Nyekyire 19:18 - AHYERƐLƐ KRONGRON

¹⁸ ná ɛmɔɔli ahemvo mɔ naen, safohene mɔ naen, katakyie mɔ naen, mbɔngɔ ne mbɔngɔhanɛfoɛ mɔ naen, mmenia mukoraa, nnehyeɛ ne nganga, kwahweabaa mɔ ne atitire mɔ bɛ naen.”

Nyekyire 19:18 Iomraidhean Croise

Yeremia 16:4

Ewue anwonyerɛ kohũhũ bɛ. Bengosu bɛ, yeɛ bengosie bɛ; bɛkɔyɛ kyɛ fofoɛ wɔ aseɛ ye aso. Ngrandɛ ne ɛhɔen yeɛ okohũhũ bɛ ɔ, na bɛ fuin kɔyɛ ewienu nnomaa ne aseɛ ye aso ngaka aboyaa b’aleɛ.

Yeremia 19:7

Ngɔma Yuda ne Yerusalem nzusuleɛ kɔyɛ mbaen wɔ wa, na ngɔmaa bɛkɔtotɔ ngrandɛ noa wɔ bɛ pɔfoɛ mɔ nyunu, ɔne bɛ bɔ bɛpena bɛ beku bɛ ɔ, bɛ sa nu. Na ngɔfa bɛ fuin ngɔma ewienu nnomaa ne aseɛ so ngaka aboyaa maa bekoli.

Yeremia 34:20

ngɔfa bɛ ngowura bɛ pɔfoɛ mɔ ne mmenia bɔ bɛpena bɛ beku bɛ ɔ bɛ sa, na bɛ fuin kɔyɛ ewienu nnomaa ne aseɛ ye aso ngaka b’aleɛ.

Yeremia 7:33

Maen he anu ama bɛ fuin kɔyɛ aleɛ kɔma ewienu nnomaa ne aseɛnwo ngaka, na ebiala ngɔfoa bɛ maa bɛngɔnwati.

Hesekiel 29:5

Ngofindi wɔ ngɔto ɛserɛ so, ɛne w’asue nemɔ anu tire amukoraa, ɛkɔɔtɔ aseɛ pralaa so, bɛngɔboaboa wɔ noa bengosie wɔ; na ngɔfa wɔ ngɔyɛ aleɛ ngɔma eburo ngaka ne ewienu nnomaa.

Hesekiel 39:17

“Na wɔ, Sona awa, AWURADE Nyameɛ nwa nyoo: Se nnomaa ahoroɔ amukoraa ne eburo ngaka amukoraa kyɛ, ‘Ɛ́mɔhã bɛ nwo bɛbɔ nu bɛbra, ɛ́mɔboaboa ɛmɔ noa béfi nekaa biala bɛbra m’afɔleɛ poentolɛ bɔ meto mema ɛmɔ ne abo. Ɔte Yisrael mmokaa so afɔleɛ poentolɛ kandinga, na ɛmɔkoli naen bɛkɔno mogya.

Mateo 24:28

Na nekaa bɔ efuin la ne, berɛ yeɛ mbɛtɛ bɛboa bɛ noa ɔ.

Luka 17:37

Yeɛ bebisale ye kyɛ, “Awurade, nisua ɔ?” Na obuale bɛ kyɛ, “Nekaa bɔ efuin la ne, berɛ yeɛ mbɛtɛ bɛboa bɛ noa ɔ!”

Deuteronomi 28:26

Wɔ fuin kɔyɛ ewienu nnomaa mukoraati ne aseɛ so ngaka aleɛ, na bengonya sona biala ma ɔngɔfoa bɛ.

Nyekyire 11:18

Maen maen mɔ fɛle yaa, na w’ahonehulɛ ne adwɔso, na mmerɛ adwu kyɛ ebua awufoɛ ndɛen, ná ɛma wɔ ngoaa, ngɔmhyɛlɛfoɛ ne anwoteefoɛ ne bɛ bɔ besuro wɔ dumaa, kwahweabaa mɔ ne atitirefoɛ akatuaa ɔ, ɔne kyɛ ɛkɔsɛkye bɛ bɔ bɛsɛkye aseɛ ɔ.”

Nyekyire 13:16

Na ɔhyɛ mmenia mukoraati: kwahweabaa mɔ ne atitire, esikafoɛ ne ehiafoɛ, nnehyeɛ ne nganga maa bɛhyɛ bɛ nzorɛ wɔ bɛ sa famaa nwo, anaa bɛ nwoma so;

Nyekyire 17:16

Na mmɛen buru bɔ enwuni bɛ ne, bɛ ne kaka ne bɛkɔpɔ adwamanbɔlɛniɛ ne; bɛkɔyɛ ye pasapasa ná baye ye nwo bato so, bekoli ye naen, ná bafa see bayera ye.

Nyekyire 19:5

Na komviɛ bie fili ahennie bia ne anu teane nu kyɛ, “Ɛ́mɔye yɛ Nyameɛ ayɛ, ɛmɔ bɔ ɛmɔte ye ngoaa ne ɛmɔ bɔ ɛmɔsuro ye amukoraa, kwahweabaa mɔ ne atitire!”

Nyekyire 6:15

Na aseɛ so ahemvo, atitirefoɛ, esikafoɛ, safohene mɔ, anwoserɛfoɛ, yeɛ ngoaa ne nnehyeɛ amukoraa bɛfeafeale ngumaa mɔ nu ne mmokaa so nyɔbotaen mɔ nu.

1 Samuel 17:44

Na Filistiniɛ ne sele Dawide kyɛ, “Wɔ de bra me nyunu, na ngɔfa wɔ naen ngɔma ewienu nnomaa ne eburo ngaka.”

1 Samuel 17:46

Ɛnɛ kyẽa ye, AWURADE kɔfa wɔ kowura me sa. Ngohũ wɔ ngɔpɛ wɔ ti. Ɛnɛ kyẽa ye, ngɔfa Filisti koɛhonɛfoɛ nemɔ bɛ fuin ngɔma ewienu nnomaa ne aseɛ so ngaka. Na ɔnate so ewiase amukoraa konwu ye kyɛ Nyameɛ bie wɔ Yisrael.