Nyekyire 18:14 - AHYERƐLƐ KRONGRON

¹⁴ (Bekose kyɛ,) “Mmakaammaa bɔ né wɔ kra komvi wɔ so ne, wafi wɔ nwo wahɔ, w’anwonyadeɛ paa ne w’animnyam amukoraa wabɔ wɔ, na engonwu bɛ ko!”

Nyekyire 18:14 Iomraidhean Croise

Edwein 106:14

Na mmom benyane akɔnnɔ tɛɛ wɔ ɛserɛ ne aso, na besole Nyameɛ bɛneane wɔ aseɛ pralaa ne aso.

Edwein 78:18

Besole Nyameɛ bɛneane wɔ b’ahone nu, ofikyɛ bebisale aleɛ bɔ bɛ komvi wɔ so ɔ kitii.

Numeri 11:34

Yiti bɛfrɛle berɛ Kibrote Hataawa, ofikyɛ berɛ yeɛ besiele mmenia bɔ benyane akɔnnɔ tɛɛ ne ɔ.

Numeri 11:4

Mmenia bɔ bɛɛfrafrale Yisraelfoɛ nu ne bɛ komvi wale aleɛ biemɔ aso. Na Yisraelfoɛ sá bɔle awuye kyɛ, “Yɛnyane naen a ahaa yɛkoli!

Mateo 11:8

Anaakyɛ nzikyɛ yeɛ ɛmɔsili nu bɛhɔ bɛɛneane ɔ? Sona bɔ owura ndaadeɛ nyemenenyemene anaa? Ɛ́mɔtie, bɛ bɔ bewura ndaadeɛ nyemenenyemene ne de, ahemvo mɔ b’awuro yeɛ bɛte ɔ.

Luka 12:20

Nakoso Nyameɛ sele ye kyɛ, ‘Kwaseambane! Kɔngɔen ye ala ngole wɔ kra ngofi wɔ sa nu; na nningyein bɔ apena agua berɛ ne, nwa yeɛ bɛkɔyɛ ye deɛ ɔ?’

Luka 16:25

“Nakoso Abraham sele ye kyɛ, ‘Mma, kaye kyɛ mmerɛ bɔ né ɛte ase ne, elili wɔ mmerɛ, na Lasarɔso de, onwuni amaneɛ; nakoso kekesaala ye de, ye wora akyekye, na wɔ koso de, wɔ nwo yerayera wɔ.

1 Korintofoɛ 10:6

Na ɛhemɔ te kɔkɔbɔlɛ ma yɛ, amaa yanni bɔne si kyɛbɔ belili ne.

Yakobo 4:2

Ɛmɔpena, na ɛmɔnnya ye; yiti ɛmɔdi awue; ɛmɔ nye boro kyɛ ɛmɔkonya ye, na ɛmɔngora benya ye; yiti ɛmɔko, na ɛmɔdi ahoɛ. Ɛmɔ sa nga ye, ofikyɛ ɛmɔmmisa.

Nyekyire 18:13

ɛsaa, pɛprɛ, ɛyɛɛ, krobo, ayirefona, nzaa, ngoo, esam paa, atokoɔ, nyɛmmoa, mmoaen, mbɔngɔ, teaseɛnam mɔ, nganga ne mmenia kra.

Nyekyire 18:15

Na dwadifoɛ bɔ belili sɔ nningyein nemɔ nwo dwaa, bɔ kuro ne ati benyane bɛ nwo ne, ɔnate ye amaneɛnwunɛ ne ati bekoogyina dedeede, na bekosu bɛkɔbɔ awuye kyɛ,