Nyekyire 19:6 - AHYERƐLƐ KRONGRON

⁶ Na ndele komviɛ bie bɔ ɔte kyɛ ɛlɔen kandinga komvi, kyɛ asue pee bɔ bɛsẽ wuruwuru ne agralaa bɔ ɔbobɔ nu kurudududu ɔ, bɔ ɔkã kyɛ, “Haleluya! Ofikyɛ Awurade yɛ Nyameɛ Tuminiɛ ne, odi hene.

Nyekyire 19:6 Iomraidhean Croise

YOB NWOMAA NE 40:9

Aso ele tumi kyɛ Nyameɛ deɛ, wɔ komvi kɔhora kɔbɔ nu kurudududu kyɛbɔ ye deɛ ɔbɔ nu ne?

Edwein 47:2

Ofikyɛ AWURADE, Anwuro Anwuro Nyameɛ ne, ye nwo yɛ suro, ɔte ɛhene piri bɔ odi wiase amukoraa so ɔ.

Edwein 47:7

Ofikyɛ Nyameɛ te aseɛ ye amukoraa so Hene, ɛ́mɔfa ndeaseɛ bɛto ayɛyelɛ dwein.

Edwein 77:18

Bɛtele w’agralaa ne nga wɔ mvrama bɔ ɔpɛ ye nwo ɔ nu; w’agralaa tale wiase hyireinn, na aseɛ wosole gigigigi.

Edwein 93:1

AWURADE di hene, wafa animnyam wahera; AWURADE afa ahera, wafa anwoserɛ wabɔ abɔsoɛ. Amba, wiase bo atimu, bɛngɔhora ye bo tutu.

Edwein 97:1

AWURADE di hene! Aseɛ, di ahurusi; mboanoa worawora mɔ, ɛ́mɔma ɛmɔ nye gye!

Edwein 97:12

Ao ɛmɔ, teneneefoɛ, ɛmɔli ahurusi wɔ AWURADE nu, ná ɛ́mɔkaye ye krongronyɛlɛ wɔ mmerɛ bɔ ɛmɔfa ye asennaa bɛma ye ɔ!

Edwein 99:1

AWURADE di hene, maen maen mɔ, ɛ́mɔma ɛmɔ nwo wosowoso! Ɔte kɛrubim mɔ so; aseɛ, woso!

Yesaya 52:7

Sona bɔ ɔso ndɛenvɛen nate mmokaa nemɔ aso ne, kyɛbɔ ye gya bo osi yɛ nyemene ɔ! Ɔbɔ asomdwee nwo dawure, ɔso edwirɛ paa nwo ndɛenvɛen, ɔbɔ ngoalelɛ nwo dawure, na ose Sion kyɛ, “Wɔ Nyameɛ ne, odi hene.”

Yeremia 51:48

Yeɛ anwuro ne aseɛ, ɔne bɛ nu nningyein amukoraa, bɛkɔtea nu bekɔbɔ Babilɔn nwo ese, ofikyɛ sɛkyefoɛ mɔ kofi sorɔ dɔ bɛkɔfa koɛ bɛkɔɔteta ye, AWURADE noa dwirɛ ɛne.

Hesekiel 1:24

Na bɛkɔ ne, ndele dede bɔ bɛ ndaa nemɔ yɔle ne, na né ɔte kyɛ asue mbiri bɔ bɛsẽ wuruwuru ɔ, kyɛ Tuminiɛ ne bɔ ɔbɔ nu kurudududu ɔ, kyɛ koɛhonɛfoɛ bɔ bɛbɔ ese ɔ. Na sɛ begyina a, né bahã bɛ ndaa ne ase.

Hesekiel 43:2

Yieee! Yisrael Nyameɛ animnyam fili eyia afiteleɛ bue nu dɔ wale; na ye walɛ ne, ɔyɛle wuruwuruwuru kyɛ asue pee bɔ bɛsẽ ɔ, na ye animnyam mane aseɛ tale.

Mateo 6:13

Nnɛfa yɛ kɔ nzɔhwɛ nu, Na mmom ye yɛ fi bɔne nu.’ [Ofikyɛ wɔ yeɛ ahennie ne tumi ne animnyam ɔte wɔ deɛ daa daa ɔ. Amen.]

Nyekyire 1:15

ye gya nwo te kyɛ ayaa bɔ bahwi ye nwo nyemenenyemene ɔ, kyɛ bɔ bafa see bapɔ ye nwo ɔ, na ye komvi te kyɛ asue pee bɔ bɛsẽ wuruwuru ɔ.

Nyekyire 1:8

Awurade nwa Nyameɛ nwa, “Me ole Alfa ne Omega ne, bɔ ɔwɔ berɛ kekesaala ye ne, bɔ ɔwɔ berɛ dada ne, bɔ ɔbaawa ne, nikyee biala so Tuminiɛ ne.”

Nyekyire 12:10

Na ndele komviɛ pirikua bie wɔ nyameɛso kyɛ, “Afei yeɛ ngoalelɛ ne tumi ne ahennie ayɛ yɛ Nyameɛ deɛ, ná tumi ayɛ ye Kristo ne deɛ ɔ, ofikyɛ bafindi y’eliɛma mɔ bɛ kwaadubɔlɛniɛ ne bato ase, ye bɔ ɔbɔ bɛ kwaadu alehyeleɛ ne alesaleɛ wɔ Nyameɛ nyunu ne.

Nyekyire 14:2

Na ndele komviɛ bie mvili nyameɛso bɔ ɔte kyɛ asue pee bɔ bɛsẽ wuruwuru, ɔne esue bɔ ɔbɔ nu kurudududu serɛserɛ ɔ. Na komviɛ bɔ ndele ne, ɔte kyɛ sangoobɔlɛfoɛ bɔ bɛbɔ bɛ sangoo ɔ.

Nyekyire 19:1

Na ɛhemɔ asi ne, ndele komviɛ bie bɔ ɔte kyɛ ɛlɔen kandinga komvi piri ɔ wɔ nyameɛso kyɛ, “Haleluya! Ngoalelɛ ne animnyam ne anidie ne tumi te [Awurade] yɛ Nyameɛ deɛ;

Nyekyire 19:4

Na mbanyi aburanyɔ ne nna nemɔ ne abɔdeɛ ateasefoɛ nna nemɔ bɛfale bɛ nyunu bebutubutuli berɛ bɛsɔnene Nyameɛ bɔ ɔte ahennie bia ne aso ne, na bɛhane kyɛ, “Amen, Haleluya!”

Nyekyire 21:22

Na mannwu asɔneyɛɛ sua biala wɔ kuro ne anu, ofikyɛ Tuminiɛ Awurade Nyameɛ ne Boaen Ba ne yeɛ bɛte nu asɔneyɛɛ sua ɔ.

Nyekyire 4:5

Na agralaa ne komviɛ ahoroɔ ne nu bobɔlɛ kurudududu fili ahennie bia ne anu wale. Na see nganea nzoo bɔ bɛte Nyameɛ Sunzum nzoo ne, né begye wɔ ahennie bia ne anyunu berɛ.

Nyekyire 6:1

Na nwuni kyɛ Boaen Ba ne wate nzɔanoɛ nemɔ anu ko noa, yeɛ ndele kyɛ abɔdeɛ ateasefoɛ nna nemɔ anu ko ole komviɛ bɔ ɔte kyɛ esue bɔ ɔbɔ nu kurudududu ɔ ɔkã, “Baanea!”

Nyekyire 8:5

Afei abɔfo ne fale ɛyɛɛ kulie ne, ɔfale afɔleɛ bokyea ne aso see ne bie guale nu maa oyili, na ogyi tole aseɛ so. Na komviɛ ahoroɔ wale, ɔbobɔle nu kurudududu, agralaa tetele, na aseɛ wosole.