Nyekyire 19:13 - AHYERƐLƐ KRONGRON

¹³ Né owura ataadeɛ bie bɔ bafa bawura mogya nu ɔ, na ye dumaa li “Nyameɛ Dwirɛ.”

Nyekyire 19:13 Iomraidhean Croise

Edwein 58:10

Teneneeniɛ nwu kyɛ batɔ bɔnefoɛ so wereɛ a, ye nye gye; okonwunzi ye gya bo wɔ bɔnefoɛ mogya nu.

Yesaya 9:5

Ofikyɛ mbaboa biala bɔ koɛhonɛniɛ wafa watia ase kum kum ne, ɔne ataadeɛ biala bɔ bafa bafɔrefɔre mogya ne, bɛkɔfa bɛkɔyɛ eyein bɛkɔsɔ see.

Yohane 1:1

Ahyɛaseɛ ne, né Edwirɛ ne wɔ berɛ, né Edwirɛ ne ne Nyameɛ yeɛ bɛwɔ berɛ ɔ, na Edwirɛ ne ala yeɛ ɔte Nyameɛ ɔ.

Yohane 1:14

Na Edwirɛ ne ɔɔyɛle anwoɔnaen, na ɔne yɛ ɛɛtenane, na yɛnwuni ye animnyam kyɛ Baba n’Awa bɔ ɔwole ye komapɛ twe n’animnyam, na adom ne nahorɛ ayi ye tɛkyɛ.

1 Yohane 1:1

Bɔ ɔwɔ berɛ fi ahyɛaseɛ ne, bɔ yate, bɔ yafa yɛ nye yanwu ye, bɔ yanea, ná yafa yɛ sa yahã ye, bɔ ɔfa ngoa dwirɛ ne anwo ne;

1 Yohane 5:7

Adanzefoɛ nza yeɛ bɛwɔ berɛ ɔ:

Nyekyire 14:20

Na betiatiale bobe mmaa ne aso wɔ kumaa bɔ betwi nzaa wɔ nu ne anu, wɔ kuro ne bondua, na mogya fili kumaa bɔ betwi nzaa wɔ nu ne anu hɔle anwuro oodwuli pɔngɔ tendenn, na ɔtengyɛle hɔle kɔyɛ kwanzii ɛyaa nyɔ.