Nyekyire 2:20 - AHYERƐLƐ KRONGRON

²⁰ Nakoso mebɔ wɔ kwaadu kãa, ofikyɛ ɛma braa Yesebɛl bɔ ɔfrɛ ye nwo ngɔmhyɛlɛniɛ ne ate, kyɛ ɔyɛ ngyerɛkyerɛ ná ɔlakalaka me ngoaa mɔ ma bɛbɔ adwaman ná beli bosoen so aleɛ.

Nyekyire 2:20 Iomraidhean Croise

1 Ahemvo 16:31

Nebate awa Yeroboam bɔne bɔ Ahabo yɔle bie ne, sɔ bɔne ne po saa né ɔte kãa: Ahabo oogyale Sidonfoɛ hene Etebaal ɔwa brasua Yesebɛl, na ɔsole bosoen Baal sɔnene ye.

1 Ahemvo 17:13

Yeɛ Elia sele braa ne kyɛ, “Nnɛsuro, wɔ de kɔyɔ kyɛbɔ ahã ne ala, nakoso di moa fa esam ne bie yɔ taterɛ kãa brɛ me, na afei ayɔ bie ɛne ɛwa ne bali.

1 Ahemvo 17:4

No bɔnza ne anu nzue ne bie, na mahyɛ adene nemɔ kyɛ bɛbrɛ wɔ aleɛ.”

2 Ahemvo 9:22

Yoram nwuni Yehu pɛ, obisale ye kyɛ, “Yehu, ɔte bɔkɔɔ anaa?” Na obuale ye kyɛ, “Wɔ aberɛ bɔ eni Yesebɛl ɔtɛ so mmosoen ná ɔtɛ tira ahɔenlilɛ nu ne, ɔkɔyɛ sɛɛ né asomdwee awa?”

2 Ahemvo 9:7

Odi kyɛ eku wɔ mene Ahabo ye awuro ama, amaa ɔnate so matɔ Yesebɛl so wereɛ, ɔnate me somvoɛ ngɔmhyɛlɛfoɛ nemɔ bɛ mogya, ɔne AWURADE somvoɛ amukoraa bɛ mogya so ti.

Ɛksadɔso 34:15

Nnɛne aseɛ ne aso ama yɛ apam, amaa sɛ bɛbɔ adwaman bekodi bɛ mmosoen nemɔ asi, ná bɛbɔ afɔleɛ bɛma bɛ mmosoen nemɔ, ná bɛ nu bie to ye sa frɛ wɔ a, angɔanni ye afɔleɛ ne bie.

Hesekiel 13:17

“Na wɔ, Sona awa, wɔ maen ne anu mmrasua bɔ bɛbɔ bɛ ti anu bɛhyɛ ngɔm ne, tu wɔ nye sie bɛ so, ná hyɛ ngɔm tia bɛ kyɛ,

Asomafoɛ 15:20

Na mmom odi kyɛ yɛkyerɛ krataa yɛkɔma bɛ, kyɛ, onni kyɛ bedi aleɛ biala bɔ bafa babɔ afɔleɛ bama bosoen, bɛhwe bɛ nwo befi adwamanbɔlɛ nwo; yeɛ afei onni kyɛ bedi kaka biala bɔ wawu ye mogya nu, anaakyɛ mogya.

Asomafoɛ 15:29

Nnɛma ɛmɔdi aleɛ biala bɔ bafa babɔ afɔleɛ bama bosoen; nnɛma ɛmɔdi mogya; nnɛma ɛmɔdi kaka biala bɔ wawu ye mogya nu; yeɛ afei ɛmɔhwe bɛ nwo befi adwamanbɔlɛ nwo. Na sɛ ɛmɔtwe bɛ nwo befi ɛhemɔ nwo a, ɔte paa. Yɛbisa bɛ.”

1 Korintofoɛ 10:28

Nakoso sɛ ebie kã kyire ɛmɔ kyɛ, “Aleɛ he te bosoen so aleɛ” de a, ye de bɔ ɔbɔle ɛmɔ amaneɛ ne ti, ɔne kuro sona tiboa ti nnɛma ɛmɔdi.

Nyekyire 2:14

Nakoso mebɔ wɔ kwaadu kãa, ofikyɛ ele mmenia biemɔ wɔ wɔ berɛ bɔ basɔ Balaam ngyerɛkyerɛ nu ɔ, ye bɔ ohyirele Balake kyɛ ɔto Yisraelfoɛ sundidua ma beli bosoen so aleɛ, ná bɛbɔ adwaman ɔ.

Nyekyire 2:4

Nakoso mebɔ wɔ kwaadu, ofikyɛ ayakyi ɔdɔ bɔ elili moa nyane ye ne anu.