Nyekyire 16:7 - AHYERƐLƐ KRONGRON

⁷ Na ndele komviɛ bie bɔ ofi afɔleɛ bokyea ne anu kyɛ, “Amba, O Tuminiɛ Awurade Nyameɛ, wɔ ndɛenbualɛ te nahorɛ na ɔtengyɛ.”

Nyekyire 16:7 Iomraidhean Croise

Yesaya 6:6

Yeɛ Serafim nemɔ anu ko tu wale me nwo berɛ. Né otira see bɔ ogye bɔ wafa akapɛ waye wafi afɔleɛ bokyea ne aso ɔ.

Hesekiel 10:2

Na osele biaa bɔ ɔhera nwera ne kyɛ, “Kango mɔ bɔ bɛwɔ kɛrubim nemɔ abo ne, kɔworo b’afia; fura see gonn bɔ ɔwɔ kɛrubim nemɔ b’afia ne, ná to pete kuro ne aso.” Na ɔworole nu bɔ me nye tua ɔ.

Hesekiel 10:7

Na kɛrubo ne ko tengyɛle ye sa fili kɛrubim nemɔ b’afia hɔle see bɔ ɔwɔ kɛrubim nemɔ b’afia ne anwo. Ɔfale see ne bie, na ɔfa guale biaa bɔ ɔhera nwera ne sa nu. Biaa ne lele, na ofitele.

Nyekyire 1:8

Awurade nwa Nyameɛ nwa, “Me ole Alfa ne Omega ne, bɔ ɔwɔ berɛ kekesaala ye ne, bɔ ɔwɔ berɛ dada ne, bɔ ɔbaawa ne, nikyee biala so Tuminiɛ ne.”

Nyekyire 13:10

Sɛ ebie kye nnure a, ye koso bɛkɔhye ye nnure; sɛ ebie fa ngrandɛ ku a, ye koso ɔsɛ kyɛ bɛfa ngrandɛ beku ye. Na ɛwa yeɛ anwoteefoɛ b’animia ne gyidie wɔ ɔ.

Nyekyire 14:10

sɔ sona ne koso kɔno Nyameɛ ahonehulɛ nzaa bɔ wahwie ye gyengɔgyengɔ wagua ye yaafɛlɛ kulie nu ne bie; na bɛkɔteetee ye wɔ see ne sɔfe nu wɔ abɔfo krongron mɔ nyunu ne Boaen Ba ne nyunu.

Nyekyire 14:18

Na abɔfo foforɛ bɔ ole see so tumi ɔ ofili afɔleɛ bokyea ne anu fitele, na ɔfale komviɛ kandinga teane nu hyirele bɔ otira dadeɛ koateɛ nnaennaen ne kyɛ, “Fa wɔ dadeɛ koateɛ nnaennaen ne tete aseɛ so bobe mmaa biribiraa ne, ofikyɛ ye mma ne aboro.”

Nyekyire 19:2

ofikyɛ ye ndɛenbualɛ te nahorɛ na ɔtengyɛ, ɔnate kyɛ wabua adwamanbɔlɛniɛ kandinga bɔ ɔfale ye adwamanbɔlɛ guale aseɛ nwo fiɛ ne ndɛen, na watɔ ye so wereɛ wɔ ye ngoaa mɔ bɛ mogya nwo.”

Nyekyire 6:9

Na ɔtele nzɔanoɛ bɔ ɔtɔ so nnu ne noa ne, bɛ bɔ ɔnate Nyameɛ dwirɛ ne ne b’adanzeɛ bɔ belili ti behuni bɛ ne, nwuni bɛ kra mɔ wɔ afɔleɛ bokyea ne abo.