Nyekyire 18:17 - AHYERƐLƐ KRONGRON

¹⁷ Dɔnhwere komapɛ anu yeɛ sɔ anwonya ne amukoraa wayɛ mbaen ye!” Na ɛlɛenhanɛfoɛ mbanyi amukoraa, ɛlɛen nu akwandufoɛ amukoraa, ɛlɛen nu adwumayɔlɛfoɛ ne ɛpo so dwadifoɛ amukoraa begyinagyinane dedeede,

Nyekyire 18:17 Iomraidhean Croise

Yesaya 23:14

O Tasise ɛlɛen mɔ, ɛ́mɔbɔ awuye, ofikyɛ babubu ɛmɔ anwoserɛ afealeɛ ne.

Yesaya 47:9

Nakoso sɔ dwirɛ nyɔ ne kɔto wɔ, bɛkɔto wɔ mvum nu, ɛlɛhomapɛ, na abawuo ne kunalilɛ kɔto wɔ kandinga paa, ɔmva ye nwo kyɛ wɔ musueyelɛ sone pee ɔ, ɔmva ye nwo kyɛ abe paa wɔ ngonyaayelɛ nu ɔ.

Yeremia 51:8

Mvum nu, Babilɔn afi ase, na wabɔ, ɛ́mɔsu ye! Ɛ́mɔfa ayire bɛwasa ye nwo bɔ otutu ye ne aso, ebiaa ye nwo kɔsande ye.

Awuye 4:6

Ofikyɛ me maen awa brasua, ye amumuyɛɛ nwo asohwenɛ ne, ɔte piri tra Sodom ye bɔne nwo asohwenɛ deɛ; Sodom bɔ bɛsɛkyele ye mvum nu, bɔ ebiala wandwe ye sa wɔ ye so ɔ.

Yona 1:6

Yiti ɛlɛenhanɛfoɛ nemɔ so panyi ne wale ye berɛ oosele ye kyɛ, Hei! Wɔ bɔ alafe hatee ɔ, nzikyɛ yeɛ ɛpena kyire ye? Dwɔso, sũ frɛ wɔ nyameɛ, na ebiaa nyameɛ ne kɔdwene yɛ nwo ná yanwuwu.

Asomafoɛ 27:11

Nakoso asraafoɛ ɛyaa so panyi ne amva edwirɛ bɔ Pɔɔlo hane ne, na mmom ɔfale bɔ ɛlɛen mene ne ne ɛlɛenhanɛfoɛ ne hane ne.

Nyekyire 17:12

“Na mmɛen buru bɔ enwuni bɛ ne, bɛte ahemvo buru bɔ bɛ sa onnya ɔhhane ahennie ɔ, nakoso bɛne kaka ne bekonya tumi kyɛ ahemvo dɔnhwere ko.

Nyekyire 17:16

Na mmɛen buru bɔ enwuni bɛ ne, bɛ ne kaka ne bɛkɔpɔ adwamanbɔlɛniɛ ne; bɛkɔyɛ ye pasapasa ná baye ye nwo bato so, bekoli ye naen, ná bafa see bayera ye.

Nyekyire 18:19

Na bɛsesale mvuture beguaguale bɛ ti so, na besuni bɛbɔle awuye kyɛ, “Yaakɔ oo, yaakɔ oo! Kuro piri he bɔ ɔnate ye anwonya ti bɛ bɔ bele ɛlɛen wɔ ɛpo so amukoraa benyane bɛ nwo wɔ nu ɔ! Dɔnhwere komapɛ nu yeɛ babɔ ye bɔkɔɔ ye!”