Nyekyire 2:18 - AHYERƐLƐ KRONGRON

¹⁸ “Kyerɛ kɔma Tiatira asɔre ne anu abɔfo ne kyɛ, ‘Nyameɛ Awa ne, bɔ ye nye mmaa te kyɛ see bɔ ogye, bɔ ye gya nwo te kyɛ ayaa bɔ bahwi ye nwo nyemenenyemene ne, ye noa dwirɛ ɛhe:

Nyekyire 2:18 Iomraidhean Croise

Edwein 2:7

Ngɔfa AWURADE ahyɛdeɛ ne ngɔto dwaa: Osele me kyɛ, “Mma ole wɔ, ɛnɛ mawo wɔ.

Daniel 10:6

Ye sonaluwaa ne, ɔte kyɛ nyɔboɛ bɔ bɛfrɛ ye bɛrile, ye nyunu te kyɛ agralaa, ye nye mmaa te kyɛ see bɔ ogye wuronyiwuronyi ɔ, ye sa ne ye gya nwo te kyɛ ayaa bɔ bahwi ye nwo ɔ, na odwudwo a ye komvi te kyɛ ɛlɔen komvi.

Mateo 17:5

Ogu so odwudwo ne ala, yieee, munungum hyɛnhyɛnn bie ɔɔkatale bɛ so, na edwudwolɛ bie fili munungum ne anu hane kyɛ, “Mma bɔ ɔla m’ahone nwo ná me nye gye ye nwo paa ne ɛhe; ɛ́mɔtie ye!”

Mateo 27:54

Na asraafoɛ ɛyaa so panyi ne bɛ bɔ bɛboka ye so, bɔ bɛwɛne Yesu ne, benwuni aseɛwosolɛ ne ne nningyein bɔ osisili nen, besurole paa, na bɛhane kyɛ, “Amba, Nyameɛ Awa ne ɛhe!”

Mateo 3:17

na yieee, edwudwolɛ bie fili nyameɛso wale kyɛ, “Mma bɔ ɔla m’ahone nwo ná me nye gye ye nwo paa ne ɛhe.”

Luka 1:35

Na abɔfo ne buale ye kyɛ, “Sunzum Krongron ne kɔwa wɔ so, na Anwuro Anwuroniɛ ne, ye tumi komundu wɔ so; yiti baa krongron bɔ ɛkɔwo ye ne, bɛkɔfrɛ ye Nyameɛ Awa.

Yohane 1:14

Na Edwirɛ ne ɔɔyɛle anwoɔnaen, na ɔne yɛ ɛɛtenane, na yɛnwuni ye animnyam kyɛ Baba n’Awa bɔ ɔwole ye komapɛ twe n’animnyam, na adom ne nahorɛ ayi ye tɛkyɛ.

Yohane 1:49

Nataneɛl buale kyɛ, “Rabi, wɔ ole Nyameɛ Awa ne! Wɔ ole Yisrael Hene ne!”

Yohane 10:36

né nzu ati yeɛ bɔ Baba ne ayɛ ye krongron, ná wasoma ye maa wawa wiase ne, ɛmɔkã ye nwo dwirɛ kyɛ, ‘Ahã musue dwirɛ,’ ofikyɛ ngane kyɛ, ‘Nyameɛ Awa ne ole me?’

Yohane 3:16

Na kyɛbɔ Nyameɛ si hurole wiase dwirɛ nen, yiti yeɛ ɔmaa ɔfale Ɔwa komapɛ [bɔ ɔwole ye] ne mane ɔ, amaa ɔnate so ebiala bɔ okole ye koli ne wammini, na mmom wanya daa ngoa.

Yohane 3:18

Ebiala bɔ ode ye di ne, bemmua ye foɛ; nakoso bɔ onne nni ne de, babua ye foɛ dada, ofikyɛ onne Nyameɛ Awa komapɛ ne dumaa nni.

Yohane 5:25

Nahorɛ nu paa, mekã mekyire ɛmɔ kyɛ, mmerɛ ne ɔ́ba, na wawa dada, bɔ awufoɛ bɛkɔte Nyameɛ Awa ne komvi, na bɛ bɔ bɛte ne, bekonya ngoa.

Asomafoɛ 16:14

Né mmrasua ne ko li Lidia; ofi Tiatira. Né ɔtɔne ago. Ɔte Nyamesomniɛ, na Awurade bukyele ye adwene nu maa ɔyɛle asoɛ mane Pɔɔlo.

Asomafoɛ 8:36

Na bɛwɔ atee so bɛ́kɔ nen, bedwuli nekaa bie bɔ nzue wɔ ɔ; na sayɛɛ ne sele kyɛ, “Nea, nzue ɛhe! Nzikyɛ yeɛ osi m’asubɔlɛ nwo ate ɔ?”

Romanfoɛ 1:4

bɔ bafa tumi baye ye bahyire kyɛ Nyameɛ Awa, kyɛbɔ anwotelɛ Sunzum te ne, awufoɛ tingyelɛ nu, Yesu Kristo, yɛ Awurade,

Romanfoɛ 8:32

Sɛ wamva ye bɔbɔ Ɔwa wammɔ atianuserɛ, na mmom yɛ mukoraa yɛ ti ɔyele ye mane a, ɔkɔyɛ sɛɛ bɔ ɔngɔfa nningyein mukoraa ngɔboka ye so ngɔma yɛ ɔ?

Nyekyire 1:11

“[Me ole Alfa ne Omega ne, ahyɛaseɛ ne ayieleɛ ne.] Kyerɛ bɔ enwu ye ne gua nwomaa nu, ná fa kɔma asɔre nzoo nemɔ, fa kɔ Ɛfeso, Simina, Pɛgamɔm, Tiatira, Sadise, Filadɛɛfia ne Laodikea.”

Nyekyire 2:1

“Kyerɛ kɔma Ɛfeso asɔre ne anu abɔfo ne kyɛ: Bɔ otira nzramaa nzoo wɔ ye sa famaa nu, bɔ ɔnate sikaa kɔkorɛ kanea bakaa nemɔ b’afia ne, ye noa dwirɛ ɛhe:

Nyekyire 2:24

Nakoso ɛmɔ ngaa bɔ baha Tiatira, bɔ ɛmɔnni sɔ ngyerɛkyerɛ ne aso, bɔ ɛmɔanzua bɔ mmenia frɛ ye Satan mvealeɛ nu dwirɛ ne de, ɛmɔ yeɛ mekã mekyire ɛmɔ kyɛ, mengɔfa adesoa foforɛ mengɔto ɛmɔ so.