Nyekyire 15:2 - AHYERƐLƐ KRONGRON

² Na nwuni nikyee bie bɔ ɔte kyɛ neanu po bɔ ɔne see bali afra ɔ. Na bɛ bɔ bali kaka ne ne ye honi ne, yeɛ ye nzorɛhyɛlɛ ne ye dumaa nwo ngondaa so ngonim ne, né begyigyi neanu po ne aso bɔ betiratira Nyameɛ sangoo ɔ.

Nyekyire 15:2 Iomraidhean Croise

Mateo 3:11

Me de, mebɔ ɛmɔ asu wɔ nzue nu maa okyire kyɛ ɛmɔasakyera ɛmɔ adwene, nakoso bɔ oli me si ɔ́ba ne de, odi mu tra me; na memvata kyɛ ye mbaboa po ngotira ɔ. Ye de, ɔkɔfa Sunzum Krongron ne see yeɛ ɔkɔbɔ ɛmɔ asu ɔ.

1 Petro 1:7

amaa ɔnate so ɛmɔ gyidie ne—bɔ ye nyɔboɛ yɛ se tra sikaa kɔkorɛ, bɔ ɔwɔ nu kyɛ beso bɛnea wɔ see nu po, nakoso ɔsɛkye ne—wakakyi ayɛyelɛ, anidie ne animnyam wɔ Yesu Kristo nwo aliyelɛ ne anu.

1 Petro 4:12

Aliɛmaa mɔ, amaneɛ yeayea bɔ ɔtoto ɛmɔ bɔ bɛfa beso ɛmɔ bɛnea ne, nnɛmɔma ɔyɛ ɛmɔ nwanwa, kyɛ ebiaa ɔte nikyee foforɛ bie yeɛ ɔtoto ɛmɔ ɔ.

Nyekyire 12:11

Na bɛfale Boaen Ba ne mogya so ne b’adanzeɛ dwirɛ so yeɛ belili ye so ngonim ɔ, na banzuro kyɛ bɛkɔfa bɛ ngoa bɛkɔpɛ so ɔ.

Nyekyire 13:1

Na nwuni kaka bie bɔ ole tire nzoo, ɔne mmɛen buru kyɛ ofi ɛpo nu ofite ɔ. Né ahennie abotire buru bobɔ ye mmɛen nemɔ, na musue abodin mɔ wɔ ye ti nemɔ anwo.

Nyekyire 13:14

Na nzɛngyerɛnneɛ bɔ wanya ye nwo tumi kyɛ ɔyɔ ye wɔ kaka ne nyunu ne, ɔfa so lakalaka bɛ bɔ bɛte aseɛ so ɔ; na ose bɛ bɔ bɛte aseɛ so ɔ kyɛ, bɛ́yɔ ohoni bɛma kaka bɔ ngrandɛ apura ye, nakoso ɔtɛ te ase ne.

Nyekyire 13:17

maa ɔnate so ebiala ngora ndɔ nikye anaa ɔnyɛ ye atɔen, sana sona bɔ ole nzorɛhyɛlɛ ne, bɔ ɔte kaka ne dumaa anaa ye dumaa ngondaa nzorɛhyɛlɛ ne ngome

Nyekyire 21:18

Bɛfale nyɔboɛ bɔ bɛfrɛ ye yasepa yeɛ bɛtole ye fasue ne ɔ, na kuro ne bɔbɔ deinn de ɔte sikaa kɔkorɛ paa, bɔ ye nye te kaenn kyɛ neanu ɔ.

Nyekyire 4:6

Né nikyee bie bɔ ɔte kyɛ neanu po, bɔ ye nye te kaenn kyɛ neanu ɔ ɔwɔ ahennie bia ne anyunu berɛ. Yeɛ né abɔdeɛ ateasefoɛ nna bɔ anyeɛ tuatua bɛ nyunu ne bɛ si ɔ bɛwɔ ahennie bia ne anwo wɔ ye afia berɛ.

Nyekyire 5:8

Na mmerɛ bɔ olele nwomaa bɔ babobɔ nen, abɔdeɛ teasefoɛ nna ne ne mbanyi aburanyɔ ne nna ne bɛfale bɛ nyunu bebutubutuli ase wɔ Boaen Ba ne nyunu; bɔ bɛ mukoraa betiratira sangoo ne sikaa kɔkorɛ kulie mɔ bɔ ɛyɛɛ, bɔ ɔte anwoteefoɛ mbaeɛ ɔ wayi bɛ tɛkyɛ ɔ.