Nyekyire 18:9 - AHYERƐLƐ KRONGRON

⁹ Na aseɛ so ahemvo mɔ bɔ bɛne ye bɔle adwaman ná bɛne ye gyele bɛ nye anwonya nu ne, sɛ benwu nwosina bɔ ofi ye yeralɛ ne anu a, bɛkɔbɔ ye nwo awuye ná basu ye.

Nyekyire 18:9 Iomraidhean Croise

Gyenesise 19:28

Ɔtole ye nye neane Sodom ne Gomora, ɔne aseɛ frɛtɛɛ ne amukoraa, na onwuni kyɛ aseɛ ne aso nwosina ótu kɔ anwuro kyɛ foonoo nu nwosina.

Edwein 58:10

Teneneeniɛ nwu kyɛ batɔ bɔnefoɛ so wereɛ a, ye nye gye; okonwunzi ye gya bo wɔ bɔnefoɛ mogya nu.

Yesaya 13:19

Na Babilɔn bɔ ɔte ahennie mɔ nu animnyam ne, Kaldeafoɛ b’anwohoahoa piri ne, ɔkɔyɛ kyɛ Sodom ne Gomora bɔ Nyameɛ huhuni bɛ ne.

Yesaya 30:33

Ofikyɛ, ofi tetetete yeɛ wasiesie kumaa bɔ bɛyera fofoɛ nu ɔ, wasiesie wama Asiria hene, nu te kuronn, ɔtrɛ, na see ne eyein pee wɔ nu. Na AWURADE nwomeɛ bɔ ɔte kyɛ sɔfe bɔ ɔtengyɛ kɔ ne yeɛ ɔmaa ɔsɔ ɔ.

Yeremia 50:40

Na kyɛbɔ Nyameɛ sɛkyele Sodom ne Gomora ne nguro bɔ bepingyepingye bɛ nemɔ nen, kuro sona biala ngɔtena berɛ, yeɛ dasaniɛ biala ngotu ngɔtena nu, AWURADE noa dwirɛ ɛne.

Yeremia 50:46

Ese bɔ bɛkɔbɔ ye wɔ Babilɔn so ngonimlilɛ nwo ne, ɔkɔmaa aseɛ kɔwoso, na bɛkɔte ye awuyebɔlɛ wɔ maen maen mɔ so.

Yeremia 51:8

Mvum nu, Babilɔn afi ase, na wabɔ, ɛ́mɔsu ye! Ɛ́mɔfa ayire bɛwasa ye nwo bɔ otutu ye ne aso, ebiaa ye nwo kɔsande ye.

Hesekiel 27:35

Na ɔnate wɔ ti, mboanoafoɛ amukoraa bɛ nwo dwiri bɛ; ɛserɛ kandinga kã b’ahemvo mɔ, na bɛ nyunu yɛ bosaa.

Daniel 4:14

Na ɔteane nu serɛserɛ sele kyɛ, ‘Ɛ́mɔbu bakaa ne bɛ́to ase, ná ɛ́mɔpepɛ ye mmaen ne, ɛ́mɔporo ye nyaa ne, ná ɛ́mɔto ye mma ne bɛ́pete; ɛ́mɔma ngaka nemɔ béfi ye bo bɛ́nwati, ná ɛ́mɔma nnomaa nemɔ bétu béfi ye mmaen nemɔ aso.

Deuteronomi 29:23

aseɛ bɔ sɔfe ne ngyee ayera ye mukoraati ɔ, bɔ bennua hwee so ɔ, bɔ nikye fee mvifi so ɔ, bɔ bakaa anaa aleɛ biala nyɛ yee wɔ so ɔ, kyɛbɔ AWURADE fɛle ɛyaa piri sɛkyele Sodom, Gomora, Adema ne Seboyim a,

1 Timoteo 5:11

Na akunafoɛ mmrasua bɔ bennyini ne, nnɛfa bɛ boka so; ofikyɛ sɛ b’akɔnnɔ ne ɔbo anwofama bɔ banya ye bama Kristo ne aso a, né bekuro kyɛ begya biaa,

Nyekyire 14:11

Na nwosina bɔ ofi bɛ teeteelɛ nu ne, ɔkɔ anwuro afebɔɔ. Na bɛ bɔ bɛkoto kaka ne ne ye honi ne, yeɛ ebiala bɔ ode ye nzorɛhyɛlɛ dumaa nen, bengonya bɛ nwome biala bengole wɔ alehyeleɛ nu ne alesaleɛ nu.

Nyekyire 17:2

Ye yeɛ ewiase ahemvo mɔ bɛne ye babɔ adwaman, ná ye adwamanbɔlɛ nzaa ne wabobo aseɛsofoɛ ɔ.”

Nyekyire 18:18

na benwuni nwosina bɔ ofi ye yeralɛ ne anu nen, bɛteateane nu kyɛ, “Kuro beni yeɛ né ɔne kuro piri he bɛsɛ ɔ?”

Nyekyire 18:20

O, nyameɛso ne anwoteefoɛ ne asomafoɛ ne ngɔmhyɛlɛfoɛ, ɛ́mɔli ye nwo ahurusi, ofikyɛ Nyameɛ atɔ ye so wereɛ wama ɛmɔ!”

Nyekyire 18:3

Ofikyɛ maen maen amukoraa bano ye adwamanbɔlɛ nzaa ne bie, na aseɛ so ahemvo mɔ bɛne ye babɔ adwaman, na aseɛ so dwadifoɛ bɛnate ye anwonya tam mmorosoɛ ne aso banya bɛ nwo.”

Nyekyire 18:7

Kyɛbɔ osi hyɛle ye nwo animnyam pee ná ɔgyele ye nye wɔ anwonya nu ne, sɔ ala yeɛ ɛ́mɔma ye amaneɛnwunɛ ne aworabɔlɛ ɔ́yɛ pee ɔ. Ofikyɛ ɔhane ye wɔ ye ti anu kyɛ, ‘Nde ɛhemmaa bɔ nde berɛ ɔ, nnde kunaniɛ, na mengoli aworabɔlɛ le.’

Nyekyire 19:3

Na besa besele kyɛ, “Haleluya! Ye nwosina ne tu kɔ anwuro afebɔɔ.”

Nyekyire 2:22

Na tie, ngɔma anwonyerɛ kɔbɔ ye kɔto bɛen so, na bɛ bɔ bɛne ye sɛkye agyaa ne, ngɔprapra amaneɛ pirikua ngogua bɛ so, sana bɛsakyera b’adwene wɔ bɛ yɔleɛ nwo.