Nyekyire 2:13 - AHYERƐLƐ KRONGRON

¹³ [Mese wɔ nnwumaa], mese nekaa bɔ ɛte ɔ, nekaa bɔ Satan ahennie bia gyi ne; nakoso atira me dumaa ne anu bum, na ambo me gyidie ne, mmerɛ bɔ behuni m’adanzeniɛ nahorɛniɛ Antipa wɔ ɛmɔ berɛ ne po, nekaa bɔ Satan te ne.

Nyekyire 2:13 Iomraidhean Croise

Mateo 10:23

Na sɛ bɛtane ɛmɔ nye wɔ kuro ko aso a, ɛ́mɔnwati bɛhɔ foforɛ so. Nahorɛ nu, mekã mekyire ɛmɔ kyɛ, ɛmɔngoyie Yisrael nguro amukoraa so kyini koraka né Sona Awa ne awa.

Mateo 24:9

“Afei bɛkɔye ɛmɔ bɛkɔma maa ɛmɔkonwu amaneɛ, bekohũhũ ɛmɔ, na ɔnate me dumaa ti maen maen amukoraa bɛkɔpɔ ɛmɔ.

Mateo 4:10

Yeɛ Yesu buale ye kyɛ, “Dwɔso berɛ kɔ dɔ, Satan! Ofikyɛ Bahyerɛ kyɛ, ‘Sɔne Awurade wɔ Nyameɛ, na ye ngome twe yeɛ so ye ɔ!’ ”

Luka 21:17

Na ɔnate me dumaa ti, mmenia mukoraa bɛkɔpɔ ɛmɔ;

Asomafoɛ 22:20

Na mmerɛ bɔ behwie w’adanzeniɛ Setefano mogya begua ne, né me koso nwɔ berɛ bie, mbenene ye hunɛ ne aso, na nneane bɛ bɔ behuni ye ne ndaadeɛ so mane bɛ.’

Asomafoɛ 9:14

Afei koso wale tumi wafi asɔfo mbanyi nemɔ berɛ, na wawa wa kyɛ ɔbaahye ebiala bɔ ɔbɔ wɔ dumaa ɔ.”

1 Tɛsalonikafoɛ 5:21

na mmom ɔsɛ kyɛ ɛmɔso nningyein amukoraa bɛnea: na bɔ ɔte paa ne, ɛ́mɔsɔ nu yé,

1 Timoteo 5:8

Sɛ ebie nnea ye abusuafoɛ, nganga ye awuroama a, né wapo gyidie ne, na wafõ watra sona bɔ onne nni ɔ.

2 Timoteo 1:13

Edwirɛ paa mɔ bɔ ate afi me berɛ ne, sɔ ye nwo nhwɛsoɛ nu yé, gyidie ne ɔdɔ bɔ ɔwɔ Kristo Yesu nu ne anu.

2 Timoteo 2:12

sɛ yɛmia yɛ nye yɛtindim a, yɛne ye koli hene koso; sɛ yɛpo ye a, ye koso ɔkɔpo yɛ;

Hebrifoɛ 10:23

Ɛ́mɔma yɛsɔ anyelasoɛ dwirɛ bɔ yɛgyi so ne anu serɛ, ofikyɛ bɔ ɔhyɛle bɔ ne, odi nahorɛ.

Hebrifoɛ 3:6

Nakoso Kristo de, odi Nyameɛ awuro so kyɛ Baa. Yiti yɛ ole ye awuro ne, nakoso sana yɛsɔ yɛ gyidie ne yɛ anwohoahoa bɔ ɔwɔ yɛ anyelasoɛ nu yé kodwu ayieleɛ.

Yakobo 2:7

Aso nna bɛ yeɛ bɛkã musue dwirɛ betia animnyam dumaa bɔ bɛfa bɛfrɛ ɛmɔ ne?

Nyekyire 1:5

ɔne bɔ ofi Yesu Kristo bɔ ɔte danzeniɛ nahorɛniɛ ne, awufoɛ nu bamuɛbaa ne aseɛ so ahemvo mɔ bɛ hene ne berɛ ne, ɔbra ɛmɔ so. Ye bɔ okuro yɛ dwirɛ, ná wafa ye mogya wanwunzi yɛ nwo wafi yɛ bɔne nu,

Nyekyire 11:3

Na ngɔma m’adanzefoɛ nyɔ bɛkɔhera ɛsɛen tena bɛkɔhyɛ ngɔm ngyẽa apee ko ɛyaa nyɔ ne aburasia.”

Nyekyire 12:11

Na bɛfale Boaen Ba ne mogya so ne b’adanzeɛ dwirɛ so yeɛ belili ye so ngonim ɔ, na banzuro kyɛ bɛkɔfa bɛ ngoa bɛkɔpɛ so ɔ.

Nyekyire 13:2

Na kaka bɔ nwuni ye ne ɔte kyɛ aboa, ye gya te kyɛ kwabrafo gya, na ye noa te kyɛ gyata noa. Na sasrabɔnzam ne fale ye tumi ne ye ahennie bia ne anwoserɛ piri ne mane ye.

Nyekyire 14:12

Na ɛhe hia anwoteefoɛ animia, bɛ bɔ bedi Nyameɛ ahyɛdeɛ so ná betira Yesu gyidie nu ne.”

Nyekyire 17:14

Bɛkɔfa koɛ bɛkɔteta Boaen Ba ne, na Boaen Ba ne koli bɛ so ngonim; ofikyɛ ɔte meneɛ mɔ nu Meneɛ ne ahemvo mɔ nu Hene; na bɛ bɔ bɛboka ye so ne, wafrɛ bɛ, waneanea nu waye bɛ, na bedi nahorɛ.”

Nyekyire 17:6

Na nwuni kyɛ anwoteefoɛ mogya ne Yesu adanzefoɛ mogya wabo braa ne; na nwuni ye nen, ɔyɛle me nwanwa paa.

Nyekyire 2:2

Mese wɔ nnwumaa, wɔ fɛɛ ne w’animia, ɔne kyɛbɔ ɛngora nzosɔ bɔnefoɛ so, ná mmom aso bɛ bɔ bɛnwa bɛte asomafoɛ nakoso bɛtte asomafoɛ ɔ anea, na anwu bɛ kyɛ bɛte ngondombofoɛ.

Nyekyire 3:11

Méba ndɛndɛ, yiti sɔ bɔ anya ye ne anu yé, ná ebiala anne w’abotire ne.

Nyekyire 3:3

Yiti kaye bɔ behyirele wɔ, ɔne bɔ ɛtele ne; sɔ nu yé na sakyera w’adwene. Na sɛ anwɛne a, ngɔwa wɔ so kyɛ awueniɛ, na engonwu dɔnhwere horɛ bɔ ngɔfa ngɔwa wɔ so ɔ.