Nyekyire 2:25 - AHYERƐLƐ KRONGRON

²⁵ Yiti bɔ ɛmɔanya ye ne, ɛ́mɔsɔ nu yé kɔpem kyɛ ngɔwa ɔ.

Nyekyire 2:25 Iomraidhean Croise

Yohane 14:3

Na sɛ mekɔ ná mekosiesie nekaa mema ɛmɔ a, ngosa ngɔwa, ná maafa ɛmɔ mahɔ me bɔbɔ me berɛ, ná nekaa bɔ nwɔ ne, ɛmɔ koso bawa berɛ bie.

Asomafoɛ 11:28

Bɛ nu ko bɔ bɛfrɛ ye Agabo fale Sunzum Krongron tumi so hyɛle ngɔm kyɛ ɛhɔen pirikua bie baawa ewiase amukoraa. Sɔ hɔen ne wale Klɔdio Kaesare aberɛ so.

Romanfoɛ 12:9

Ɛ́mɔma ɛmɔ ɔdɔ ɔyɛ kaenn; ɛ́mɔhyi bɔne, ná ɛ́mɔtira bɔ ɔte paa ɔ nu serɛserɛ.

1 Korintofoɛ 11:26

Na mmerɛ biala bɔ ɛmɔkoli paanoo he ná ɛmɔkɔno kulie he noa nen, ɛmɔbɔ Awurade wue ne dawure kodwu mmerɛ bɔ ɔkɔwa ɔ.

1 Korintofoɛ 4:5

Yiti nnɛma ɛmɔbua ndɛen koraka ná mmerɛ ne wadwu, koraka né Awurade awa, na ye yeɛ ɔkɔye mvealeɛ nu dwirɛ bɔ ɔwɔ awosii nu kofite ɔ, ná wasa mmenia ti anu nzusuleɛ wagua dwaaso. Na afei ebiala konya ɛkamvolɛ bɔ ɔfata ye ɔ kofi Nyameɛ berɛ.

1 Tɛsalonikafoɛ 5:21

na mmom ɔsɛ kyɛ ɛmɔso nningyein amukoraa bɛnea: na bɔ ɔte paa ne, ɛ́mɔsɔ nu yé,

Hebrifoɛ 10:23

Ɛ́mɔma yɛsɔ anyelasoɛ dwirɛ bɔ yɛgyi so ne anu serɛ, ofikyɛ bɔ ɔhyɛle bɔ ne, odi nahorɛ.

Hebrifoɛ 3:6

Nakoso Kristo de, odi Nyameɛ awuro so kyɛ Baa. Yiti yɛ ole ye awuro ne, nakoso sana yɛsɔ yɛ gyidie ne yɛ anwohoahoa bɔ ɔwɔ yɛ anyelasoɛ nu yé kodwu ayieleɛ.

Hebrifoɛ 4:14

Ɛmɔma yɛsɔ yɛ gyidie nu serɛ, ofikyɛ yɛle ɔsɔfo panyi paa, Nyameɛ Awa Yesu bɔ wafa ewienu wahɔ nyameɛso ɔ.

2 Petro 3:10

Nakoso Awurade kyẽa ne kɔwa kyɛ awueniɛ ba [kɔngɔen] ɔ. Na nu yeɛ anwuro kɔbɔ nu kurudududu serɛserɛ kotu komini. See kɔma ewienu abɔdeɛ mɔ kohuro, na aseɛ ne so nningyein amukoraa kɔyera.

Nyekyire 1:7

Ɛmɔnea! Ɔnate munungum nu ɔ́ba, anyeɛ biala konwu ye, yeɛ bɛ bɔ bɛwɔle ye pealɛɛ ne po bekonwu ye; na ɔnate ye ti aseɛ so mmusua kure amukoraa bɛkɔbɔ awuye. Na sɔ ala yeɛ okosi ɔ. Amen.

Nyekyire 22:20

Bɔ odi edwirɛ hemɔ nwo adanzeɛ ne, ɔnwa, “Amba, méba ndɛndɛ!” Amen. Awurade Yesu, bra!

Nyekyire 22:7

“Tie, méba ndɛndɛ. Ebiala bɔ otira nwomaa he anu ngɔmhyɛlɛ dwirɛ nu ne, onya saleɛ.”

Nyekyire 3:11

Méba ndɛndɛ, yiti sɔ bɔ anya ye ne anu yé, ná ebiala anne w’abotire ne.

Nyekyire 3:3

Yiti kaye bɔ behyirele wɔ, ɔne bɔ ɛtele ne; sɔ nu yé na sakyera w’adwene. Na sɛ anwɛne a, ngɔwa wɔ so kyɛ awueniɛ, na engonwu dɔnhwere horɛ bɔ ngɔfa ngɔwa wɔ so ɔ.