Nyekyire 19:10 - AHYERƐLƐ KRONGRON

¹⁰ Yeɛ mvale me nyunu mmutuli ase wɔ ye gya bo kyɛ mesɔne ye, nakoso osele me kyɛ, “Nea, nnɛyɔ sɔ! Ofikyɛ me koso nde ebiɛngo akoaa, wɔ ne eliɛma mɔ bɔ betira Yesu adanzeɛ ne anu ne. Sɔne Nyameɛ! Ofikyɛ Yesu adanzeɛ ne, ye ole ngɔmhyɛlɛ sunzum ne.”

Nyekyire 19:10 Iomraidhean Croise

2 Ahemvo 17:36

Na mmom ɛ́mɔsɔne AWURADE, bɔ ole tumi piri ne tumi asaa yele ɛmɔ fili Misraim aseɛ so wale ne. Odi kyɛ ye yeɛ ɛmɔkoto ye ná ɛmɔbɔ afɔleɛ bɛma ye ɔ.

Edwein 45:11

na ɛhene ne, ye nye kɔgye w’anwonyemene nwo. Ɔnate kyɛ ɔte wɔ mene ne ati, bɔ wɔ nu ase ma ye.

Ɛksadɔso 34:14

Nnɛsɔne bosoen biala, ofikyɛ AWURADE bɔ ye dumaa ole Nungunɛ nen, ɔte Nyameɛ bɔ ɔtwe nungunɛ ɔ.

Daniel 2:46

Yeɛ Nana Nebukadenesa fale ye nyunu butuli berɛ, ɔfale anidie mane Daniel, na ɔhyɛle kyɛ bɛbɔ aleɛ afɔleɛ ne ɛyɛɛ afɔleɛ bɛma Daniel.

Daniel 7:10

See bɔ ɔsẽ kyɛ asue ɔ opu wale, opu fili ye nyunu berɛ wale, apee apee sole ye, yeɛ apee buru apee buru buburugyaa gyinagyinane ye nyunu; ndɛenbualɛ badwa ne tenane ase, na bebukyebukyele nwomaa nemɔ anu.

Mateo 4:10

Yeɛ Yesu buale ye kyɛ, “Dwɔso berɛ kɔ dɔ, Satan! Ofikyɛ Bahyerɛ kyɛ, ‘Sɔne Awurade wɔ Nyameɛ, na ye ngome twe yeɛ so ye ɔ!’ ”

Marko 5:22

Na nyianu sua nu mbanyi nemɔ nu ko wale ye berɛ. Ye dumaa li Yairo. Na onwuni Yesu nen, obutuli ye gya bo berɛ,

Marko 7:25

Na berɛ ne ala, braa bie bɔ né sunzummɔne wɔ ɔwa abaayaa so ɔ tele ye nga, na ɔwale ɔɔkotole ye gya bo.

Luka 1:19

Na abɔfo ne buale ye kyɛ, “Me ole Gabriel bɔ ngyi Nyameɛ nyunu; na basoma me kyɛ mmanga ngyire wɔ, ná mva ndɛenvɛen he mmrɛ wɔ.

Luka 24:44

Na osele bɛ kyɛ, “Ɛhemɔ ole me dwirɛ bɔ nga ngyirele ɛmɔ ne, mmerɛ bɔ né me ne ɛmɔ yɛwɔ berɛ ne, kyɛ bɔ bahyerɛ bafa me nwo amukoraa wɔ Mose mmeraa ne ngɔmhyɛlɛfoɛ ne Edwein Nwomaa ne anu ne, ɔsɛ kyɛ ɔba nu ɔ.”

Yohane 5:39

Ɛmɔpɛnzɛpɛnzɛ Ahyerɛlɛ ne anu, ofikyɛ ɛmɔdwene kyɛ ɛmɔle daa ngoa wɔ nu; na ye ala yeɛ odi me nwo adanzeɛ ɔ.

Asomafoɛ 10:43

Ye yeɛ Nyameɛ ngɔmhyɛlɛfoɛ ne amukoraa lili ye nwo adanzeɛ kyɛ ebiala bɔ ode ye di ne, ɔnate ye dumaa nu konya bɔnefakyɛ ɔ.”

Asomafoɛ 13:27

Na ɔnate kyɛ bɛ bɔ bɛwɔ Yerusalem ne bɛ mbanyi mɔ bammu Yesu kyɛ ye ole Ngoadefoɛ ne, ná afei ngɔmhyɛlɛfoɛ dwirɛ bɔ bɛkenga ye afofikyẽa biala ne bande ye bo ne ati, bebuale ye ewue foɛ mane edwirɛ nemɔ wale nu.

2 Korintofoɛ 8:7

Na kyɛbɔ ɛmɔbɔ mmɔden mmorosoɛ wɔ nikyee biala nu: gyidie nu, edwudwolɛ nu, nimdeɛ nu, mmɔdenbɔlɛ nu, ɔne kyɛbɔ ɛmɔsi bekuro yɛ dwirɛ ɔ nu ne, ɛ́mɔnea kyɛ sɔ adɔeɛ adom he koso ɛmɔkɔfa bɛkɔyɔ adwuma mmorosoɛ ɔ.

Ɛfesofoɛ 5:15

Yiti ɛ́mɔnea ɛmɔ nwo yé wɔ atee bɔ ɛmɔnate so ɔ nwo; nnɛma ɛmɔyɛ kyɛ mmenia bɔ bɛnze nworɛ ɔ, na mmom kyɛ nworɛfoɛ.

Ɛfesofoɛ 5:33

Nakoso ɔsɛ kyɛ ɛmɔ nu biala kuro ɔye dwirɛ kyɛ ye bɔbɔ ye nwo, na yeɛ ne koso, ɔsɛ kyɛ ɔfa anidie ma ohu.

Filipifoɛ 3:3

Ofikyɛ yɛ yeɛ yɛte bienzuapɛlɛfoɛ ɔ, bɔ yɛsɔne Nyameɛ wɔ sunzum nu, bɔ yɛhoahoa yɛ nwo wɔ Kristo Yesu nu, ná yɛmva yɛ nwo yɛndo anwoɔnaen so ɔ.

1 Tɛsalonikafoɛ 5:15

Ɛ́mɔnea yé ná ebiala amva bɔne andua bɔne kerɛ, na mmom ɛ́mɔnea kyɛ daa biala ɛmɔkɔyɔ paa bɛkɔmoma ɛmɔ nwo ne mmenia amukoraa.

Hebrifoɛ 1:14

Aso bɛ mukoraa bɛtte sunzum asomvoɛ mɔ, bɔ ɔsoma bɛ maa bɛkɔɔso mmenia bɔ bekonya ngoalelɛ ɔ?

Hebrifoɛ 12:25

Ɛ́mɔnea yé na ɛmɔambo bɔ odwudwo ne dwirɛ. Na sɛ bɛ bɔ bɛpole kyɛ bekotie bɔ odwudwole wɔ aseɛ ye aso ne, benyane ye nwo asohwenɛ de a, nzaade ɔkɔyɛ sɛɛ bɔ sɛ yɛpo bɔ odwudwo kyire yɛ fi nyameɛso ne dwirɛ a, yɛngonya ye nwo asohwenɛ ɔ?

1 Yohane 5:10

Yiti ebiala bɔ ode Nyameɛ Awa ne di ne, ole sɔ adanzeɛ ne wɔ ye ahone nu. Nakoso ebiala bɔ onne Nyameɛ nni ne, ɔma Nyameɛ yɛ ngondomboniɛ, ofikyɛ onne adanzeɛ bɔ Nyameɛ wali wafa Ɔwa ne nwo nni.

1 Yohane 5:21

Me ngwadaa mɔ, ɛmɔhwe ɛmɔ nwo béfi mmosoen nwo.

Nyekyire 1:1

Ɛhe te Yesu Kristo nwo aliyelɛ bɔ Nyameɛ fa mane ye kyɛ ɔla ye ali hyire ye ngoaa mɔ ma benwu edwirɛ mɔ bɔ odi kyɛ bɛba nu ndɛndɛ ɔ; na ɔsomane ye abɔfo maa ɔɔye hyirele ye akoaa Yohane,

Nyekyire 1:9

Me, Yohane, bɔ nde ɛmɔ aliɛma ne ɛmɔ abiɛngoɛ wɔ Yesu Kristo amaneɛnwunɛ ne ahennie ne animia nu ɔ, ɔnate Nyameɛ dwirɛ ne ne Yesu Kristo adanzeɛ ne ati, né nwɔ Supɔ bɔ bɛfrɛ ye Patemo so.

Nyekyire 12:11

Na bɛfale Boaen Ba ne mogya so ne b’adanzeɛ dwirɛ so yeɛ belili ye so ngonim ɔ, na banzuro kyɛ bɛkɔfa bɛ ngoa bɛkɔpɛ so ɔ.

Nyekyire 12:17

Afei sasrabɔnzam ne fɛle braa ne so yaa, na ɔɔfale koɛ toale ye bosofoɛ ngaa bɔ bedi Nyameɛ ahyɛdeɛ so, ná betira Yesu Kristo adanzeɛ nu ne.

Nyekyire 14:7

Na ɔteane nu sele kyɛ, “Ɛ́mɔsuro Nyameɛ ná ɛ́mɔfa animnyam bɛ́ma ye, ofikyɛ ye ndɛenbualɛ mmerɛ ne adwu; na ɛ́mɔsɔne ye bɔ ɔbɔle nyameɛso ne aseɛ, ɛpo ne asue ti amukoraa ne.”

Nyekyire 15:4

O, Awurade, nwa yeɛ ongosuro wɔ ná ɔngɔhyɛ wɔ dumaa animnyam ɔ? Ofikyɛ wɔ ngome yeɛ ɛte krongron ɔ. Maen maen amukoraa kɔwa kɔɔkoto wɔ, ofikyɛ wɔ ndɛenbualɛ turoloo ne ala ali.”

Nyekyire 19:9

Na osele me kyɛ. “Kyerɛ ɛhe: Bɛ bɔ bato bɛ sa bafrɛ bɛ kyɛ bɛbra Boaen Ba n’atɔmvorɛ poentolɛ bo ne, banya saleɛ.” Na osele me kyɛ, “Ɛhemɔ te Nyameɛ noa dwirɛ bɔ ɔte nahorɛ ɔ.”

Nyekyire 4:10

mbanyi aburanyɔ ne nna nemɔ bɛfa bɛ nyunu bebutubutu bɔ ɔte ahennie bia ne aso ne nyunu berɛ, na bɛsɔne bɔ ɔte ase afebɔɔ ne; na betutu b’abotire nemɔ begua ahennie bia ne nyunu bɛkã kyɛ,