Nyekyire 17:14 - AHYERƐLƐ KRONGRON

¹⁴ Bɛkɔfa koɛ bɛkɔteta Boaen Ba ne, na Boaen Ba ne koli bɛ so ngonim; ofikyɛ ɔte meneɛ mɔ nu Meneɛ ne ahemvo mɔ nu Hene; na bɛ bɔ bɛboka ye so ne, wafrɛ bɛ, waneanea nu waye bɛ, na bedi nahorɛ.”

Nyekyire 17:14 Iomraidhean Croise

Edwein 110:5

AWURADE wɔ wɔ sa famaa so; ye yaafɛlɛ kyẽa ne, ɔkɔtete ahemvo mɔ nu pasapasa.

Yeremia 1:15

Ofikyɛ, tie, ngɔto me sa ngɔfrɛ sorɔ dɔ ahennie nemɔ bɛ mmusua ne amukoraa, AWURADE noa dwirɛ ɛne. Bɛkɔwa, na ebiala kɔfa ye ahennie bia koosie Yerusalem pambim ne noa, ɔne ye fasue ne amukoraa nwo kɔbra koyia, ɔne Yuda nguro amukoraa nwo.

Yeremia 1:19

Bɛkɔho bekotia wɔ, nakoso bɛngɔhora bengoli wɔ so ngonim, ofikyɛ ngyi wɔ si, na ngɔpepɛ ngole wɔ, AWURADE noa dwirɛ ɛne.

Yeremia 50:44

“Tie, ɔ́ba kyɛ gyata bɔ ofi asue Yɔɔdan noa ɛhɔayeɛ nu bɔ ɔfa koɛ kɔteta anwoserɛfoɛ atenaleɛ ɔ, nakoso ngɔmaa bɛkɔnwati bekofi ye nwo mvum nu, na ngɔma bɔ maneanea nu maye ye ne koli ye so. Ofikyɛ nwa yeɛ ɔte kyɛ me ɔ? Nwa yeɛ ɔkɔhora kobisa me dwirɛ ɔ? Na mmoaenneafoɛ beni yeɛ ɔkɔhora me nyunu gyina ɔ?

Daniel 2:44

Na sɔ ahemvo nemɔ aberɛ so, nyameɛso Nyameɛ kɔma ahennie bɔ ɔngɔsɛkye le ɔ kɔye ye ti, na sɔ ahennie ne, bɛngɔkakyi bengowura maen foforɛ sa. Sɔ ahennie ne kɔsɛkye ahennie nemɔ amukoraa kɔmaa bɛkɔbɔ bɔkɔɔ, nakoso ye de, okogyina afebɔɔ.

Daniel 2:47

Afei ɛhene ne sele Daniel kyɛ, “Nahorɛ nu, ɛmɔ Nyameɛ ne, ɔte nyameɛ mɔ nu Nyameɛ ne ahemvo mɔ nu Meneɛ, ɔne Nyameɛ bɔ ɔda mvealeɛ nu dwirɛ ali ɔ, ofikyɛ ahora ala sɔ mvealeɛ nu dwirɛ he ali.”

Daniel 7:21

Na ngu so bɔ menea ne, sɔ mmɛen ne fale koɛ toale anwoteefoɛ nemɔ, na olili bɛ so ngonim,

Sakaria 2:8

Ofikyɛ bɔ Asafo AWURADE kã hɔ ɛhe: Ye animnyam ne ati yeɛ ɔsomane me wɔ maen maen bɔ bɛfene ɛmɔ bɛfale nemɔ berɛ ɔ, ofikyɛ ebiala bɔ ɔkɔfa ye sa kɔhã ɛmɔ ne, né wafa ye sa wahã AWURADE nye kyiremvua.

Mateo 22:14

Ofikyɛ, bafrɛ pee, nakoso kãa bie yeɛ baneanea nu bayɛ bɛ ɔ.”

Mateo 25:40

Na Ɛhene ne kobua bɛ kyɛ, ‘Amba, mekã mekyire ɛmɔ kyɛ, kyɛ ɛmɔyɔ bɛmane nniɛma hemɔ anu kaaba ko po nen, me yeɛ ɛmɔyɔ bɛmane me ɔ!’

Mateo 28:18

Yeɛ Yesu pingyele bɛ nwo berɛ sele bɛ kyɛ: “Bafa nyameɛso ne aseɛ so tumi amukoraati bawura me sa.

Yohane 15:16

Nna ɛmɔ yeɛ ɛmɔaneanea nu baye me ɔ, na mmom me yeɛ maneanea nu maye ɛmɔ ɔ. Na matu ɛmɔ masie berɛ kyɛ ɛmɔhɔ beesu mmaa, ná ɛmɔ mmaa ne bɛhɔ so bɛtena berɛ; na nikyee biala bɔ ɛmɔkobisa Baba ne wɔ me dumaa nu nen, ɔkɔfa kɔma ɛmɔ.

Romanfoɛ 1:6

bɔ ɛmɔ bɔ bafrɛ ɛmɔ kyɛ ɛmɔɔyɛ Yesu Kristo deɛ ne koso ɛmɔboka so ɔ.

Romanfoɛ 8:30

Na bɛ bɔ otuli bɛ siele berɛ ne, osa frɛle bɛ; na bɛ bɔ ɔfrɛle bɛ ne, obuale bɛ be koso, na bɛ bɔ obuale bɛ be ne, ɔhyɛle bɛ animnyam koso.

Romanfoɛ 8:37

Nakoso ɛhemɔ amukoraa nu ne, yɛfa bɔ okuro yɛ dwirɛ ne aso yɛdi ngonim mmorosoɛ.

1 Korintofoɛ 15:24

Afei yeɛ né ayieleɛ ne awa ɔ, bɔ okoli ahennie ne anwoserɛ ne tumi mukoraa so, ná wafa Ahennie ne wawura Baba Nyameɛ sa.

Deuteronomi 10:17

Ofikyɛ AWURADE ɛmɔ Nyameɛ ne, ɔte nyameɛ mɔ nu Nyameɛ ɔne meneɛ mɔ nu Meneɛ, Nyameɛ piri bɔ ye nwo yɛ suro, bɔ ɔnyɛ nyeyemuɛ, bɔ onne fea-ase-ma ɔ.

1 Timoteo 6:15

Na bɔ ɔkɔma ɛhe kɔla ali wɔ mmerɛ bɔ ɔsɛ ɔ nu ole saleɛniɛ ne Tuminiɛ komapɛ twe ne, ahemvo mɔ nu Hene ne meneɛ mɔ nu Meneɛ ne,

2 Timoteo 2:4

Sraaniɛ bɔ ogyi koɛ noa nen, ɔmva daadaa asetena nu dwirɛ mɔ ngyekye ye nwo, ofikyɛ okuro kyɛ ɔsɔ bɔ ɔfale ye adwuma ne nye.

1 Petro 2:9

Nakoso ɛmɔ de, ɛmɔte mmenia bɔ baneanea nu baye ɛmɔ ɔ, nnehyeɛ asɔfokure, maen krongron, maen bɔ wafa ye wayɛ ye deɛ ɔ, kyɛ ɛmɔɔbɔ bɔ ɔfrɛle ɛmɔ fili awosii nu wale ye kanea bɔ ɔyɛ nwanwa ne anu ne, ye ayɛyelɛ ne dawure.

Nyekyire 1:5

ɔne bɔ ofi Yesu Kristo bɔ ɔte danzeniɛ nahorɛniɛ ne, awufoɛ nu bamuɛbaa ne aseɛ so ahemvo mɔ bɛ hene ne berɛ ne, ɔbra ɛmɔ so. Ye bɔ okuro yɛ dwirɛ, ná wafa ye mogya wanwunzi yɛ nwo wafi yɛ bɔne nu,

Nyekyire 11:7

Na sɛ beyie b’adanzeɛlilɛ ne a, kaka bɔ ofi aseɛ bo dɔ kumaa kuronguronn ne anu ɔfo ba ne, ɔkɔfa koɛ kɔɔteta bɛ, na okoli bɛ so ngonim ná wahũ bɛ.

Nyekyire 16:14

Bɛte sunzummɔne sunzum mɔ bɔ bɛyɔ nzɛngyerɛnneɛ, bɔ bɛkɔ wiase amukoraa ahemvo mɔ so aporɔ bɛboaboa bɛ noa bɛma koɛ wɔ Tuminiɛ Nyameɛ ye kyẽa piri ne ɔ.

Nyekyire 2:10

Nnɛsuro amaneɛ biala bɔ ɛbaanwu ye ɔ. Tie, abɔnzam kɔfa ɛmɔ nu biemɔ kogua kuku nu, kyɛ ɔfa so ɛmɔ nea, na ɛmɔkonwu amaneɛ eleburu. Di nahorɛ kodwu ewue nu, na ngɔma wɔ ngoa abotire.

Nyekyire 2:13

[Mese wɔ nnwumaa], mese nekaa bɔ ɛte ɔ, nekaa bɔ Satan ahennie bia gyi ne; nakoso atira me dumaa ne anu bum, na ambo me gyidie ne, mmerɛ bɔ behuni m’adanzeniɛ nahorɛniɛ Antipa wɔ ɛmɔ berɛ ne po, nekaa bɔ Satan te ne.

Nyekyire 3:21

Na bɔ odi ngonim ne, ngɔmaa ɔne me kɔtena m’ahennie bia so, kyɛbɔ me koso mali ngonim ná me ne me Baba yatena ye ahennie bia so ne.