Nyekyire 17:9 - AHYERƐLƐ KRONGRON

⁹ “Na ɛhe hia adwene bɔ nworɛ wɔ nu ɔ: Tire nzoo ne te mmokaa nzoo bɔ braa ne te so ɔ.

Nyekyire 17:9 Iomraidhean Croise

Daniel 12:4

Nakoso wɔ, Daniel, nnɛbɔ edwirɛ ne aso, na fa nzɔanoɛ sɔ nwomaa ne noa kɔpem kyɛ ayieleɛ ne kɔwa ɔ. Mmeni pee kɔpere bɛ nwo bekoli akɔneaba, na nimdeɛ kɔsone.”

Hosea 14:9

Nwa yeɛ ɔse nworɛ bɔ ɔte edwirɛ hemɔ abo ɔ? Nwa yeɛ ye adwene nu pi bɔ ole bɛ nwo nimdeɛ ɔ? Ofikyɛ AWURADE atee tengyɛ, teneneefoɛ kɔfa so, nakoso mmeraatolɛfoɛ de, bekofi ase wɔ so.

Mateo 13:11

Na obuale bɛ kyɛ, “Ɛmɔ de, bafa bama ɛmɔ kyɛ ɛ́mɔnwu nyameɛso ahennie nu mvealeɛ nu dwirɛ, nakoso bɛ de, bɛffa bɛmmane bɛ.

Mateo 24:15

“Yiti sɛ ɛmɔnwu akyiwadeɛ bɔ ɔbɔ maen ne, bɔ ngɔmhyɛlɛniɛ Daniel hane ye nwo dwirɛ ne, kyɛ ogyi nekaa krongron berɛ a, (bɔ ɔkenga ne, maa ɔte ye bo),

Nyekyire 13:1

Na nwuni kaka bie bɔ ole tire nzoo, ɔne mmɛen buru kyɛ ofi ɛpo nu ofite ɔ. Né ahennie abotire buru bobɔ ye mmɛen nemɔ, na musue abodin mɔ wɔ ye ti nemɔ anwo.

Nyekyire 13:18

Ɛhe hia ma nworɛ. Ebiala bɔ ole ndeaseɛ ne, ɔsɛ kyɛ ɔsesẽ kaka ne ngondaa ne, ofikyɛ ɔte sona ngondaa, na ye ngondaa ne te ɛyaa nzia ne aburasia ne nzia.

Nyekyire 17:18

Na braa bɔ enwuni ye ne, ye ole kuro piri bɔ odi aseɛ so ahemvo mɔ so hene ne.”

Nyekyire 17:3

Yiti ɔfale me wurale sunzum nu hɔle ɛserɛ so. Na nwuni braa bie bɔ ɔte kaka kɔkorɛ bie aso, bɔ musue dumaa mɔ wɔ ye nwo amukoraa, bɔ ole tire nzoo ne mmɛen buru ɔ.

Nyekyire 17:7

Na abɔfo ne bisale me kyɛ, “Nzu ati yeɛ ɔyɛ wɔ nwanwa ye? Na braa ne ne kaka bɔ ɔsoa ye, bɔ ole tire nzoo ne mmɛen buru ne, ngɔhã bɛ nwo mvealeɛ nu dwirɛ ngohyire wɔ.