Nyekyire 19:4 - AHYERƐLƐ KRONGRON

⁴ Na mbanyi aburanyɔ ne nna nemɔ ne abɔdeɛ ateasefoɛ nna nemɔ bɛfale bɛ nyunu bebutubutuli berɛ bɛsɔnene Nyameɛ bɔ ɔte ahennie bia ne aso ne, na bɛhane kyɛ, “Amen, Haleluya!”

Nyekyire 19:4 Iomraidhean Croise

1 Aberɛso Dwirɛ 16:36

AWURADE Yisrael Nyameɛ ne, animnyam hã ye fi tete oodwu afebɔɔ!” Yeɛ mmenia ne amukoraa besele kyɛ, “Amen!” Na bɛyele AWURADE ayɛ.

Nehemia 5:13

Asa koso, esikaa abɔsoɛ bɔ ɔbɔ m’ataadeɛ ne anu ne, nye mboroporole nu. Na ngane kyɛ, “Ebiala bɔ wanni bɔhyɛ he aso ne, Nyameɛ ole ye sua ne ye agyapadeɛ ofi ye sa nu. Sɔaa yeɛ okole b’agyapadeɛ kofi bɛ sa nu maa bɛkɔbɔ hwea ɔ.” Yeɛ maen ne amukoraa sele kyɛ, “Yɛde yɛto nu”, na bɛyele AWURADE ayɛ. Na maen ne yɛle nikyee biala kyɛbɔ bahyɛ bɔ ne ala.

Nehemia 8:6

Na Ɛsra yele AWURADE, Nyameɛ piri ne ayɛ, na mmenia ne amukoraa bɛmomane bɛ sa so besurole so kyɛ, “Amen, Amen!” Na bɛfale bɛ nyunu bebutubutuli ase bɛsɔnene AWURADE.

Edwein 104:35

Ma bɔnefoɛ bewuwu befi aseɛ so, nnɛma amumuyɛɛfoɛ bɛtena ngoa nu ko. Ao me kra, ye AWURADE ayɛ. Kamvo AWURADE!

Edwein 106:48

AWURADE Yisrael Nyameɛ ne, animnyam hã ye ofi tetetete bɔ ɔkwaadwu afebɔɔ ɔ! Ma maen ne amukoraa bɛhã kyɛ, “Amen.” Ɛ́mɔye AWURADE ayɛ!

Edwein 41:13

AWURADE Yisrael Nyameɛ ne, animnyam hã ye ofi tete bɔ ɔkwaadwu afebɔɔ! Amen ne Amen.

Edwein 72:19

Ye animnyam dumaa ne, odi kyɛ bɛye ye ayɛ daa, na ma ye animnyam oyi aseɛ ye amukoraa so tɛkyɛ. Amen, Amen.

Edwein 89:52

Animnyam hã AWURADE afebɔɔ, Amen! Amen!

Yeremia 28:6

Na ngɔmhyɛlɛniɛ Yeremia sele kyɛ, “Amen! AWURADE ɔ́yɔ ye sɔ ala; ngɔm bɔ ahyɛ ye, AWURADE ɔ́ma ɔbra nu, ná osa ɔfa AWURADE awuro berɛ nningyein, ɔne mmenia bɔ bahye bɛ nnure nemɔ amukoraa ofi Babilɔn ɔbra wa.

Mateo 28:20

ná ɛmɔhyirehyire bɛ maa beli nikyee biala bɔ mahyɛ ɛmɔ ne aso. Na ɛ́mɔtie, me ne ɛmɔ wɔ berɛ mmerɛ biala kodwu ewiase ayieleɛ.”

Mateo 6:13

Nnɛfa yɛ kɔ nzɔhwɛ nu, Na mmom ye yɛ fi bɔne nu.’ [Ofikyɛ wɔ yeɛ ahennie ne tumi ne animnyam ɔte wɔ deɛ daa daa ɔ. Amen.]

1 Korintofoɛ 14:16

Na sɛ ɛbɔ asennaa mbaeɛ wɔ sunzum nu a, ɔkɔyɛ sɛɛ né ebie bɔ ɔnde ye bo ɔ wasuro w’asennaa mbaeɛ ne aso “Amen”, wɔ aberɛ bɔ ɔnze bɔ ɛkã ɔ?

Nyekyire 15:7

Yeɛ abɔdeɛ ateasefoɛ nna nemɔ, bɛ nu ko mane abɔfo nzoo nemɔ sikaa kɔkorɛ kulie nzoo, bɔ Nyameɛ bɔ ɔte ase afebɔɔ ne, ye ahonehulɛ ayi bɛ tɛkyɛ ɔ.

Nyekyire 19:1

Na ɛhemɔ asi ne, ndele komviɛ bie bɔ ɔte kyɛ ɛlɔen kandinga komvi piri ɔ wɔ nyameɛso kyɛ, “Haleluya! Ngoalelɛ ne animnyam ne anidie ne tumi te [Awurade] yɛ Nyameɛ deɛ;

Nyekyire 19:3

Na besa besele kyɛ, “Haleluya! Ye nwosina ne tu kɔ anwuro afebɔɔ.”

Nyekyire 19:6

Na ndele komviɛ bie bɔ ɔte kyɛ ɛlɔen kandinga komvi, kyɛ asue pee bɔ bɛsẽ wuruwuru ne agralaa bɔ ɔbobɔ nu kurudududu ɔ, bɔ ɔkã kyɛ, “Haleluya! Ofikyɛ Awurade yɛ Nyameɛ Tuminiɛ ne, odi hene.

Nyekyire 5:14

Na abɔdeɛ ateasefoɛ nna nemɔ sele kyɛ, “Amen.” Yeɛ mbanyi nemɔ bɛfale bɛ nyunu bebutubutuli berɛ bɛsɔnene [bɔ ɔte ase afebɔɔ ne].