Nyekyire 19:8 - AHYERƐLƐ KRONGRON

⁸ Na bɛfale nwera paa bɔ ɔte fufue, bɔ ye nwo te ɔ bɛmane braa ne kyɛ ɔfa hera.” Na nwera paa ne ole anwoteefoɛ bɛ tenenee.”

Nyekyire 19:8 Iomraidhean Croise

Edwein 132:9

Ma w’asɔfo mɔ bɛfa tenenee bɛhera, ná ma w’anwoteefoɛ mɔ bɛfa ahurusi bɛbɔ ese.

Anyandera 31:22

Ɔnwo ye bɔbɔ ye bomo, ɔhera nwera paa ne kende.

Yesaya 3:23

bɛ neanu, bɛ nwera, bɛ ti so ngatasoɛ ne, ɔne ngatanyunu ne.

Yesaya 61:10

Ngoli ahurusi piri paa wɔ AWURADE nu, me Nyameɛ nu yeɛ me kra di ahurusi ɔ; ofikyɛ wafa ngoalelɛ ataadeɛ wawura me, wafa tenenee tena wahera me, kyɛbɔ atɔmvorɛ biaa fa abotire siesie ye nwo ɔ, kyɛbɔ atɔmvorɛ braa fa ye mbembenanneɛ siesie ye nwo ɔ.

Hesekiel 16:10

Mvale ɛtena bɔ bali adwii bagua nu ɔ ngerale wɔ, na mvale nwomaa mbaboa nwurale wɔ; yeɛ mvale nwera paa ne kende ngatale wɔ nwo.

Hesekiel 44:17

Na ɔkɔwa kyɛ, sɛ bɛba anoa piri bɔ ɔwɔ ye kunu dɔ aluo berɛ ne anu a, odi kyɛ bewura nwera ataadeɛ. Onni kyɛ bewura boaen nwiaa ataadeɛ biala, wɔ mmerɛ bɔ bɛ́yɔ ɛsɔnenɛ adwuma wɔ ye kunu dɔ aluo berɛ anoa piri ne anu ɔ.

Mateo 17:2

Na ɔsesane wɔ bɛ nyunu berɛ, ye nyunu tale kyɛ eyia, na ye ndaadeɛ yɛle hyɛnn kyɛ kanea.

Mateo 22:12

Na obisale ye kyɛ, ‘Damvo, ɛyɛle sɛɛ yeɛ ɛwale wa ɔ, bɔ wɔ de nna atɔmvorɛfalɛ ataadeɛ yeɛ ewura e?’ Na wangora wammukye ye noa.

Marko 9:3

Ye ataadeɛ yɛle fufue hyɛnn, bɔ sona biala bɔ ɔpo nningyein wɔ aseɛ ye aso ɔ ɔngɔhora ngɔpo ma ɔngɔyɛ hyɛnn sɔ ɔ.

Luka 24:4

Na ɔwale kyɛ, ɛhe maa bɛyɛle basaa, na mvum nu, mmienzua nyɔ bɔ bɛ ndaadeɛ te fufue hyɛnhyɛnn ɔ beegyinane bɛ nwo berɛ.

Asomafoɛ 1:10

Ɔkɔ nen, né bɛnea anwuro haa, na yieee, mmienzua nyɔ bie bɔ bewura ndaadeɛ fufue ɔ beegyinane bɛ nwo berɛ,

Romanfoɛ 13:14

Na mmom ɛ́mɔfa Awurade Yesu Kristo akodeɛ ne bewura, yeɛ nnɛma ɛmɔdi anwoɔnaen akɔnnɔ si bɛyɔ ye apɛdeɛ bɛma ye.

Romanfoɛ 3:22

Nyameɛ nate sona gyidie bɔ ɔwɔ Yesu Kristo nu so yeɛ ɔfa siesie ye ne kuro sona afia ɔ, ɔnate kyɛ Nyameɛ nyɛ nyeyemuɛ.

Nyekyire 15:4

O, Awurade, nwa yeɛ ongosuro wɔ ná ɔngɔhyɛ wɔ dumaa animnyam ɔ? Ofikyɛ wɔ ngome yeɛ ɛte krongron ɔ. Maen maen amukoraa kɔwa kɔɔkoto wɔ, ofikyɛ wɔ ndɛenbualɛ turoloo ne ala ali.”

Nyekyire 15:6

Na abɔfo nzoo nemɔ bɔ betiratira ɛhawo nzoo ne, befili asɔneyɛɛ sua ne anu befitele, bɔ né bewurawura nwera fufue hyɛnn, ná bafa sikaa kɔkorɛ abɔsoɛ babobɔ b’afia ɔ.

Nyekyire 19:14

Na ɛlɔen bɔ bɛwɔ nyameɛso, bɔ bewurawura nwera paa, fufue bɔ ye nwo te ɔ, né bɛtete mbɔngɔ fufue so beli ye si.

Nyekyire 3:18

Yiti metu wɔ foɛ kyɛ, tɔ nningyein hemɔ fi me berɛ: sikaa kɔkorɛ bɔ bafa see bate ye nwo ɔ, amaa ɔnate so anya sikaa; ataadeɛ fufue bɔ ekowura bɔ ɔngɔma w’animguaseɛ adagya ne nwo ngɔla berɛ ɔ, yeɛ anyeɛ ayire bɔ ɛkɔfa kogua wɔ nye so, bɔ ɔkɔmaa ekonwu nikye ɔ.