Nyekyire 2:10 - AHYERƐLƐ KRONGRON

¹⁰ Nnɛsuro amaneɛ biala bɔ ɛbaanwu ye ɔ. Tie, abɔnzam kɔfa ɛmɔ nu biemɔ kogua kuku nu, kyɛ ɔfa so ɛmɔ nea, na ɛmɔkonwu amaneɛ eleburu. Di nahorɛ kodwu ewue nu, na ngɔma wɔ ngoa abotire.

Nyekyire 2:10 Iomraidhean Croise

Edwein 31:23

Ɛmɔ, anwoteefoɛ amukoraa, ɛmɔhuro AWURADE dwirɛ. AWURADE bɔ anwoteefoɛ nwo waen, nakoso ebiala bɔ ɔma ye nwo so ne, otua ye so kerɛ piri paa.

Awuye 3:57

Kyẽa bɔ nzu mvrɛle wɔ ne, ɛhwe pingyele me, na ɛhane kyɛ, ‘Nnesuro!’

Daniel 1:12

“Mesrɛ wɔ, maa bɛma yɛ nyaanyaa ma yɛli ɔne nzue ma yɛno sɔ alaa eleburu, ná wɔ de nea kyɛbɔ wɔ somvoɛ mɔ bekosi bɛkɔyɛ ɔ.

Daniel 1:14

Yiti ɔpenene bɛ nzusuleɛ ne aso, na ɔmaa bɛfale sɔ tebea ne anu ɔneane alaa eleburu.

Habakuku 2:3

Ofikyɛ nyekyire ne, ɔ́nwondɛ mmerɛ bɔ bahyehyɛ bato berɛ bama ye ɔ; ɔpe ndɛen kyɛ ɔkɔwa nu ɔ, na ɔngɔyɛ ngyɛkyerɛ. Sɛ ɔyɛ ngyɛkyerɛ po a, nwondɛ; ofikyɛ ɔkɔwa nu amba, ɔngɔyɛ ngyɛkyerɛ.

Mateo 10:22

Ɔnate me dumaa ti, mmenia mukoraa kɔpɔ ɛmɔ; nakoso bɔ okotindim koodwu ayieleɛ nen, ye yeɛ bekole ye ngoa ɔ.

Mateo 10:28

Nnɛma ɛmɔsuro bɛ bɔ beku anwoɔnaen ne, ná koso bɛngora bengu ɛkra ne; na mmom ɛ́mɔsuro bɔ ɔkora sɛkye anwoɔnaen ne ɛkra ne amunyɔ wɔ abɔnzam see nu ne.

Mateo 24:13

Nakoso bɔ okotindim koodwu ayieleɛ nen, ye yeɛ bekole ye ngoa ɔ.

Marko 13:13

Ɔnate me dumaa ti, mmenia mukoraa bɛkɔpɔ ɛmɔ, nakoso bɔ okotindim koodwu ayieleɛ nen, ye yeɛ bekole ye ngoa ɔ.

Marko 8:35

Ofikyɛ ebiala bɔ okuro kyɛ ode ye kra ngoa ne, ɔkɔhwere ye; nakoso ebiala bɔ ɔnate me ne nzɛmba ne ati ɔkɔhwere ye ngoa ne, okonya ngoa kɔma ye kra.

Luka 21:12

Nakoso anzana ɛhemɔ amukoraa bekosisi ne, bekoli moa bɛkɔhye ɛmɔ, ná batane ɛmɔ nye, bɛkɔhye ɛmɔ bɛkɔhɔ nyianu sua mɔ nu ne kuku nu, na ɔnate me dumaa ti bɛkɔfa ɛmɔ bekogyina ahemvo ne amrado mɔ nyunu.

Yohane 12:25

Ebiala bɔ okuro ye ngoa dwirɛ ne, okofi ye sa; yeɛ ebiala bɔ ɔpɔ yɛ ngoa wɔ wiase wa ne, ɔkɔfa kosie kɔhɔ daa ngoa nu.

Yohane 13:2

Na nɔsoa bɔ bɛbaadidi nen, né abɔnzam anya afa awura Yudase Yiskariote, Simɔn awa ne, ye ti anu kyɛ ɔye Yesu ma.

Yohane 13:27

Na olele paanoo sii ne nen, yeɛ Abɔnzam oowurale ye nu ɔ. Yeɛ Yesu sele ye kyɛ, “Bɔ ɛbaayɔ ne, yɔ ye ndɛ!”

Asomafoɛ 20:24

Nakoso me de, memva he menyɛ hwee, yeɛ me ngoa koso memva menyɛ hwee; amaa ɔnate so mahora mafa anigye mayie me natelɛ ne Awurade Yesu asɛmbatrɛ adwuma bɔ ɔfa mane me kyɛ nni Nyameɛ adom nzɛmba ne nwo adanzeɛ ne.

Asomafoɛ 21:13

Nakoso obuale yɛ kyɛ, “Na esuɛ ye koso ɛ? Bɔ bɛyɔ sɔ bɛma m’aba nu bu ye! Me de, nna kuku nu nnaa ngome yeɛ masiesie me nwo mama ɔ, na mmom kyɛ Awurade Yesu dumaa ti ngowu wɔ Yerusalem ɔ.”

1 Korintofoɛ 9:25

Ebiala bɔ otu amirika pere ngonim ne, ɔhyɛ ye nwo so wɔ nikyee biala nu. Bɛyɔ sɔ ná banya abotire abasobɔdeɛ bɔ ɔsɛkye ɔ, nakoso yɛ de, yɛnya abotire abasobɔdeɛ bɔ ɔnzɛkye ɔ.

Ɛfesofoɛ 2:2

bɔ daa ne, ɛmɔbɔle ɛmɔ bra kyɛbɔ wiase brabɔlɛ te ɔ, bɔ ɛmɔlili ewienu tumi panyi ne si, bɔ ɔte sunzum bɔ kekesaala ye odi dwumaa wɔ asoserɛfoɛ nu ne.

Ɛfesofoɛ 6:12

Ofikyɛ nna yɛne anwoɔnaen ne mogya yeɛ yɛdi ahoɛ ɔ; na mmom yɛne mbanyililɛ ne tumi mɔ ne ewiase awosii nu tumifoɛ ne ewienu dɔ sunzummɔne mɔ.

Yakobo 1:12

Sona bɔ omia ye nye fa nzɔhwɛ nu ne, onya saleɛ; ofikyɛ sɛ ɔkora gyina nzɔhwɛ ne noa a, okonya ngoa abotire bɔ Awurade afa ahyɛ bɛ bɔ bekuro ye dwirɛ bɔ ne.

1 Petro 5:4

Na sɛ Mmoaenneafoɛ panyi ne ɔye ye nwo ali a, ɛmɔkonya animnyam abotire bɔ ɔnzɛkye koraa ne.

1 Petro 5:8

Ɛ́mɔdwo ɛmɔ nwo ase, ɛ́mɔma ɛmɔ nye la berɛ; ofikyɛ ɛmɔ pɔfoɛ abɔnzam odi akɔneaba, opo kyɛ gyata, na ɔpena sona bɔ okonya ye kɔhye ye ɔ.

Nyekyire 13:14

Na nzɛngyerɛnneɛ bɔ wanya ye nwo tumi kyɛ ɔyɔ ye wɔ kaka ne nyunu ne, ɔfa so lakalaka bɛ bɔ bɛte aseɛ so ɔ; na ose bɛ bɔ bɛte aseɛ so ɔ kyɛ, bɛ́yɔ ohoni bɛma kaka bɔ ngrandɛ apura ye, nakoso ɔtɛ te ase ne.

Nyekyire 13:2

Na kaka bɔ nwuni ye ne ɔte kyɛ aboa, ye gya te kyɛ kwabrafo gya, na ye noa te kyɛ gyata noa. Na sasrabɔnzam ne fale ye tumi ne ye ahennie bia ne anwoserɛ piri ne mane ye.

Nyekyire 13:7

Na bɛmane ye ate kyɛ ɔfa koɛ teta anwoteefoɛ, ná oli bɛ so ngonim. Na bɛmane ye tumi wɔ mmusua kure ne edwudwolɛ mɔ ne maen amukoraa so.

Nyekyire 17:14

Bɛkɔfa koɛ bɛkɔteta Boaen Ba ne, na Boaen Ba ne koli bɛ so ngonim; ofikyɛ ɔte meneɛ mɔ nu Meneɛ ne ahemvo mɔ nu Hene; na bɛ bɔ bɛboka ye so ne, wafrɛ bɛ, waneanea nu waye bɛ, na bedi nahorɛ.”

Nyekyire 2:13

[Mese wɔ nnwumaa], mese nekaa bɔ ɛte ɔ, nekaa bɔ Satan ahennie bia gyi ne; nakoso atira me dumaa ne anu bum, na ambo me gyidie ne, mmerɛ bɔ behuni m’adanzeniɛ nahorɛniɛ Antipa wɔ ɛmɔ berɛ ne po, nekaa bɔ Satan te ne.

Nyekyire 2:9

Mese w’amaneɛnwunɛ ne wɔ hiaa, (nakoso anya wɔ nwo), yeɛ mese bɛ bɔ bɛnwa bɛte Yudafoɛ nakoso bɛtte Yudafoɛ ne, ná mmom bɛte Satan nyianu sua ne, bɛ musue dwirɛ kekanɛ ne.