Nyekyire 2:23 - AHYERƐLƐ KRONGRON

²³ Ngohũhũ ye mma mɔ, na asɔre nemɔ amukoraa bekonwu kyɛ me yeɛ mepɛnzɛpɛnzɛ sona ti anu ne ahone nu dwirɛ nu ɔ; na ngɔma ɛmɔ nu biala akatuaa kyɛbɔ ye nnwumaa te ɔ.

Nyekyire 2:23 Iomraidhean Croise

1 Aberɛso Dwirɛ 17:18

Animnyam bɔ ahyɛ me, wɔ somvoɛ Dawide ye, nzikyɛ dwirɛ bieku koraa yeɛ nga ngyire wɔ ɔ? Wɔ yeɛ ɛse wɔ somvoɛ ɔ.

1 Aberɛso Dwirɛ 28:9

“Na afei, mma Solomon, AWURADE wɔ baba ye Nyameɛ ne, odi kyɛ enwu ye yé, ná ɛfa ahone bɔ nu te, ɔne sotie ɛso ye. Ofikyɛ AWURADE neanea ahone amukoraa nu, na ɔse nzusuleɛ ne adwene biala. Sɛ ɛpena ye si ate a, ekonwu ye, nakoso sɛ ɛpo ye a, ɔkɔye ye sa kofi wɔ bo afebɔɔ.

1 Aberɛso Dwirɛ 29:17

Me Nyameɛ, mese kyɛ ɛneanea ahone nu, na wɔ nye gye sona bɔ ye bra te sannwuu ɔ nwo. M’ahone nu te, na maye me kunu sefaa yeɛ mafa sɔ nningyein nemɔ amukoraa mabɔ afɔleɛ mama wɔ ɔ. Na kekesaala ye, wɔ maen bɔ bayia wa ye, manwu kyɛ bele anigye baye bɛ kunu sefaa babɔ afɔleɛ bama wɔ ɔ.

2 Aberɛso Dwirɛ 6:30

ye de tie bɛ sufrɛ wɔ nyameɛso, nekaa bɔ ɛte ne, ná fa bɛ bɔne kyɛ bɛ. Wɔ ngome yeɛ ɛse sona biala ye ti anu dwirɛ ɔ. Yɔ ma ebiala kyɛbɔ ɔfata ye ɔ, ofikyɛ ɛse kuro sona biala ti anu dwirɛ,

YOB NWOMAA NE 24:23

Ɔbɔ bɛ nwo waen ogyina bɛ si, nakoso ye nye li b’atee bɔ bɛnate so ɔ si.

Edwein 139:1

Ao AWURADE, aneanea me nu, na anwu me.

Edwein 26:2

Neanea me nu ná so me nea, pɛnzɛpɛnzɛ m’ahone nu ne me ti anu.

Edwein 44:21

aso ahaa Nyameɛ ongonwu ye anaa? Ofikyɛ ye yeɛ ɔse sona ti anu mvealeɛ dwirɛ ɔ.

Edwein 62:12

Na wɔ, ao AWURADE, ɔdɔ bɔ onni ngasi ne te wɔ deɛ, na etua sona biala kerɛ kyɛbɔ ye nnwumaa te ɔ.

Edwein 7:9

Ao bɔnefoɛ b’amumuyɛɛ ne, ma ye bo ɔpɛ, nakoso sona bɔ ɔtengyɛ ne de, ma ye bo otindim. Ao Nyameɛ bɔ ɛtengyɛ ɔ, wɔ yeɛ ɛse mmenia ti anu ne b’ahone nu dwirɛ ɔ.

Yeremia 11:20

Nakoso Asafo AWURADE, wɔ bɔ ebua ndɛen turoloo, bɔ ɛpɛnzɛpɛnzɛ sona ahone nu ne ye ti anu ɔ, maa nwu wɔ wereɛtɔlɛ ne wɔ bɛ so, ofikyɛ wɔ yeɛ mafa me dwirɛ mawura wɔ sa ɔ.

Yeremia 17:10

Me AWURADE, me yeɛ mepɛnzɛpɛnzɛ adwene nu, ná meso ahone menea ɔ, kyɛ metua ebiala so kerɛ kyɛbɔ ye atee si te ɔ, ɔne kyɛbɔ ye yɔleɛ si te ɔ.

Yeremia 20:12

Nakoso Asafo AWURADE, wɔ bɔ eso teneneeniɛ nea ɔ, bɔ ɛse ahone nu ne bɛ ti nu dwirɛ ɔ, maa nwu bɛ so wereɛ bɔ ɛkɔtɔ ne, ofikyɛ wɔ yeɛ mafa me dwirɛ mato wɔ nyunu ɔ.

Sefania 1:11

Ɛ́mɔbɔ awuye, ɛmɔ bɔ ɛmɔtete nekaa bɔ bɛfrɛ berɛ Mɔɔta ɔ, ofikyɛ banua dwadifoɛ nemɔ amukoraa bɛ boso, banua bɛ bɔ bɛkari ɛdwetɛ ne amukoraa bɛ boso.

Mateo 16:27

Ɔnate kyɛ, Sona Awa ne ɔne ye abɔfo mɔ bɛkɔwa ye Baba animnyam nu, na okotua ebiala kerɛ kyɛbɔ ye yɔleɛ si te ɔ.

Luka 16:15

Yiti Yesu sele bɛ kyɛ, “Ɛmɔte mmenia bɔ ɛmɔbu bɛ nwo kyɛ bɛtengyɛ wɔ mmenia nyunu, nakoso Nyameɛ yeɛ ɔse ɛmɔ ti anu ɔ. Ofikyɛ, bɔ ɔmoma ye nwo so wɔ mmenia nu ne, ɔte akyiwadeɛ wɔ Nyameɛ nyunu.

Yohane 21:17

Yesu bisale ye ye pɛen nza so kyɛ, “Simɔn, Yohane awa, aso ekuro me dwirɛ?” Na Petro wora bɔle kyɛ wabisa ye pɛen nza kyɛ, “Aso ekuro me dwirɛ?” Na obuale ye kyɛ, “Awurade, ɛse nikyee biala; ɛse kyɛ mekuro wɔ dwirɛ.” Yeɛ Yesu sele ye kyɛ, “Nea me mmoaen nemɔ so.

Yohane 4:16

Na Yesu sele ye kyɛ, “Kɔfrɛ ehu, ná ɛne ye bɛbra.”

Asomafoɛ 1:24

Na bɛbɔle mbaeɛ kyɛ, “Awurade, wɔ yeɛ ɛse ebiala ti anu dwirɛ ɔ, yiti mmenia nyɔ he, kyire yɛ bɛ nu ko bɔ aye ye

Romanfoɛ 14:12

Yiti yɛ nu biala kobu ye bɔbɔ ye nwo ngondaa kohyire Nyameɛ.

Romanfoɛ 8:27

Na bɔ ɔpɛnzɛpɛnzɛ mmenia ti anu adwene nu ne, ɔse Sunzum ne ti anu adwene, ofikyɛ Sunzum ne srɛ ma anwoteefoɛ kyɛbɔ Nyameɛ pɛ si te ɔ

2 Korintofoɛ 5:10

Ofikyɛ, odi kyɛ yɛ mukoraa yɛkogyina Kristo ndɛenbualɛ bia ne nyunu. Na bɔ sona biala wayɔ ye wɔ sɔ anwoɔnaen he anu ne, kyɛ paa oo, anaa bɔne oo, okonya ye nwo akatuaa.

Galatiafoɛ 6:5

Ofikyɛ ebiala kɔsoa ye bɔbɔ ye adesoa.

Deuteronomi 13:11

Na Yisraelfoɛ amukoraati bɛkɔte, bekosuro, na bɛngɔyɔ amumuyɛɛ bɔ ɔte sɔaa ko wɔ ɛmɔ nu.

Deuteronomi 17:13

Mmenia ne amukoraati bɛkɔte ná basuro, na bɛngɔyɛ anwomasoɛ ko.

Deuteronomi 19:20

Mmenia bɔ baha ne kɔte ná basuro, na ɔngɔma bɛngɔyɔ amumuyɛɛ bɔ ɔte sɔaa ɔ wɔ wɔ nu ko.

Deuteronomi 21:21

Na afei ɔsɛ kyɛ kuro berɛ ama mukoraati boro ye nyɔboɛ beku ye. Yiti ɔsɛ kyɛ etu bɔne ne bo fi wɔ nu; na Yisrael mukoraati kɔte ná basuro.

Hebrifoɛ 4:13

Abɔdeɛ biala mvea wɔ Nyameɛ nyunu, ye bɔ odi kyɛ yɛbu ngondaa yɛkyire ye ne, nikyee biala mvea ye, na ye nye tua nningyein mukoraa.

1 Petro 1:17

Na sɛ ɛmɔfrɛ bɔ ɔnnea sona nyunu yeɛ obua ndɛen kyɛbɔ ebiala nnwumaa te ɔ kyɛ Baba a, ye de ɔsɛ kyɛ ɛmɔfa esuronyi bɛbɔ ɛmɔ bra wɔ mmerɛ bɔ ɛmɔaayɛ amanvrafoɛ ɔ.

Nyekyire 2:11

Bɔ ole asoɛ ne, maa otie bɔ Sunzum ne kã kyire asɔre nemɔ ne: Bɔ odi ngonim ne, ewue bɔ ɔtɔ so nyɔ ne ngɔwa ye so.’

Nyekyire 2:7

Bɔ ole asoɛ ne, maa otie bɔ Sunzum ne kã kyire asɔre nemɔ ne: Bɔ odi ngonim ne, ngɔma ye ngoa bakaa bɔ ogyi Nyameɛ Paradise ne anu mma maa okoli.

Nyekyire 20:12

Na nwuni awufoɛ, kwahweabaa mɔ ne atitire kyɛ begyigyi ahennie bia ne nyunu. Bebukyebukyele nwomaa nemɔ anu, besa bebukyele nwomaa foforɛ bie bɔ ɔte ngoa nwomaa ne anu. Na begyinane edwirɛ bɔ bahyerɛ ye wɔ nwomaa nemɔ anu so bebuale awufoɛ ndɛen, kyɛbɔ bɛ nnwumaa te ɔ.

Nyekyire 20:13

Na ɛpo yele awufoɛ bɔ bɛwɔ ye nu ne wale. Ewue ne Ɛborɔ yeyele awufoɛ bɔ bɛwɔ bɛ nu ne bɛwale. Na bebuale bɛ nu biala ndɛen kyɛbɔ bɛ nnwumaa te ɔ.

Nyekyire 22:12

“Tie, méba ndɛndɛ; na ndira m’akatuaa kyɛ mefa mebrɛ ebiala kyɛbɔ ye nnwumaa te ɔ.

Nyekyire 6:8

Nneane, na nwuni pɔngɔ hoyaa bie; na bɔ ɔte ye so ne dumaa li Ewue, na Ɛborɔ li ye si. Na bɛmane bɛ tumi wɔ aseɛ ngyɛmuɛ nna nu ko so, kyɛ bɛfa ngrandɛ, ɛhɔen, anwonyerɛ ne aseɛ so ngaka aboyaa behũhũ bɛ.

1 Samuel 16:7

Nakoso AWURADE sele ye kyɛ, “Nnɛnea kyɛbɔ osi te ɔ anaa ye tendenn, ofikyɛ nna ye yeɛ mekuro ɔ. Na kyɛbɔ sona si nwu nikyee ne, nna sɔ yeɛ AWURADE nwu ye ɔ. Bɛ nye so nikye yeɛ sona nea ɔ, nakoso AWURADE de, ɔnea b’ahone nu.”