Nyekyire 19:19 - AHYERƐLƐ KRONGRON

¹⁹ Na nwuni kyɛ kaka ne ne aseɛ so ahemvo ne bɛ lɔen baboaboa bɛ noa, kyɛ bɛkwaafa koɛ bɛteta bɔ ɔte pɔngɔ ne aso ne ɔne ye lɔen.

Nyekyire 19:19 Iomraidhean Croise

Daniel 8:25

Na ye kanda ne ati, ɔkɔma nnakannaka kotira ndii wɔ ye aberɛ so, ye ti anu kɔyɛ ye fɛ maa ɔkɔhoahoa ye nwo, okohũhũ mmeni pee bɔ ɔngɔbɔ bɛ kɔkɔ ɔ, okodwɔso kotia ahemvo mɔ nu Hene ne, nakoso bekobu ye nu gyein wɔ aberɛ bɔ nna sona yeɛ wafa ye sa wahã ye ɔ.

Nyekyire 11:7

Na sɛ beyie b’adanzeɛlilɛ ne a, kaka bɔ ofi aseɛ bo dɔ kumaa kuronguronn ne anu ɔfo ba ne, ɔkɔfa koɛ kɔɔteta bɛ, na okoli bɛ so ngonim ná wahũ bɛ.

Nyekyire 14:9

Na abɔfo bɔ ɔtɔ so nza lili bɛ si, na ɔteane nu sele kyɛ, “Sɛ ebie koto kaka ne ne ye honi ne, ná ode ye nzorɛhyɛlɛ ne wɔ ye nwoma so, anaa ye sa nwo a,

Nyekyire 16:14

Bɛte sunzummɔne sunzum mɔ bɔ bɛyɔ nzɛngyerɛnneɛ, bɔ bɛkɔ wiase amukoraa ahemvo mɔ so aporɔ bɛboaboa bɛ noa bɛma koɛ wɔ Tuminiɛ Nyameɛ ye kyẽa piri ne ɔ.

Nyekyire 16:16

Na bɛboaboale bɛ noa wɔ nekaa bie bɔ Hebri dwudwolɛ nu bɛfrɛ berɛ Amagedon.

Nyekyire 18:9

Na aseɛ so ahemvo mɔ bɔ bɛne ye bɔle adwaman ná bɛne ye gyele bɛ nye anwonya nu ne, sɛ benwu nwosina bɔ ofi ye yeralɛ ne anu a, bɛkɔbɔ ye nwo awuye ná basu ye.

Nyekyire 19:21

Na bɛ ngaa ne de, bɔ ɔte pɔngɔ ne aso ne ngrandɛ noa yeɛ bɛtotɔle ɔ, ngrandɛ bɔ ofi ye noa nu ba ne; na nnomaa mukoraa belili bɛ naen mane bɛ ko yili.