Nyekyire 2:26 - AHYERƐLƐ KRONGRON

²⁶ Na bɔ odi ngonim, ɔne bɔ ɔsɔ me nnwumaa nu kodwu ayieleɛ ne, ngɔma ye maen maen mɔ so tumi;

Nyekyire 2:26 Iomraidhean Croise

Edwein 2:8

Bisa me, na ngɔma maen maen mɔ kɔyɛ w’agyapadeɛ, ná ofi aseɛ ti bɔ ɔkwaahã ye ti ayɛ wɔ deɛ.

Edwein 2:9

Ɛkɔfa buralɛ pɔmaa kobubu bɛ, ná anyoko bɛ kyɛ ngukuenwonɛniɛ ye bua.”

Edwein 49:14

Bɛte kyɛ mmoaen, na bɛ mukoraa bewu. Ewue yeɛ odi bɛ nyunu fa bɛ kɔ ɔ; teneneefoɛ koli bɛ so tumi ngyerɛmɔ, na b’anwonyemene kɔsɛkye wɔ ewue kumaa nu; na ɛborɔ yeɛ ɔkɔyɛ b’awuro ɔ.

Daniel 7:18

Nakoso Anwuro Anwuroniɛ ne, ye anwoteefoɛ nemɔ bekonya ahennie ne, na bɛ sa kɔhã ahennie ne afebɔɔ mmerɛ bɔ olle ayieleɛ ɔ.’

Daniel 7:22

kɔpem kyɛ Bɔ Ɔwɔ Berɛ Fi Tetetete ne wale ɔ, na obuale Anwuro Anwuroniɛ n’anwoteefoɛ nemɔ be, na mmerɛ ne dwuli maa anwoteefoɛ nemɔ bɛ sa hane ahennie ne.

Daniel 7:27

Na bɛkɔfa ahennie ne tumi ɔne ahennie mɔ bɛ tumi bɔ ɔwɔ anwuro amukoraa bo bɛkɔma Anwuro Anwuroniɛ n’anwoteefoɛ maen ne. Ye ahennie ne te ahennie afebɔɔ, na tumi amukoraa kɔso ye, ná bayɛ sotie bama ye.’

Mateo 10:22

Ɔnate me dumaa ti, mmenia mukoraa kɔpɔ ɛmɔ; nakoso bɔ okotindim koodwu ayieleɛ nen, ye yeɛ bekole ye ngoa ɔ.

Mateo 19:28

Na Yesu sele bɛ kyɛ, “Nahorɛ nu, mekã mekyire ɛmɔ kyɛ, ewiase foforɛ ne anu, mmerɛ bɔ Sona Awa ne kɔtena ye animnyam ahennie bia so ne, ɛmɔ bɔ ɛmɔaali me si ne, ɛmɔ koso ɛmɔkɔtena ahennie bia buru ne nyɔ so bekobua Yisrael mmusua kure buru ne nyɔ ne ndɛen.

Mateo 24:13

Nakoso bɔ okotindim koodwu ayieleɛ nen, ye yeɛ bekole ye ngoa ɔ.

Yohane 6:29

Na Yesu buale bɛ kyɛ, “Bɔ ɔte Nyameɛ adwuma ɛhe, kyɛ ɛmɔkole bɔ wasoma ye ne bekoli ɔ.”

Romanfoɛ 2:7

Bɛ bɔ bemia bɛ nye bɛyɔ paa, na bɛpena animnyam, anidie ne daa ngoa nen, bɛ yeɛ Nyameɛ kɔma bɛ daa ngoa ɔ.

Romanfoɛ 8:37

Nakoso ɛhemɔ amukoraa nu ne, yɛfa bɔ okuro yɛ dwirɛ ne aso yɛdi ngonim mmorosoɛ.

1 Tɛsalonikafoɛ 3:5

Ɔnate ɛhe ati, mmerɛ bɔ né mesɔ nu a ɔnzɔ ne, nzomane ye kyɛ ɔɔnea kyɛbɔ ɛmɔ gyidie si gyi ɔ; na mesuro kyɛ ebiaa né abɔnzam aso ɛmɔ anea ama y’adwuma bɔ yɛyɔle ne wayɛ mbaen.

Hebrifoɛ 3:6

Nakoso Kristo de, odi Nyameɛ awuro so kyɛ Baa. Yiti yɛ ole ye awuro ne, nakoso sana yɛsɔ yɛ gyidie ne yɛ anwohoahoa bɔ ɔwɔ yɛ anyelasoɛ nu yé kodwu ayieleɛ.

Yakobo 2:20

Wɔ bɔ wadwene te kãa ɔ! Ɛpena kyɛ bɛkã bekyire wɔ kyɛ gyidie bɔ nnwumaa nne nu ne ɔte wuruwaa anaa?

1 Yohane 2:19

Befi yɛ nu yeɛ bɛhɔle ɔ, nakoso né bɛmmɔ yɛ fekue ne bie. Ofikyɛ sɛ bɛbɔ yɛ fekue ne bie a, ahaa bɛ ne yɛ hɔle so tenane. Na bafi yɛ nu maa wala ali kyɛ bɛ mukoraa bɛmmɔ yɛ fekue ne bie.

1 Yohane 3:23

Na ye ahyɛdeɛ ne kyire kyɛ yɛle ɔwa Yesu Kristo dumaa ne yɛli, ná yɛhurohuro yɛ nwo dwirɛ kyɛbɔ wafa ahyɛdeɛ wama yɛ ne.

1 Yohane 5:5

Nwa yeɛ odi wiase so ngonim ɔ? Ye ole sona bɔ ode di kyɛ Yesu ole Nyameɛ Awa ne ɔ.

Nyekyire 2:11

Bɔ ole asoɛ ne, maa otie bɔ Sunzum ne kã kyire asɔre nemɔ ne: Bɔ odi ngonim ne, ewue bɔ ɔtɔ so nyɔ ne ngɔwa ye so.’

Nyekyire 2:17

Bɔ ole asoɛ ne, maa otie bɔ Sunzum ne kã kyire asɔre nemɔ ne: Bɔ odi ngonim ne, ngɔma ye mvealeɛ nu mana ne bie maa okoli, na ngɔma ye nyɔboɛ fufue, na nyɔboɛ ne aso yeɛ bahyerɛ dumaa foforɛ bɔ ebiala nze bagua ɔ, sana sona bɔ onya ye ne angome.’

Nyekyire 2:7

Bɔ ole asoɛ ne, maa otie bɔ Sunzum ne kã kyire asɔre nemɔ ne: Bɔ odi ngonim ne, ngɔma ye ngoa bakaa bɔ ogyi Nyameɛ Paradise ne anu mma maa okoli.

Nyekyire 20:4

Afei nwuni ahennie bia mɔ, na bɛmane bɛ bɔ bɛtete so nemɔ tumi kyɛ bebua ndɛen. Na bɛ bɔ ɔnate Kristo adanzeɛ ne Nyameɛ dwirɛ ne ati bɛpepɛle bɛ ti ne, nwuni bɛ kra mɔ. Bɛ de, banzɔne kaka ne anaa ye honi ne, yeɛ banne ye nzorɛhyɛlɛ ne wɔ bɛ nwoma so, anaa bɛ sa nwo. Benyane ngoa bieku, na bɛne Kristo belili hene afoɛ apee ko.

Nyekyire 21:7

Ebiala bɔ odi ngonim ne, okonya ɛhemɔ amukoraa, na ngɔyɛ ye Nyameɛ, ná ye koso wayɛ mma.

Nyekyire 22:5

Na aleɛ ngɔsa berɛ ko; yeɛ benhia kanea anaa eyia ye hyireinn; ofikyɛ Awurade Nyameɛ yeɛ ɔkɔyɛ bɛ kanea ɔ, na bekoli hene afebɔɔ.

Nyekyire 3:12

Na bɔ odi ngonim ne, ngɔyɛ ye bonima wɔ me Nyameɛ asɔneyɛɛ sua ne anu; na ongofi nu ngofite ko. Na me Nyameɛ dumaa, ɔne me Nyameɛ kuro dumaa, bɔ ɔte Yerusalem foforɛ ne, bɔ ofi nyameɛso ɔba ase fi me Nyameɛ berɛ, ɔne me dumaa foforɛ ne, ngɔhyerɛ ngogua ye nwo.

Nyekyire 3:21

Na bɔ odi ngonim ne, ngɔmaa ɔne me kɔtena m’ahennie bia so, kyɛbɔ me koso mali ngonim ná me ne me Baba yatena ye ahennie bia so ne.

Nyekyire 3:5

Na bɔ odi ngonim ne, bɛkɔfa ataadeɛ fufue sɔ bekowura ye, na mengokyikyi ye dumaa mengofi ngoa nwomaa ne anu; na mmom ngɔbɔ ye dumaa wɔ me Baba ne ye abɔfo mɔ nyunu.