Nyekyire 16:16 - AHYERƐLƐ KRONGRON

¹⁶ Na bɛboaboale bɛ noa wɔ nekaa bie bɔ Hebri dwudwolɛ nu bɛfrɛ berɛ Amagedon.

Nyekyire 16:16 Iomraidhean Croise

2 Aberɛso Dwirɛ 35:22

Nakoso Yosia wandie bɔ Neko kã ne, na mmom ɔɔsakyerale ye nwo ɔfale koɛ ɔtoale Neko. Wandie Nyameɛ dwirɛ bɔ ɔnate Neko so hane ne, na mmom ɔfale koɛ ɔɔtoale Neko wɔ Megido aseɛ frɛtɛɛ ne aso.

Sakaria 12:11

Sɔ kyẽa ne, awuyebɔlɛ piri paa kɔwa Yerusalem bɔ ɔte kyɛ Hadadrimon awuyebɔlɛ wɔ Megido bɔnza nu ne.

Yohane 19:13

Na Pilato tele sɔ dwirɛ nen, ɔfale Yesu fite wale, na ɔtenane ndɛenbualɛ bia nu, wɔ nekaa bie bɔ bɛfrɛ berɛ Nyɔboɛ Pato nu, bɔ Hebri dwudwolɛ nu bɛfrɛ ye Gabata.

Yohane 19:17

Yiti bɛfale Yesu bɛhɔle. Na ɔsoale ye mmeamudua ne fili berɛ oodwuli nekaa bie bɔ bɛfrɛ berɛ “Tire Kokuroka so,” bɔ Hebri nu bɛfrɛ ye Golgota.

Yohane 5:2

Né ɛkwaa bie wɔ Yerusalem Mmoaen Pambim ne nwo, bɔ Hebri dwudwolɛ nu bɛfrɛ ye Betesaeda ɔ; na né apata nnu bɔ atee lela bɛ bo ɔ bɛwɔ ɛkwaa ne anwo berɛ.

Asomafoɛ 26:14

Yɛ mukoraa yɛpepɛ yɛfini, na ebie dwudwo hyirele me wɔ Hebri dwudwolɛ nu kyɛ, ‘Sɔɔlo, Sɔɔlo, nzu ati yeɛ ɛtane me nye ye? Ɔyɛ se kyɛ ekotu wɔ gya kɔfa kɔwɔ nandwiehanɛniɛ ye pɔmaa noa buralɛ ɔ.’

Nyekyire 17:14

Bɛkɔfa koɛ bɛkɔteta Boaen Ba ne, na Boaen Ba ne koli bɛ so ngonim; ofikyɛ ɔte meneɛ mɔ nu Meneɛ ne ahemvo mɔ nu Hene; na bɛ bɔ bɛboka ye so ne, wafrɛ bɛ, waneanea nu waye bɛ, na bedi nahorɛ.”

Nyekyire 9:11

Bele bɔ odi bɛ so hene, bɔ ye ole aseɛ bo dɔ kumaa kuronguronn nu abɔfo ne, bɔ ye dumaa li Abadɔn wɔ Hebri dwudwolɛ nu, yeɛ Hela dwudwolɛ nu koso oli Apolɔn.

Maenbulɛfoɛ 4:7

Na ngɔtwetwe Yabin ye safohene Sisera maa ɔne ye teaseɛnam mɔ ne ye koɛhonɛfoɛ mɔ bekooyia wɔ wɔ Kison bɔnza ne anu; afei ngɔfa ye ngowura wɔ sa.’ ”

Maenbulɛfoɛ 5:19

Ahemvo mɔ wale, na bɛhone; yeɛ Kanaan ahemvo koso bɛhone, wɔ Taanake bɔ opingye Megido nzue noa; bannya koɛ nu nzesadeɛ bɔ ɔte ɛdwetɛ ɔ.