Nyekyire 19:11 - AHYERƐLƐ KRONGRON

¹¹ Na nwuni kyɛ nyameɛso abukye, na yieee, pɔngɔ fufue bie yele ye ti. Na bɔ ɔte ye so ne, bɛfrɛ ye Kanayɔ ne Nahorɛniɛ, na tenenee nu yeɛ obua ndɛen ná ɔko koɛ ɔ.

Nyekyire 19:11 Iomraidhean Croise

Edwein 50:6

Ewienu bɔ ye tenenee nwo dawure, ofikyɛ Nyameɛ bɔbɔ te ndɛenbualɛniɛ. Sela

Edwein 96:13

wɔ AWURADE nyunu, ofikyɛ ɔ́ba, ɔbaabua aseɛ so ama ndɛen. Ɔkɔfa tenenee yeɛ okobua wiase ndɛen ɔ, na ɔkɔfa ye nahorɛlilɛ yeɛ okobua maen maen mɔ ndɛen ɔ.

Edwein 98:9

wɔ AWURADE nyunu, ofikyɛ ɔ́ba, ɔbaabua aseɛ so ama ndɛen. Ɔkɔfa tenenee yeɛ okobua wiase ndɛen ɔ, yeɛ ɔkɔfa ye pɛpɛɛpɛyɛlɛ yeɛ okobua maen maen mɔ ndɛen ɔ.

Edwein 99:4

Ɛhene piri bɔ ekuro ndɛenbualɛ turoloo ɔ, ama pɛpɛɛpɛyɛlɛ bo atimu, ama ndɛenbualɛ turoloo ne tenenee wagyina wɔ Yakob nu.

Ɛksadɔso 15:3

AWURADE te koɛhonɛniɛ; ye dumaa li AWURADE.

Yesaya 32:1

Tie, ɛhene bie baawa bɔ ɔkɔfa tenenee koli hene ɔ, na pɛpɛɛpɛyɛlɛ yeɛ maen mbanyi kɔfa kobu maen ɔ.

Yesaya 45:21

Ɛ́mɔdwudwo, ɛ́mɔbɔ ɛmɔ nguro; maa bɛbɔ nu bɛhɔ agyina! Nwa yeɛ ɔhane sɔ dwirɛ ne tole berɛ fili tetetete ɔ? Nwa yeɛ ofi daa tete ne ɔfa tole dwaa ɔ? Aso nna me, AWURADE ɔ? Nyameɛ biala nne berɛ, sana me ngome, nde Nyameɛ bɔ ɔtengyɛ bɔ ode ngoa ɔ, ebiala nne berɛ, sana me ngome.

Yeremia 33:15

Sɔ ngyẽa nemɔ anu, sɔ mmerɛ ne, ngɔmaa Tenenee Mmaen bie kofifi kɔma Dawide; na okobua ndɛen turoloo, ná wayɔ bɔ ɔte tenenee ɔ wɔ aseɛ ne aso.

Hesekiel 1:1

Na ɔwale kyɛ, afoɛ aburasa ne aso, bosome bɔ ɔtɔ so nna ne anu, ye elennu ne aso, mmerɛ bɔ né nwɔ mmenia bɔ bahye bɛ nnure nemɔ anu wɔ asue Kebare noa berɛ ne, nyameɛso bukyele, na nyane nyekyire nwuni Nyameɛ.

Sakaria 1:8

“Nyane nyekyire kɔngɔen, na yieee, né biaa bie te pɔngɔ kɔkorɛ so! Né ogyi sesea mmakaa nemɔ anu wɔ bɔnza ne anu, na né mbɔngɔ kɔkorɛ, kyerekyerɛɛ ne fufue begyigyi biaa ne si dɔ.

Yohane 1:51

Na Yesu sele ye kyɛ, “Nahorɛ nu paa, mekã mekyire ɛmɔ kyɛ, ɛmɔkonwu kyɛ nyameɛso abukye, ná Nyameɛ abɔfo mɔ bɛ́fo na bédwu Sona Awa ne so ɔ.”

Yohane 14:6

Na Yesu buale ye kyɛ; “Me ole atee ne, nahorɛ ne, ɔne ngoa ne; ebiala mma Baba ne berɛ, sana ɔnate me so.

Nyekyire 1:5

ɔne bɔ ofi Yesu Kristo bɔ ɔte danzeniɛ nahorɛniɛ ne, awufoɛ nu bamuɛbaa ne aseɛ so ahemvo mɔ bɛ hene ne berɛ ne, ɔbra ɛmɔ so. Ye bɔ okuro yɛ dwirɛ, ná wafa ye mogya wanwunzi yɛ nwo wafi yɛ bɔne nu,

Nyekyire 11:19

Afei bebukyele Nyameɛ asɔneyɛɛ sua ne wɔ nyameɛso, na benwuni ye apam alaka ne wɔ asɔneyɛɛ sua ne anu. Na agralaa tetele, komviɛ mɔ, ɔbobɔle nu kurudududu, aseɛ wosole, na asukɔtwea tɔle piri paa.

Nyekyire 19:19

Na nwuni kyɛ kaka ne ne aseɛ so ahemvo ne bɛ lɔen baboaboa bɛ noa, kyɛ bɛkwaafa koɛ bɛteta bɔ ɔte pɔngɔ ne aso ne ɔne ye lɔen.

Nyekyire 19:21

Na bɛ ngaa ne de, bɔ ɔte pɔngɔ ne aso ne ngrandɛ noa yeɛ bɛtotɔle ɔ, ngrandɛ bɔ ofi ye noa nu ba ne; na nnomaa mukoraa belili bɛ naen mane bɛ ko yili.

Nyekyire 3:14

“Kyerɛ kɔma Laodikea asɔre ne anu abɔfo ne kyɛ: Amen, nahorɛniɛ ne nahorɛ danzeniɛ ne, Nyameɛ abɔdeɛ farebae ne, ye noa dwirɛ ɛhe:

Nyekyire 3:7

“Kyerɛ kɔma Filadɛɛfia asɔre ne anu abɔfo ne kyɛ, ‘Krongronniɛ ne nahorɛniɛ ne, bɔ otira Dawide safoaa ne, bɔ obukye a ebiala ndo nu, bɔ ɔto nu a ebiala mmukye ne, ye noa dwirɛ ɛhe:

Nyekyire 4:1

Na ɛhe asi ne, ndole me nye, na nwuni kyɛ babukye anoa bie wɔ nyameɛso. Na komviɛ bɔ nnili moa ndele bɔ ɔte kyɛ totorobɛndo bɔ odwudwu hyirele me, osele me kyɛ, “Fo bra anwuro wa, na ngohyire wɔ nningyein bɔ ɔsɛ kyɛ ɛhemɔ asi ne besisi ɔ.”

Nyekyire 6:2

Nneane, na nwuni pɔngɔ fufue bie. Na bɔ ɔte ye so ne, né otira agyaen; na bɛmane ye abotire, na ofili berɛ hɔle oolili ngonim, na ɔhɔle so lili ngonim.