Nyekyire 18:19 - AHYERƐLƐ KRONGRON

¹⁹ Na bɛsesale mvuture beguaguale bɛ ti so, na besuni bɛbɔle awuye kyɛ, “Yaakɔ oo, yaakɔ oo! Kuro piri he bɔ ɔnate ye anwonya ti bɛ bɔ bele ɛlɛen wɔ ɛpo so amukoraa benyane bɛ nwo wɔ nu ɔ! Dɔnhwere komapɛ nu yeɛ babɔ ye bɔkɔɔ ye!”

Nyekyire 18:19 Iomraidhean Croise

2 Samuel 13:19

Yeɛ Tamar fale nzoen guale ye ti so, osunzuale ataadeɛ tendenn bɔ owura ye ne anu, na ɔfale ye sa guale ye ti so bɔle awuye fili berɛ hɔle.

Nehemia 9:1

Sɔ bosome ne ala, ye kyẽa bɔ ɔtɔ so aburanyɔ ne nna ne aso, Yisrael maen bɔle dwaa bɛyɔle akɔngyere. Bɛherale ɛsɛen tena bɛfale mbaen beguale bɛ ti so.

YOB NWOMAA NE 2:12

Bɛwɔ dedeede ná bɛtole bɛ nye bɛneane ye nen, bannwu ye sona horɛ. Yiti besuni hahii, besunzuale bɛ ndaadeɛ nu, na betuli mvuture bɛhɔle anwuro beguale bɛ ti so.

Yesaya 13:19

Na Babilɔn bɔ ɔte ahennie mɔ nu animnyam ne, Kaldeafoɛ b’anwohoahoa piri ne, ɔkɔyɛ kyɛ Sodom ne Gomora bɔ Nyameɛ huhuni bɛ ne.

Awuye 2:10

Sion awa brasua ye mbanyi mɔ bɛtete ase, na bayɛ konn. Bafa mvuture bagua bɛ ti so, na baherahera ɛsɛen tena. Yerusalem ababunu nemɔ, basisi bɛ ti ase.

Hesekiel 27:30

bɛteatea nu besu wɔ, na besu hahii. Betu mvuture begua bɛ ti so, na bemunumunu bɛ nwo wɔ nzoen nu.

Yosua 7:6

Ɛhe mane Yosua sunzuale ye ndaadeɛ nu, na ɔfale ye nyunu butuli aseɛnwo wɔ AWURADE alaka ne nyunu toonn maa oodwuli nɔsoa. Ɔne Yisrael mbanyi yeɛ bɛyɔle sɔ ɔ, na betuli mvuture beguale bɛ ti so.

Nyekyire 17:16

Na mmɛen buru bɔ enwuni bɛ ne, bɛ ne kaka ne bɛkɔpɔ adwamanbɔlɛniɛ ne; bɛkɔyɛ ye pasapasa ná baye ye nwo bato so, bekoli ye naen, ná bafa see bayera ye.

Nyekyire 18:10

Na ye amaneɛnwunɛ ne bɔ besuro ne ati, bekogyinagyina dedeede bɛkɔhã kyɛ, “Yaakɔ oo, yaakɔ oo! Wɔ, kuro piri Babilɔn, kuro bɔ wɔ nwo yɛ se, dɔnhwere komapɛ nu yeɛ wɔ ndɛenbualɛ awa ye!”

Nyekyire 18:3

Ofikyɛ maen maen amukoraa bano ye adwamanbɔlɛ nzaa ne bie, na aseɛ so ahemvo mɔ bɛne ye babɔ adwaman, na aseɛ so dwadifoɛ bɛnate ye anwonya tam mmorosoɛ ne aso banya bɛ nwo.”

Nyekyire 18:8

Yiti ye hawo ne, ɔkɔwa ye so ɛlɛhomapɛ: ewue ne aworabɔlɛ ne ɛhɔen, na bɛkɔfa see bɛkɔyera ye motoo, ofikyɛ Awurade Nyameɛ bɔ obua ye ndɛen ne, ɔte anwoserɛniɛ.”

1 Samuel 4:12

Benyaminniɛ bie tuli amirika fili koɛ ne noa wale Silo sɔ kyẽa ne ala. Né wasunzua ye ndaadeɛ nu, yeɛ né wafa nnɛterɛ koso wagua ye ti so.