Nyekyire 15:3 - AHYERƐLƐ KRONGRON

³ Né bɛto Nyameɛ akoaa Mose dwein ne Boaen Ba ne dwein kyɛ, “Tuminiɛ Awurade Nyameɛ, wɔ nnwumaa te mbiri mbri na ɔyɛ nwanwa. Maen maen mɔ Hene, w’atee tengyɛ, na ɔte nahorɛ.

Nyekyire 15:3 Iomraidhean Croise

Gyenesise 17:1

Mmerɛ bɔ Abram lili afoɛ aburahona ne ngona ne, AWURADE yele ye nwo ali hyirele ye, na osele ye kyɛ, “Me ole Tuminiɛ Nyameɛ, di me dwirɛ so, ná ma wɔ bra yɛ sannwuu.

1 Aberɛso Dwirɛ 6:49

Na Aarɔn ne ye mma mmienzua nemɔ, bɛbɔle afɔleɛ wɔ naen yeralɛ afɔleɛ bokyea, ɔne ɛyɛɛ afɔleɛ bokyea nemɔ aso. Na bɛyɔle krongron nu krongron berɛ adwuma ne amu bɛfa bɛpatale bɛmane Yisrael, kyɛbɔ ahyɛdeɛ amukoraa bɔ AWURADE somvoɛ Mose hyɛ mane bɛ ne, ɔte ne ala.

2 Aberɛso Dwirɛ 24:6

Yiti Nana Yoase tole ye sa frɛle ɔsɔfo Yehoada bɔ ɔla bɛ noa ne, na obisale ye kyɛ, “Ɛtoɔ bɔ AWURADE somvoɛ Mose pɛ tole berɛ mane Yisraelfoɛ kyɛ bɛfa bɛyɔ apam ɛtena sua ne anwo adwuma ne, nzu ati yeɛ amma Lewifoɛ mɔ bannide bamvi Yuda ne Yerusalem ne?”

Nehemia 9:14

Ɛmaa benwuni w’afofikyẽa krongron ne, yeɛ ɛnate wɔ somvoɛ Mose so mane bɛ ahyɛdeɛ ne nhyehyɛleɛ ne mmeraa.

YOB NWOMAA NE 36:24

Kaye kyɛ ɛkɔkamvo nningyein bɔ ɔyɔ ɔ, bɔ adasa bɛto ye nwo dwein bɛkamvo ye ne.

YOB NWOMAA NE 5:9

Ye yeɛ ɔyɔ nningyein mbiri mbiri bɔ ɔbo sona ndeaseɛ so ɔ, anwanwadeɛ nningyein bɔ bɛka a bennwu ye noa ɔ.

Edwein 100:5

Ofikyɛ AWURADE te paa, ye ɔdɔ bɔ onni ngasi ne wɔ berɛ afebɔɔ, na ye nahorɛlilɛ wɔ berɛ ma aworɛ ndoatoasoɛ amukoraa.

Edwein 105:5

Ɛ́mɔkaye anwanwadeɛ mɔ bɔ wayɔ ne, ye nzɛngyerɛnneɛ mɔ ɔne ye ndɛen bɔ wabua ne.

Edwein 111:2

AWURADE nnwumaa te mbiri mbiri, na mmenia amukoraa bɔ bɛ nye gye nnwumaa ne anwo ne, bɛdwenedwene ye nwo.

Edwein 111:7

AWURADE sa noa nnwumaa te nahorɛ ne turoloo, ye ahyɛdeɛ amukoraa timu berɛ pindinn.

Edwein 139:14

Meye wɔ ayɛ, ofikyɛ kyɛbɔ asi abɔ me ne, ɔyɛ suro yɛ nwanwa. Wɔ sa noa nnwumaa yɛ nwanwa, na me kra se ye sɔ paa.

Edwein 145:17

AWURADE tengyɛ wɔ bɔ ɔyɔ ɔ amukoraa nu, na ɔte krongron wɔ ye nnwumaa amukoraa nu.

Edwein 145:6

Wɔ nnwumaa suronyisuronyi ne, wɔ tumi ne, mmenia kɔbɔ ye nwo dawure, na ngɔfa kyɛbɔ esi te piri ɔ ngɔto dwaa.

Edwein 18:30

Sɔ Nyameɛ he, ye atee tengyɛ, AWURADE bɔhyɛ te nahorɛ, na ebiala bɔ ɔbɔ ye nwo waen wɔ Nyameɛ nu ne, Nyameɛ te ye buralɛ ataadeɛ.

Edwein 78:12

Ɔyɔle anwanwadeɛ mɔ bɔ bɛ nana mɔ bɛ nye tua ɔ, wɔ Misraim aseɛ so, wɔ Soan aseɛ pralaa ne aso.

Edwein 92:5

Ao AWURADE, wɔ nnwumaa te mbiri mbiri paa! W’adwene nu pi paa!

Edwein 99:4

Ɛhene piri bɔ ekuro ndɛenbualɛ turoloo ɔ, ama pɛpɛɛpɛyɛlɛ bo atimu, ama ndɛenbualɛ turoloo ne tenenee wagyina wɔ Yakob nu.

Yesaya 33:22

Ofikyɛ AWURADE yeɛ ɔte yɛ ndɛenbualɛniɛ ɔ, AWURADE yeɛ ɔte yɛ mmeraahyɛlɛniɛ ɔ, AWURADE yeɛ ɔte yɛ hene ɔ, na ye yeɛ ɔkɔpepɛ kole yɛ ɔ.

Yesaya 45:21

Ɛ́mɔdwudwo, ɛ́mɔbɔ ɛmɔ nguro; maa bɛbɔ nu bɛhɔ agyina! Nwa yeɛ ɔhane sɔ dwirɛ ne tole berɛ fili tetetete ɔ? Nwa yeɛ ofi daa tete ne ɔfa tole dwaa ɔ? Aso nna me, AWURADE ɔ? Nyameɛ biala nne berɛ, sana me ngome, nde Nyameɛ bɔ ɔtengyɛ bɔ ode ngoa ɔ, ebiala nne berɛ, sana me ngome.

Daniel 6:20

Na opingyele tuin ne anwo berɛ nen, ole ahunundetelɛ teane nu frɛle Daniel, na osele Daniel kyɛ, “Daniel, Nyameɛ teasefoɛ somvoɛ ee, wɔ Nyameɛ bɔ ɛso ye daa ne, wahora wapepɛ wale wɔ wafi gyata nemɔ bɛ sa nu anaa?”

Daniel 9:11

Amba, Yisrael amukoraa abu wɔ mmeraa ne aso, bali makyebu bɔ bendie wɔ dwirɛ ɔ. Na ɛnomalɛ ne ndaen bɔ bahyerɛ ye wɔ Nyameɛ somvoɛ Mose mmeraa ne anu ne, wawa yɛ so, ofikyɛ yayɔ bɔne yatia ye.

Hosea 14:9

Nwa yeɛ ɔse nworɛ bɔ ɔte edwirɛ hemɔ abo ɔ? Nwa yeɛ ye adwene nu pi bɔ ole bɛ nwo nimdeɛ ɔ? Ofikyɛ AWURADE atee tengyɛ, teneneefoɛ kɔfa so, nakoso mmeraatolɛfoɛ de, bekofi ase wɔ so.

Mika 7:20

Ɛkɔye nahorɛlilɛ ali kohyire Yakob, ɔne anwumvoinnwunɛ ali kohyire Abraham, kyɛbɔ ata ye nwo ndaen ahyire yɛ nana mɔ fi daa tete ne.

Sefania 3:5

AWURADE bɔ ɔwɔ ye nu de, ɔte teneneeniɛ, ɔnyɔ bɔ ɔtte mayee ɔ, ngyerɛmɔ biala ɔda ye pɛpɛɛpɛyɛlɛ ali, bɔ ɔnyakyi ye yɔlɛ koraa ɔ; nakoso bɔnefoɛ mɔ de, bɛnze nyanzoen.

Sakaria 9:9

O Sion awa brasua, di ahurusi paa! O Yerusalem awa brasua, bɔ ese! Tie, wɔ Hene ne ɔ́ba wɔ berɛ, ɔtengyɛ, na ye yeɛ ngoalelɛ wɔ ye berɛ ɔ, odwo, na ɔte afunum so, afunum akrɔngrɔma so, bɔ ɔte afunum beleɛ ɔ.

Yohane 1:17

Mmeraa ne de, bɛnate Mose so yeɛ bɛfa bɛmane ɔ; na adom ne nahorɛ ne de, ɔnate Yesu Kristo so yeɛ bɛwale ɔ.

Deuteronomi 31:30

Afei Mose kengale edwein he anu dwirɛ amukoraati, fite ye ti kɔka ye bo, maa Yisrael maen ye amukoraa bɛtele.

Deuteronomi 32:3

Ofikyɛ ngɔbɔ AWURADE dumaa dawure. Ɛ́mɔhã kyɛ yɛ Nyameɛ te piri!

Deuteronomi 34:5

Afei AWURADE somvoɛ Mose wuli dɔ wɔ Moabo aseɛ so, kyɛbɔ AWURADE noa dwirɛ te ne.

1 Timoteo 1:17

Afei, anidie ne animnyam hã daa daa Hene ne, bɔ ɔte ase daa, bɔ anyeɛ nnwu ye, Nyameɛ komapɛ twe ne, afebɔɔ! Amen.

Hebrifoɛ 3:5

Mose de, olili nahorɛ wɔ Nyameɛ awuro mukoraa nu kyɛ somvoɛ, na olili nningyein bɔ né Nyameɛ baahã ye nwo dwirɛ ne nwo adanzeɛ.

Yosua 22:5

Ɛ́mɔnea yé ná ɛ́mɔli mmeraa dwirɛ ne mmeraa bɔ AWURADE somvoɛ Mose hyehyɛ mane ɛmɔ ne aso: kyɛ ɛmɔhuro AWURADE ɛmɔ Nyameɛ dwirɛ, kyɛ ɛ́mɔli ye dwirɛ amukoraa so, kyɛ ɛ́mɔli ye mmeraa dwirɛ so, kyɛ ɛ́mɔfa bɛ nwo bɛbɔ ye, ná ɛ́mɔfa ɛmɔ ahone mukoraa ne ɛmɔ kra mukoraa bɛso ye.”

Nyekyire 1:8

Awurade nwa Nyameɛ nwa, “Me ole Alfa ne Omega ne, bɔ ɔwɔ berɛ kekesaala ye ne, bɔ ɔwɔ berɛ dada ne, bɔ ɔbaawa ne, nikyee biala so Tuminiɛ ne.”

Nyekyire 11:17

na bɛhane kyɛ, “Yɛfa asennaa yɛma wɔ, O Tuminiɛ Awurade Nyameɛ bɔ ɛwɔ berɛ, ná ɛwɔ berɛ fi tetetete ɔ, ofikyɛ afa wɔ tumi pirikua ne, na ali hene.

Nyekyire 14:3

Na bɛtole edwein foforɛ bie wɔ ahennie bia ne ne abɔdeɛ teasefoɛ nna ne ne mbanyi nemɔ nyunu. Na ebiala angora anzua sɔ dwein ne, sana apee sɔ alaa ɛyaa ko ne aburanna ne nna ne bɔ bale bɛ ngoa bafi aseɛ so ne angome.

Nyekyire 14:8

Na abɔfo foforɛ bɔ ɔtɔ so nyɔ ɔ lili ye si sele kyɛ, “Babilɔn abɔ! Wabɔ! Kuro piri ne, ofikyɛ wama maen maen amukoraa bano ye adwamanbɔlɛ ahonehulɛ nzaa ne bie.”

Nyekyire 17:14

Bɛkɔfa koɛ bɛkɔteta Boaen Ba ne, na Boaen Ba ne koli bɛ so ngonim; ofikyɛ ɔte meneɛ mɔ nu Meneɛ ne ahemvo mɔ nu Hene; na bɛ bɔ bɛboka ye so ne, wafrɛ bɛ, waneanea nu waye bɛ, na bedi nahorɛ.”

Nyekyire 19:16

Né ole dumaa bie bɔ bahyerɛ ye wɔ ye ataadeɛ nu ne ye sɔ nwo kyɛ, “Ahemvo mɔ nu Hene ne meneɛ mɔ nu Meneɛ.”

Nyekyire 19:2

ofikyɛ ye ndɛenbualɛ te nahorɛ na ɔtengyɛ, ɔnate kyɛ wabua adwamanbɔlɛniɛ kandinga bɔ ɔfale ye adwamanbɔlɛ guale aseɛ nwo fiɛ ne ndɛen, na watɔ ye so wereɛ wɔ ye ngoaa mɔ bɛ mogya nwo.”

Nyekyire 4:8

Na abɔdeɛ ateasefoɛ nna ne, nu biala le ndaa nzia, na anyeɛ tuatua bɛ nwo ne bɛ nu amukoraa, na alehyeleɛ ne alesaleɛ biala bɛto dwein bɔ bɛnyakyi ɔ, kyɛ, “Tuminiɛ Awurade Nyameɛ, ɔte krongron, krongron, krongron ye yeɛ ɔwɔ berɛ fi tetetete, ɔwɔ berɛ kekesaala ye, ná ɔbaawa ne!