Nyekyire 15:8 - AHYERƐLƐ KRONGRON

⁸ Na nwosina bɔ ofi Nyameɛ animnyam nu ɔne ye tumi nu ne, ɔyɛle asɔneyɛɛ sua ne anu munguu, na ebiala angora anwura asɔneyɛɛ sua ne anu kɔpem kyɛ abɔfo nzoo nemɔ bɛ hawo ne bo pɛle ɔ.

Nyekyire 15:8 Iomraidhean Croise

Edwein 29:9

AWURADE komvi ma dabɔɔ mɔ bɛwo, ɔma ɛhɔayeɛ mɔ nu da berɛ pralaa, na ye asɔneyɛɛ sua ne anu, ebiala tea nu kyɛ, “Animnyam hã Nyameɛ!”

Ɛksadɔso 19:18

Nwosina katale Sinai bokaa ne aso amukoraati, ofikyɛ AWURADE natele see nu dwu wale so. So nwosina ne tu hɔle anwuro kyɛ foonoo nu nwosina, na bokaa ne amukoraa wosole kikikikikiki.

Yesaya 6:4

Bɛ komvi bɔ bɛfa bɛteane nu ne, ɔmane anoa nemɔ bɛ nyinasoɛ ne wosole, na nwosina yili sua ne anu tɛkyɛ.

Yeremia 15:1

Na AWURADE sele me kyɛ, “Sɛ Mose ne Samuel po bɛbagyina me nyunu bɛpa kyerɛ a, me kra ngonwu maen he anwumvoin. Foa bɛ fi me nye so maa bɛhɔ!

Awuye 3:44

Afa munungum amundu wɔ nwo, kyɛbɔ ɔkɔyɛ bɔ yɛ mbaeɛ ngɔfa nu ngodwu wɔ berɛ ɔ.

Lewitikɔso 16:2

Na AWURADE sele Mose kyɛ, “Ka kyire eliɛma Aarɔn kyɛ, nekaa krongron bɔ ɔwɔ mbɛmuɛ tena ne asi dɔ ne, mbata bia bɔ ɔwɔ apam alaka ne aso ne, nnɛmaa ɔba ye nyunu mmerɛ biala bɔ okuro ɔ. Sɛ ɔyɔ sɔ a okowu, ofikyɛ meye me nwo ali mekyire wɔ munungum bɔ ɔwɔ mbata bia ne aso ne anu.

Romanfoɛ 11:33

O! Nyameɛ anwonya ne ye nworɛ ne ye nimdeɛ nu pi! Nwa yeɛ ɔkɔhora kohyirehyire ye porɛ bɔ wabɔ nu ɔ? Nwa yeɛ ɔse ye atee bɔ ɔfa so yɔ ye nningyein, anaa nwa yeɛ ɔkɔte ye bo koyie ɔ?

2 Tɛsalonika 1:9

Ɔkɔtɔ sɔ mmenia nemɔ so wereɛ kɔsɛkye bɛ pasapasa afebɔɔ, ná afei wahwe bɛ wafi Awurade nyunu ne ye animnyam tumi nwo.

Nyekyire 15:1

Afei nwuni sɛngyerɛnneɛ foforɛ bie bɔ ɔte pirikua ná ɔyɛ nwanwa ɔ wɔ nyameɛso: Abɔfo nzoo bɔ betiratira ɛhawo nzoo bɔ ɔpɛ ye bo ɔ, bɔ yeɛ ɔpɛ Nyameɛ ahonehulɛ ne abo ɔ.

Nyekyire 21:11

Né ole Nyameɛ animnyam, na ye hyireinn ne ɔte kyɛ nyɔboɛ bɔ ye nyɔboɛ yɛ se paa bɔ bɛfrɛ ye yasepa, bɔ ye nye te kaenn kyɛ neanu ɔ.