sa wɔ ɛmɔ berɛ ne kɔtrɛ,

2 Korintofoɛ 11:23

Bɛte Kristo asomvoɛ anaa? Medwudwo kyɛ ebiaa nnne adwene de oo, metra bɛ: mayɔ adwuma serɛ matra bɛ, mala kuku nu somaa matra bɛ, babo me pee batra bɛ, yeɛ ewue ato afo me pee atra bɛ.

2 Korintofoɛ 4:1

Ye sɔ ti, kyɛ Nyameɛ wanwu yɛ anwumvoin wafa ɛsom he wawura yɛ sa ye, yɛngɔpa aba.

2 Korintofoɛ 4:16

Ɔnate ɛhe ati, yɛmma y’abasa nu mmu. Na ɔwɔ nu kyɛ anwoɔnaen he bɔ anyeɛ nwu ye ne gu so ɔsɛkye de, nakoso sunzum nu de, yɛnyi frɔmfrɔm alehyeleɛ biala.

2 Korintofoɛ 5:9

Yiti yafa yasie yɛ nye so kyɛ, sɛ yɛwɔ anwoɔnaen he anu oo, sɛ yɛnne nu oo, yɛkɔsɔ Awurade nye.

2 Korintofoɛ 6:5

ɛbolɛ nu, kuku nu nnaa nu, basabasayɛlɛ nu, ɛfɛɛ nu, ɛpɛsilɛ nu, ɛhɔen hunɛ nu;

Galatiafoɛ 6:2

Ɛ́mɔbokaboka bɛ nwo, na sɔ yeɛ ɔmaa ɛmɔdi Kristo mmeraa ne aso pɛpɛɛpɛ ɔ.

Galatiafoɛ 6:9

Yiti nnɛmɔma yɛfɛ paayɛlɛ nwo; ofikyɛ sɛ yamba aba a, yɛkonya ye nwo saleɛ wɔ mmerɛ bɔ ɔsɛ ɔ nu.

Filipifoɛ 2:16

wɔ mmerɛ bɔ ɛmɔtira ngoa dwirɛ ne anu serɛserɛ ɔ; amaa wayɛ m’anwohoahoa wɔ Kristo kyẽa ne, kyɛ amirika bɔ nduli ne wanyɛ mbaen, yeɛ me fɛɛ adwumaa ne koso wanyɛ mbaen.

Filipifoɛ 4:3

Yeɛ mesrɛ wɔ koso, mmiɛngo konnuasoalɛniɛ nohorɛniɛ, kyɛ boka mmrasua hemɔ, ofikyɛ bɛbokale me so yeɛ yɛyɔle nzɛmba ne nwo adwuma ɔ, bɛne Klɛmente ne mmiɛngo adwumayɔlɛfoɛ ngaa nemɔ bɔ bahyerɛ bɛ dumaa wɔ ngoa nwomaa ne anu ne.

Kolosefoɛ 1:11

Yɛsrɛ kyɛ ɔma ɛmɔ tumi amukoraa ma ɛmɔgyina pindinn, kyɛbɔ ye animnyam tumi te ne, ná ɛmɔahora bafa aboterɛ ne animia amukoraa bagyina wɔ anigye nu,

1 Tɛsalonikafoɛ 1:3

Na mmerɛ biala yɛkaye ɛmɔ gyidie adwuma, ɔne ɛmɔ adwumayɔlɛ bɔ ofi ɔdɔ nu, ɔne ɛmɔ anyelasoɛ bɔ ogyi berɛ pindinn wɔ y’Awurade Yesu Kristo nu ne, wɔ yɛ Baba Nyameɛ nyunu.

1 Tɛsalonikafoɛ 2:9

Aliɛmaa mɔ, ɛmɔkaye kyɛbɔ yɛsi yɛyɔle adwuma, ɔne yɛ fɛɛ bɔ yɛfɛle ɔ. Yɛyɔle adwuma eyia ne kɔngɔen kyɛbɔ ɔkɔyɛ na yanyɛ ɛmɔ nu biala so tɔsom, wɔ mmerɛ bɔ né yɛkã Nyameɛ nzɛmba ne yɛkyire ɛmɔ ne.

1 Tɛsalonikafoɛ 5:12

Aliɛmaa mɔ, yɛsrɛ ɛmɔ kyɛ, ɛ́mɔfa anidie bɛ́ma bɛ bɔ bɛyɔ adwuma wɔ ɛmɔ nu, ná bedi ɛmɔ so panyi wɔ Awurade nu, ná betu ɛmɔ foɛ ne;

2 Tɛsalonika 3:13

Aliɛmaa mɔ, nnɛmɔma paayɛlɛ yɛ ɛmɔ yea.

2 Tɛsalonika 3:5

Yɛsrɛ Awurade kyɛ obukye ɛmɔ adwene nu ma ɛmɔte Nyameɛ ɔdɔ ne Kristo aboterɛ ne bo.

2 Tɛsalonika 3:8

yeɛ yanni ebiala aleɛ bɔ yandua ye kerɛ ɔ. Na mmom yɛyerele yɛ nwo yɛyɔle adwuma eyia ne kɔngɔen, kyɛbɔ ɔkɔyɛ bɔ yɛngɔyɛ ɛmɔ nu biala so tɔsom ɔ.

1 Timoteo 4:10

Ɛhe ati yeɛ yɛyere yɛ nwo yɛyɔ adwuma serɛ ɔ, ofikyɛ yafa yɛ nye yato Nyameɛ teasefoɛ, bɔ ɔte mmenia amukoraa, nganga agyidifoɛ Ngoadefoɛ ne aso.

1 Timoteo 5:17

Mbanyi bɔ bɛte bɛ nye bɛnea asɔre ne aso ne, ɛ́mɔfa anidie mmɔhoɛ bɛ́ma bɛ, nganga, bɛ bɔ bɛbɔ mmɔden wɔ nzɛmbahanɛ ne ngyerɛkyerɛ nu ne;

Hebrifoɛ 10:36

Odi kyɛ ɛmɔmia ɛmɔ nye, amaa ɛmɔahora bayɔ Nyameɛ apɛdeɛ ná ɛmɔ sa ahã ye bɔhyɛ ne.

Hebrifoɛ 12:1

Yɛ de, yɛle adanzefoɛ pembepembe bɔ bapɛ yɛ nwo bayia ɔ, yiti ɛ́mɔma yɛgyi nikyee biala bɔ osi yɛ ngɔsoɛ nwo ate, ɔne bɔne bɔ ɔngyɛ na wakyekye yɛ ne yɛgua, ná yɛ́mia yɛ nye yɛtu amirika bɔ ɔla yɛ nyunu ne.

Hebrifoɛ 13:13

Yiti ɛ́mɔma yɛhɔ ye berɛ wɔ asikyeleɛ ne asi dɔ ná ye animguaseɛ ne bie ɔha yɛ.

Hebrifoɛ 6:10

Ofikyɛ Nyameɛ de, ɔtte asisie bɔ ɔkobu ye nye kogua ɛmɔ mmɔdenbɔlɛ, ɔne ɔdɔ bɔ ɔnate ye dumaa ti ɛmɔaye ye ali bahyire anwoteefoɛ, ná ɛmɔtɛyɔ ɔ.

Hebrifoɛ 6:12

Yɛnguro kyɛ ɛmɔkɔyɛ nyaanyaa, na mmom yɛkuro kyɛ ɛmɔsua bɛ bɔ bɛnate gyidie ne aboterɛ so benya Nyameɛ bɔhyɛ ne.

Hebrifoɛ 6:15

Abraham nyane aboterɛ nwondɛle, na ye sa hane bɔhyɛ ne.

2 Petro 1:6

ɛ́mɔfa anwohyɛsoɛ bɛ́foa nimdeɛ so; ɛ́mɔfa animia bɛ́foa anwohyɛsoɛ so; ɛ́mɔfa nyamesom paa bɛ́foa animia so;

Nyekyire 1:9

Me, Yohane, bɔ nde ɛmɔ aliɛma ne ɛmɔ abiɛngoɛ wɔ Yesu Kristo amaneɛnwunɛ ne ahennie ne animia nu ɔ, ɔnate Nyameɛ dwirɛ ne ne Yesu Kristo adanzeɛ ne ati, né nwɔ Supɔ bɔ bɛfrɛ ye Patemo so.

Nyekyire 3:10

Na ɔnate kyɛ ali m’animia dwirɛ so ne ati, me koso ngɔbɔ wɔ nwo waen ngofi nzɔhwɛ mmerɛ bɔ ɔbaawa wiase amukoraa so ne anu, nzɔhwɛ bɔ ɔbaaso aseɛ ye aso ama nea ne.