Nyekyire 2:17 - AHYERƐLƐ KRONGRON

¹⁷ Bɔ ole asoɛ ne, maa otie bɔ Sunzum ne kã kyire asɔre nemɔ ne: Bɔ odi ngonim ne, ngɔma ye mvealeɛ nu mana ne bie maa okoli, na ngɔma ye nyɔboɛ fufue, na nyɔboɛ ne aso yeɛ bahyerɛ dumaa foforɛ bɔ ebiala nze bagua ɔ, sana sona bɔ onya ye ne angome.’

Nyekyire 2:17 Iomraidhean Croise

Edwein 25:14

AWURADE ne bɛ bɔ besuro ye ne yeɛ betu asure ɔ, na ɔye ye apam ne ali kyire bɛ.

Edwein 36:8

Bedi aleɛ bɔ wabu so wɔ w’awuro ne ma bɛko yi, na ɛma bɛ nzue bɔ ofi w’anigye asue nu maa bɛno.

Ɛksadɔso 16:33

Na Mose sele Aarɔn kyɛ, “Fa talie, ná fa mana olonka ko gua nu; ná fa sie AWURADE nyunu, maa bɛ́fa bésie wɔ ɛmɔ aworɛ ndoatoasoɛ amukoraa nu.”

Anyandera 14:10

Ahone di aworabɔlɛ a, ye ngome yeɛ ɔse ɔ, yeɛ sɛ ye nye gye koso a, sona foforɛ biala nnya ye anigye ne anu kyɛfa.

Anyandera 3:32

Ofikyɛ sona bɔ ɔte kanda ne, ɔte AWURADE akyiwadeɛ, nakoso teneneeniɛ de, AWURADE kã ye ti anu dwirɛ kyire ye.

Yesaya 56:4

Ofikyɛ AWURADE nwa nyoo: “Sayɛɛ mɔ bɔ bedi m’afofingyẽa so, bɔ bɛyɔ bɔ mekuro ɔ, bɔ bedi m’apam ne aso ne,

Yesaya 56:5

ngɔma bɛ ngayeɛ nikyee ne dumaa wɔ m’awuro ɔne me fasue ne akunu, na sɔ nningyein nemɔ bedi mu bɛtra mmaa mmienzua ne mmaa mmrasua. Ngɔma bɛ dumaa afebɔɔ bɔ ongomini le ɔ.

Yesaya 62:2

Maen maen mɔ konwu wɔ bebualɛ ne, yeɛ ahemvo amukoraa bekonwu w’animnyam; bɛkɔfa dumaa foforɛ yeɛ bɛkɔfrɛ wɔ ɔ, bɔ ɔte dumaa bɔ okofi AWURADE noa nu kɔwa ɔ.

Yesaya 65:13

Yiti AWURADE nwa nyoo: “Ɛ́mɔtie, me somvoɛ mɔ bekodidi, nakoso ɛmɔ de, ɛhɔen kohũ ɛmɔ; ɛ́mɔtie, me somvoɛ mɔ bɛkɔno, nakoso ɛmɔ de, nzuhɔen kohũ ɛmɔ; ɛ́mɔtie, me somvoɛ mɔ bekoli ahurusi, nakoso ɛmɔ de, ɛmɔ nyunu kogua ase.

Yesaya 65:15

Na me mmenia bɔ mapa nu maye bɛ ne, ɛmɔ dumaa bɔ ɛmɔkɔyakyi ye berɛ ne, ɔkɔyɛ b’amonwaa dwirɛ, na AWURADE Nyameɛ kohũhũ ɛmɔ; nakoso ye somvoɛ mɔ de, ɔkɔto bɛ dumaa foforɛ;

Mateo 13:11

Na obuale bɛ kyɛ, “Ɛmɔ de, bafa bama ɛmɔ kyɛ ɛ́mɔnwu nyameɛso ahennie nu mvealeɛ nu dwirɛ, nakoso bɛ de, bɛffa bɛmmane bɛ.

Marko 7:16

Bɔ ole asoɛ tie ne, maa otie!”]

Yohane 4:32

Na obuale bɛ kyɛ, “Nne aleɛ bɔ medi bɔ ɛmɔnze ɔ.”

1 Korintofoɛ 2:14

Ebiala bɔ Nyameɛ Sunzum nne ye nu ne, onnya akyɛdeɛ bɔ befi Sunzum ne berɛ ne, ofikyɛ akyɛdeɛ ne te sɔ sona ne nye so ngwaseasɛm; yeɛ ɔngora nde bɛ bo koso, ofikyɛ Sunzum ne yeɛ ɔboka sona maa ɔte akyɛdeɛ ne bo ɔ.

Kolosefoɛ 3:3

Ofikyɛ ɛmɔawu, na bafa ɛmɔ ngoa ne Kristo basie Nyameɛ nu.

Nyekyire 14:3

Na bɛtole edwein foforɛ bie wɔ ahennie bia ne ne abɔdeɛ teasefoɛ nna ne ne mbanyi nemɔ nyunu. Na ebiala angora anzua sɔ dwein ne, sana apee sɔ alaa ɛyaa ko ne aburanna ne nna ne bɔ bale bɛ ngoa bafi aseɛ so ne angome.

Nyekyire 19:16

Né ole dumaa bie bɔ bahyerɛ ye wɔ ye ataadeɛ nu ne ye sɔ nwo kyɛ, “Ahemvo mɔ nu Hene ne meneɛ mɔ nu Meneɛ.”

Nyekyire 2:11

Bɔ ole asoɛ ne, maa otie bɔ Sunzum ne kã kyire asɔre nemɔ ne: Bɔ odi ngonim ne, ewue bɔ ɔtɔ so nyɔ ne ngɔwa ye so.’

Nyekyire 2:7

Bɔ ole asoɛ ne, maa otie bɔ Sunzum ne kã kyire asɔre nemɔ ne: Bɔ odi ngonim ne, ngɔma ye ngoa bakaa bɔ ogyi Nyameɛ Paradise ne anu mma maa okoli.

Nyekyire 3:22

Bɔ ole asoɛ ne, maa otie bɔ Sunzum ne kã kyire asɔre nemɔ ne.

Nyekyire 3:6

Bɔ ole asoɛ ne, maa otie bɔ Sunzum ne kã kyire asɔre nemɔ ne.