Nyekyire 19:1 - AHYERƐLƐ KRONGRON

¹ Na ɛhemɔ asi ne, ndele komviɛ bie bɔ ɔte kyɛ ɛlɔen kandinga komvi piri ɔ wɔ nyameɛso kyɛ, “Haleluya! Ngoalelɛ ne animnyam ne anidie ne tumi te [Awurade] yɛ Nyameɛ deɛ;

Nyekyire 19:1 Iomraidhean Croise

1 Aberɛso Dwirɛ 29:11

Ao AWURADE, ɛte piri, na tumi, animnyam, ngonimlilɛ ne ahennie nu animnyam te wɔ deɛ, ofikyɛ anwuro ne aseɛ so nningyein amukoraa bɛte wɔ deɛ. Ao AWURADE, ahennie ne te wɔ deɛ, na wɔ tumi te piri tra ebiala.

Edwein 104:35

Ma bɔnefoɛ bewuwu befi aseɛ so, nnɛma amumuyɛɛfoɛ bɛtena ngoa nu ko. Ao me kra, ye AWURADE ayɛ. Kamvo AWURADE!

Edwein 106:1

Ɛ́mɔye AWURADE ayɛ! Ao, ɛmɔla AWURADE ase, ofikyɛ ɔte paa; na ye ɔdɔ bɔ onni ngasi ne, ɔwɔ berɛ afebɔɔ.

Edwein 111:1

Ɛ́mɔye AWURADE ayɛ! Ngofi m’ahone nu amukoraa ngɔfa asennaa ngɔma AWURADE wɔ teneneefoɛ badwa nu, ɔne nyianu ne anu.

Edwein 115:18

Nakoso yɛ de, yɛkɔkamvo AWURADE, ofi ɛnɛ kodwu afebɔɔ. Ɛ́mɔye AWURADE ayɛ!

Edwein 146:1

Ɛ́mɔye AWURADE ayɛ! Ao me kra, ye AWURADE ayɛ!

Edwein 148:1

Ɛ́mɔye AWURADE ayɛ! Ɛ́mɔye AWURADE ayɛ béfi anwuro dɔ. Ɛ́mɔye ye ayɛ wɔ anwuro dɔ!

Edwein 149:1

Ɛ́mɔye AWURADE ayɛ! Ɛ́mɔto dwein foforɛ bɛ́ye AWURADE ayɛ, ye nwo ayɛyelɛ dwein wɔ anwoteefoɛ badwa nu.

Edwein 150:1

Ɛ́mɔye AWURADE ayɛ! Ɛ́mɔye Nyameɛ ayɛ wɔ ye nekaa krongron ne anu. Ɛ́mɔye ye ayɛ wɔ ye tumi ewienu ne anu.

Edwein 3:8

Ngoalelɛ fi AWURADE berɛ; wɔ saleɛ ne, maa ɔbra wɔ mmenia so! Sela

Edwein 62:11

Nyameɛ dwudwole komapɛ, na mate ye pɛen nyɔ so kyɛ, Tumi te Nyameɛ deɛ’.

Yeremia 51:48

Yeɛ anwuro ne aseɛ, ɔne bɛ nu nningyein amukoraa, bɛkɔtea nu bekɔbɔ Babilɔn nwo ese, ofikyɛ sɛkyefoɛ mɔ kofi sorɔ dɔ bɛkɔfa koɛ bɛkɔɔteta ye, AWURADE noa dwirɛ ɛne.

Yona 2:9

Nakoso ngɔfa asennaa komviɛ ngɔbɔ afɔleɛ ngɔma wɔ. Ngotua m’aboadeɛ bɔ maboa ne. AWURADE berɛ yeɛ ngoalelɛ fi ɔ!”

Mateo 6:13

Nnɛfa yɛ kɔ nzɔhwɛ nu, Na mmom ye yɛ fi bɔne nu.’ [Ofikyɛ wɔ yeɛ ahennie ne tumi ne animnyam ɔte wɔ deɛ daa daa ɔ. Amen.]

Nyekyire 11:15

Na abɔfo bɔ ɔtɔ so nzoo ne huli ye totorobɛndo ne, na komviɛ mbiri mbiri bobɔle nu wɔ nyameɛso kyɛ, “Ewiase ahennie wayɛ yɛ Awurade ne ye Kristo ne deɛ, na okoli hene afebɔɔ.”

Nyekyire 12:10

Na ndele komviɛ pirikua bie wɔ nyameɛso kyɛ, “Afei yeɛ ngoalelɛ ne tumi ne ahennie ayɛ yɛ Nyameɛ deɛ, ná tumi ayɛ ye Kristo ne deɛ ɔ, ofikyɛ bafindi y’eliɛma mɔ bɛ kwaadubɔlɛniɛ ne bato ase, ye bɔ ɔbɔ bɛ kwaadu alehyeleɛ ne alesaleɛ wɔ Nyameɛ nyunu ne.

Nyekyire 19:6

Na ndele komviɛ bie bɔ ɔte kyɛ ɛlɔen kandinga komvi, kyɛ asue pee bɔ bɛsẽ wuruwuru ne agralaa bɔ ɔbobɔ nu kurudududu ɔ, bɔ ɔkã kyɛ, “Haleluya! Ofikyɛ Awurade yɛ Nyameɛ Tuminiɛ ne, odi hene.