Nyekyire 15:7 - AHYERƐLƐ KRONGRON

⁷ Yeɛ abɔdeɛ ateasefoɛ nna nemɔ, bɛ nu ko mane abɔfo nzoo nemɔ sikaa kɔkorɛ kulie nzoo, bɔ Nyameɛ bɔ ɔte ase afebɔɔ ne, ye ahonehulɛ ayi bɛ tɛkyɛ ɔ.

Nyekyire 15:7 Iomraidhean Croise

Edwein 75:8

Ofikyɛ AWURADE tira kwangoa bie wɔ ye sa nu, bɔ nzaa bɔ ye noa yɛ hye, bɔ opu ahure wɔ nu ɔ; okohwie nzaa ne bie, na wiase bɔnefoɛ amukoraa bɛkɔno bekotu ye bo.

Yeremia 25:15

AWURADE Yisrael Nyameɛ sele me kyɛ, “Ɛyaafɛlɛ nzaa kwangoa he bɔ otira me sa nu ye, de, ná ma maen amukoraa bɔ ngɔsoma wɔ bɛ berɛ ne bɛno.

1 Tɛsalonikafoɛ 1:9

Sɔ mmenia nemɔ bɔbɔ deinn bɛkã kyɛbɔ ɛmɔsi belele yɛ nyemene so, ɔne kyɛbɔ ɛmɔasi bahwe bɛ nwo bafi mmosoen nwo bawa Nyameɛ berɛ, kyɛ ɛmɔkɔso Nyameɛ teasefoɛ ne nahorɛniɛ ne,

Nyekyire 1:18

ɔne bɔ ɔte ase ne. Nwuli, na tie, nde ase afebɔɔ, na ndira ewue ne ɛborɔ nzafoaa.

Nyekyire 10:6

na ɔfale bɔ ɔte ase afebɔɔ, bɔ ɔbɔle anwuro ne bɔ ɔwɔ nu, aseɛ ne ne bɔ ɔwɔ nu, yeɛ ɛpo ne bɔ ɔwɔ nu ne tale ndaen kyɛ, “Mmerɛ biala nne berɛ ko,

Nyekyire 14:10

sɔ sona ne koso kɔno Nyameɛ ahonehulɛ nzaa bɔ wahwie ye gyengɔgyengɔ wagua ye yaafɛlɛ kulie nu ne bie; na bɛkɔteetee ye wɔ see ne sɔfe nu wɔ abɔfo krongron mɔ nyunu ne Boaen Ba ne nyunu.

Nyekyire 15:1

Afei nwuni sɛngyerɛnneɛ foforɛ bie bɔ ɔte pirikua ná ɔyɛ nwanwa ɔ wɔ nyameɛso: Abɔfo nzoo bɔ betiratira ɛhawo nzoo bɔ ɔpɛ ye bo ɔ, bɔ yeɛ ɔpɛ Nyameɛ ahonehulɛ ne abo ɔ.

Nyekyire 16:2

Yiti abɔfo bɔ oli moa ne hɔle oohwiele bɔ ɔwɔ ye kulie ne anu guale aseɛ so, na kena bɔ ɔbo mvamva ná otutu ɔ tutuli mmenia bɔ bele kaka ne nzorɛhyɛlɛ ne, ɔne bɛ bɔ bɛkotole ye honi ne.

Nyekyire 17:1

Afei abɔfo nzoo bɔ betiratira kulie nzoo ne, bɛ nu ko wale me berɛ oosele me kyɛ, “Bra ma ngyire wɔ ndɛenbualɛ bɔ bafa babua adwamanbɔlɛniɛ pirikua bɔ ɔte nzue pee so ne ɔ.

Nyekyire 21:9

Na abɔfo nzoo bɔ betiratira kulie nzoo ne, bɔ ɛhawo nzoo bɔ ɔpɛ ye bo ne bayi bɛ tɛkyɛ ne, bɛ nu ko wale me berɛ oosele me kyɛ, “Bra, na ngohyire wɔ Atɔmvorɛ braa ne, Boaen Ba n’aye ne.”

Nyekyire 4:10

mbanyi aburanyɔ ne nna nemɔ bɛfa bɛ nyunu bebutubutu bɔ ɔte ahennie bia ne aso ne nyunu berɛ, na bɛsɔne bɔ ɔte ase afebɔɔ ne; na betutu b’abotire nemɔ begua ahennie bia ne nyunu bɛkã kyɛ,

Nyekyire 5:8

Na mmerɛ bɔ olele nwomaa bɔ babobɔ nen, abɔdeɛ teasefoɛ nna ne ne mbanyi aburanyɔ ne nna ne bɛfale bɛ nyunu bebutubutuli ase wɔ Boaen Ba ne nyunu; bɔ bɛ mukoraa betiratira sangoo ne sikaa kɔkorɛ kulie mɔ bɔ ɛyɛɛ, bɔ ɔte anwoteefoɛ mbaeɛ ɔ wayi bɛ tɛkyɛ ɔ.