Nyekyire 19:7 - AHYERƐLƐ KRONGRON

⁷ Ɛ́mɔma yɛ nye gye ná yɛli ahurusi, ná yɛhyɛ ye animnyam, ofikyɛ Boaen Ba n’atɔmvorɛfalɛ ne wadwu, na ɔye ne asiesie ye nwo wayie.

Nyekyire 19:7 Iomraidhean Croise

Edwein 107:42

Teneneefoɛ nwu ye, na bɛ nye gye; na amumuyɛɛ amukoraa bɛkã bɛ noa bɛto nu.

Edwein 48:11

Ɔnate wɔ ndɛenbualɛ turoloo ti, odi kyɛ Sion bokaa nye gye, ná Yuda mma mmrasua bedi ahurusi.

Edwein 9:14

amaa ɔnate so mabɔ w’ayɛyelɛ amukoraa nwo dawure. Na ɔnate elelɛ bɔ ale me ne ati, ngoli ahurusi wɔ Sion awa brasua pambim ne anu.

Anyandera 29:2

Sɛ teneneefoɛ bedi maen so a, nu mmenia di ahurusi, nakoso sɛ bɔnefoɛ di so a, nu mmenia sũ gua bɛ kunu.

Edwein Nu Dwein 3:11

O Sion mma mmrasua, ɛ́mɔfite bɛbra bɛɛnea Nana Solomon, kyɛ owura abotire bɔ ye maame fa bɔle ye wɔ kyẽa bɔ ɔfale atɔmvorɛ ne, ɔne kyẽa bɔ ye nye gyele paa ne.

Yesaya 52:1

O Sion, kanyane wɔ nwo, kanyane wɔ nwo! kyire w’anwoserɛ e! O Yerusalem, kuro krongron, fa w’animnyam tena ne kera, ofikyɛ, ofi ɛnɛ bɔ ɔkɔ ɔ, bɛmbɛ-bɛ-bienzuafoɛ ne bɛ bɔ bɛ nwo nde ne, bengowura wɔ nu ko.

Yesaya 62:5

Na kyɛbɔ aberandeɛ gya ababunu ne, sɔ ala yeɛ wɔ mma mmienzua mɔ bekogya wɔ ɔ; yeɛ kyɛbɔ atɔmvorɛ biaa odi ahurusi wɔ atɔmvorɛ braa nwo ne, sɔ ala yeɛ wɔ Nyameɛ koli ahurusi wɔ wɔ nwo ɔ.

Yesaya 66:10

“Ɛmɔ amukoraa bɔ ɛmɔkuro Yerusalem dwirɛ ɔ, odi kyɛ ɛmɔ ne ye bɛ nye kã, ná ɛmɔ ne ye bedi ahurusi; ɛmɔ amukoraa bɔ ɛmɔdi ye nwo aworabɔlɛ ɔ, ɛmɔ ne ye beli ahurusi;

Yesaya 66:14

Ɛmɔnwu ye sɔ a, ɛmɔ nye kɔgye“‘, ɛmɔ bowue nu komia kyɛ ndire frɔmfrɔm, mmenia konwu kyɛ AWURADE tumi gyi ye somvoɛ mɔ si, na ye ahone hu ye pɔfoɛ mɔ so.

Sakaria 9:9

O Sion awa brasua, di ahurusi paa! O Yerusalem awa brasua, bɔ ese! Tie, wɔ Hene ne ɔ́ba wɔ berɛ, ɔtengyɛ, na ye yeɛ ngoalelɛ wɔ ye berɛ ɔ, odwo, na ɔte afunum so, afunum akrɔngrɔma so, bɔ ɔte afunum beleɛ ɔ.

Mateo 1:20

Na ogu so ɔfa ɛhe nwo adwene ne, Awurade abɔfo yele ye nwo ali hyirele ye wɔ laleɛ nu, na osele ye kyɛ, “Yosef, Dawide bosoniɛ, nnɛsuro kyɛ ɛkɔfa ɛye Maria ɛkɔwa w’awuro ɔ; ɔnate kyɛ bɔ ɔnwonzɛ ye ne ofi Sunzum Krongron nu.

Mateo 22:2

“Nyameɛso ahennie ne, ɔte kyɛ ɛhene bie bɔ ɔtole atɔmvorɛ poen mane ɔwa bienzua ɔ.

Luka 12:36

ná ɛ́mɔyɛ kyɛ mmenia bɔ bɛnwondɛ kyɛ bɛ mene kofi atɔmvorɛ bo kɔwa ɔ; amaa sɛ ɔba babɔ anoa nu a, babukye ye berɛ ne ala!

Yohane 3:29

Bɔ atɔmvorɛ braa ne ɔte ye deɛ ne, ye ole atɔmvorɛ biaa ne. Na atɔmvorɛ biaa n’adamvo bɔ ogyina berɛ, ná otie ye ne de, ɔma ye nye gye paa wɔ atɔmvorɛ biaa ne komvi nwo; yiti afei de, m’anigye ne wali mu.

2 Korintofoɛ 11:2

Nyameɛ nungunɛ ne bie yeɛ metwe wɔ ɛmɔ nwo ɔ. Ofikyɛ mafa ɛmɔ mabɔ asiwa mama biaa komapɛ, ye ole Kristo, na ngɔfa ɛmɔ ngɔma ye kyɛ ababunu bɔ ye nwo te ná onnwuni biaa le ɔ.

Ɛfesofoɛ 5:23

Ofikyɛ huɛ ne ɔte yeɛ ne ti, kyɛbɔ Kristo koso ɔte asɔre ne ti ne, na ye yeɛ ɔte Ngoadefoɛ ma nipadua ne ɔ.

Ɛfesofoɛ 5:32

Ɛhe te mvealeɛ nu dwirɛ piri paa, na me de, Kristo ne asɔre ne nwo dwirɛ mmom yeɛ mekã ɔ.

Deuteronomi 32:43

“O, maen maen, ɛmɔ ne ye mmenia beli ahurusi, [mmosoen amukoraa, ɛ́mɔkoto AWURADE] ofikyɛ ɔkɔtɔ ye ngoaa mɔ mogya so wereɛ, ɔkɔtɔ ye pɔfoɛ mɔ so wereɛ, [okotua bɛ bɔ bekyi ye kerɛ], ná wate aseɛ ne anwo wama ye mmenia.”

Filipifoɛ 3:3

Ofikyɛ yɛ yeɛ yɛte bienzuapɛlɛfoɛ ɔ, bɔ yɛsɔne Nyameɛ wɔ sunzum nu, bɔ yɛhoahoa yɛ nwo wɔ Kristo Yesu nu, ná yɛmva yɛ nwo yɛndo anwoɔnaen so ɔ.

Nyekyire 11:13

Na aseɛ wosole wɔ sɔ dɔnhwere ne ala nu, na kuro ne ngyɛmuɛ buru nu ko bu guale, na aseɛwosolɛ ne huni mmenia apee nzoo; na ɛserɛ hane bɛ bɔ baha ne, na bɛhyɛle nyameɛso Nyameɛ ne animnyam.

Nyekyire 19:9

Na osele me kyɛ. “Kyerɛ ɛhe: Bɛ bɔ bato bɛ sa bafrɛ bɛ kyɛ bɛbra Boaen Ba n’atɔmvorɛ poentolɛ bo ne, banya saleɛ.” Na osele me kyɛ, “Ɛhemɔ te Nyameɛ noa dwirɛ bɔ ɔte nahorɛ ɔ.”

Nyekyire 21:2

Na nwuni kuro krongron ne, Yerusalem foforɛ ne, kyɛ ofi Nyameɛ berɛ wɔ nyameɛso odwu ba ɔ, bɔ basiesie ye kyɛ atɔmvorɛ braa bɔ basiesie ye nwo bama ohu ɔ.

Nyekyire 21:9

Na abɔfo nzoo bɔ betiratira kulie nzoo ne, bɔ ɛhawo nzoo bɔ ɔpɛ ye bo ne bayi bɛ tɛkyɛ ne, bɛ nu ko wale me berɛ oosele me kyɛ, “Bra, na ngohyire wɔ Atɔmvorɛ braa ne, Boaen Ba n’aye ne.”

1 Samuel 2:1

Afei Hana bɔle mbaeɛ kyɛ, “Me wora akyekye wɔ AWURADE nu; AWURADE nu yeɛ m’anwoserɛ wɔ ɔ. Mesere me pɔfoɛ mɔ, me nye gye, ofikyɛ ali ngonim ama me.