Nyekyire 16:19 - AHYERƐLƐ KRONGRON

¹⁹ Kuro piri ne anu hyɛle bue nza, na maen maen nguro mɔ bɔle; na kuro piri Babilɔn nwo ngayeɛ wale Nyameɛ nyunu, kyɛ ɔkɔmaa ɔkɔno ye yaafɛlɛ hahii nzaa kulie ne.

Nyekyire 16:19 Iomraidhean Croise

Yesaya 49:26

Bɛ bɔ bɛhyɛ wɔ so ne, ngɔfa bɛ bɔbɔ bɛ nwonaen maa bekoli, na bɛ bɔbɔ bɛ mogya kɔbo bɛ kyɛ nzaa. Na afei anwoɔnaen amukoraa konwu ye kyɛ me, AWURADE, me ole wɔ Ngoadefoɛ ne wɔ Defoɛ, Yakob ye Tuminiɛ ne.”

Yeremia 25:26

sorɔ dɔ ahemvo amukoraa bɔ bɛwɔ dede ne bɛ bɔ bepingye ɔ bɛ nu biala, yeɛ wiase ahennie amukoraa bɔ bɛwɔ aseɛ ye aso ɔ. Na ɛhemɔ asi ne, Sesake hene koso kɔno bie.

Daniel 4:30

na osele kyɛ, “Babilɔn yeɛ wayɛ piri sɔa e! Aso nna me tumi piri yeɛ mafa makyekye kuro ye maa wayɛ m’ahenguro, bɔ mefa meye m’ahennie animnyam ali ɔ?”

Nyekyire 11:8

Na bɛ fuin nemɔ kɔlela kuro piri ne dwaaso, kuro bɔ sunzum nu bɛfrɛ ye Sodom ne Misraim ne, nekaa bɔ bɛbɔle b’Awurade koso mmeamudua nu ne.

Nyekyire 17:1

Afei abɔfo nzoo bɔ betiratira kulie nzoo ne, bɛ nu ko wale me berɛ oosele me kyɛ, “Bra ma ngyire wɔ ndɛenbualɛ bɔ bafa babua adwamanbɔlɛniɛ pirikua bɔ ɔte nzue pee so ne ɔ.

Nyekyire 17:18

Na braa bɔ enwuni ye ne, ye ole kuro piri bɔ odi aseɛ so ahemvo mɔ so hene ne.”

Nyekyire 17:5

Né bahyerɛ dumaa bie bagua ye nwoma so kyɛ, “Mvealeɛ nu dwirɛ! Babilɔn pirikua ne! Aseɛ so adwamanbɔlɛfoɛ ne akyiwadeɛ mɔ bɛ maame!”

Nyekyire 18:10

Na ye amaneɛnwunɛ ne bɔ besuro ne ati, bekogyinagyina dedeede bɛkɔhã kyɛ, “Yaakɔ oo, yaakɔ oo! Wɔ, kuro piri Babilɔn, kuro bɔ wɔ nwo yɛ se, dɔnhwere komapɛ nu yeɛ wɔ ndɛenbualɛ awa ye!”

Nyekyire 18:2

Na ɔteane nu serɛserɛ kyɛ, “Kuro piri Babilɔn abɔ, wabɔ! Wakakyi sunzummɔne mɔ b’atenaleɛ ne sunzum fiɛ amukoraa b’awuro ne nnomaa bɔ bɛ nwo nde ná bekyi ɔ amukoraa b’atenaleɛ.

Nyekyire 18:21

Yeɛ abɔfo anwoserɛniɛ bie tamone nyɔboɛ bɔ ɔte kyɛ nyɔboɛ kandinga bɔ bɛfa beti aburoo, na ogyi tole ɛpo nu hane kyɛ, “Sɔaa yeɛ bɛbaafindi kuro piri Babilɔn bɛto wɔ anyeborolɛ so ɔ, na bengonwu ye ko.

Nyekyire 18:5

Ofikyɛ ye bɔne yɔleɛ noa aboa waadwu nyameɛso, na Nyameɛ akaye ye amumuyɛɛ nemɔ.