Nyekyire 2:27 - AHYERƐLƐ KRONGRON

²⁷ na ɔkɔfa buralɛ pɔmaa yeɛ okoli bɛ so ɔ, na ɔkɔbobɔ bɛ kyɛ ngukuenwonɛniɛ ngukue; kyɛbɔ me koso nyane tumi mvili me Baba berɛ ne ala.

Nyekyire 2:27 Iomraidhean Croise

Edwein 49:14

Bɛte kyɛ mmoaen, na bɛ mukoraa bewu. Ewue yeɛ odi bɛ nyunu fa bɛ kɔ ɔ; teneneefoɛ koli bɛ so tumi ngyerɛmɔ, na b’anwonyemene kɔsɛkye wɔ ewue kumaa nu; na ɛborɔ yeɛ ɔkɔyɛ b’awuro ɔ.

Yesaya 30:14

Okobubu ye kyɛ ngukuenwonɛniɛ ye bua bɔ babobɔ ye nyokonyoko bɔ ebie nga mma bennya ye bue ne bie bɔ bɛkɔfa bekosuso bokyea nu see ɔ, anaakyɛ bɔ bɛkɔfa bɛkɔsa abura nu nzue ɔ.”

Yeremia 19:11

ná se bɛ kyɛ, ‘Bɔ Asafo AWURADE kã ɛhe: Kyɛbɔ sona ɔbɔ ngukuenwonɛniɛ ye bua bɔ bɛngora bɛnwo ye yé ko ne, sɔ ala yeɛ ngɔbɔ maen he ne kuro he ɔ. Bekosie mmenia wɔ Tofete alaa kɔpem kyɛ bengonya aseɛ bengosie bɛ ko ɔ.

Daniel 7:18

Nakoso Anwuro Anwuroniɛ ne, ye anwoteefoɛ nemɔ bekonya ahennie ne, na bɛ sa kɔhã ahennie ne afebɔɔ mmerɛ bɔ olle ayieleɛ ɔ.’

Daniel 7:22

kɔpem kyɛ Bɔ Ɔwɔ Berɛ Fi Tetetete ne wale ɔ, na obuale Anwuro Anwuroniɛ n’anwoteefoɛ nemɔ be, na mmerɛ ne dwuli maa anwoteefoɛ nemɔ bɛ sa hane ahennie ne.

Mateo 11:27

Me Baba afa nningyein amukoraa awura me sa; na ebiala nze Baa ne, sana Baba ne; yeɛ ebiala nze Baba ne, sana Baa ne ne ebiala bɔ Baa ne kuro kyɛ ɔda ye adi kyire ye ɔ.

Luka 22:29

na kyɛbɔ me Baba afa ahennie ne wama me ne, sɔ ala yeɛ me koso mefa mema ɛmɔ ɔ,

Yohane 17:24

“Baba, bɛ bɔ afa bɛ ama me ne, mekuro kyɛ nekaa bɔ nwɔ ne, bɛ koso bɛbaboka me so wɔ berɛ, amaa ɔnate so banwu m’animnyam bɔ ɛfa mane me ne; ofikyɛ ehurole me dwirɛ koraka yeɛ ewiase ahyɛaseɛ ɔba ɔ.

Nyekyire 12:5

Ɔwole baa bienzua, bɔ ye yeɛ ɔbaafa buralɛ pɔmaa di maen maen amukoraa so ɔ. Na ɔwa ne, behwimini ye bɛhɔle Nyameɛ ne ye ahennie bia ne nwo.

Nyekyire 19:15

Na ngrandɛ nnaennaen bie bɔ ɔkɔfa kɔbobɔ maen maen ɔ ofili ye noa nu fitele, na ye yeɛ ɔkɔfa buralɛ pɔmaa koli bɛ so ɔ. Na ye yeɛ otiatia Tuminiɛ Nyameɛ ye ahonehulɛ suronyisuronyi kumaa bɔ betwi nzaa nu ne aso ɔ.