Nyekyire 14:7 - AHYERƐLƐ KRONGRON

⁷ Na ɔteane nu sele kyɛ, “Ɛ́mɔsuro Nyameɛ ná ɛ́mɔfa animnyam bɛ́ma ye, ofikyɛ ye ndɛenbualɛ mmerɛ ne adwu; na ɛ́mɔsɔne ye bɔ ɔbɔle nyameɛso ne aseɛ, ɛpo ne asue ti amukoraa ne.”

Nyekyire 14:7 Iomraidhean Croise

Gyenesise 22:12

Na ɔhane kyɛ, “Nnɛfa wɔ sa ka akwadaa ne, yeɛ nnɛyɔ ye hwee, ofikyɛ afei de manwu kyɛ esuro Nyameɛ, na amva ɛwa komapɛ twe ne ammɔ me aheɛ.”

Nehemia 9:6

Na Ɛsra sele kyɛ, “Wɔ ngome yeɛ ɛte AWURADE ɔ. Wɔ yeɛ abɔ nyameɛso, nyameɛso bɔ ɔwɔ anwuro ne nu abɔdeɛ amukoraa; aseɛ ɔne so nningyein amukoraa; ɛpo ne nu nningyein amukoraa. Ɛma bɛ mukoraa ngoa, na nyameɛso abɔdeɛ amukoraa bɛsɔne wɔ.

Edwein 115:15

AWURADE bɔ ɔbɔle anwuro ne aseɛ ne, óyira ɛmɔ.

Edwein 124:8

AWURADE bɔ ɔbɔle anwuro ne aseɛ ne, ye dumaa nu yeɛ yɛ mmokalɛ wɔ ɔ.

Edwein 33:6

AWURADE noa dwirɛ yeɛ ɔfa bɔle ewienu ɔ, na ye noa nu nwomeɛ yeɛ ɔfa bɔle nu nningyein ɔ.

Edwein 36:1

Amumuyɛɛ dwudwo kyire bɔnefoɛ wɔ ye ti anu; bɔnefoɛ nye so de, Nyameɛ nwo nyɛ suro.

Edwein 89:7

Ɔte Nyameɛ bɔ besuro ye wɔ krongronfoɛ badwa nu ɔ, ɔte piri, na ye nwo yɛ suro tra bɛ bɔ bapɛ ye nwo bayia amukoraa.

Edwein 95:5

Ɛpo te ye deɛ, ofikyɛ ye yeɛ ɔbɔle ɔ, yeɛ aseɛ wosee koso, ye sa yeɛ ɔhyehyɛle ɔ.

Ɛksadɔso 20:11

Ofikyɛ elesia yeɛ AWURADE fa bɔle anwuro ne aseɛ, ɛpo ne bɛ nu nningyein amukoraati ɔ, nakoso olele ye nwome kyẽa bɔ ɔtɔ so nzoo ne. Yiti AWURADE yirale afofikyẽa ne, na ɔyɛle ye krongron.

Yesaya 40:3

Ebie tea nu wɔ ɛserɛ so kyɛ, “Ɛ́mɔbɔ AWURADE atee bɛ́to berɛ, ɛ́mɔpakye atimbire bɔ ɔtengyɛ ɔ wɔ aseɛ pralaa so bɛ́ma yɛ Nyameɛ.

Yesaya 40:6

Komviɛ bie nwa, “Tea nu kã!” Na mmisale kyɛ, “Nzikyɛ yeɛ ndea nu nga ɔ?” Anwoɔnaen biala te ndire, na ye anwonyemene amukoraa te kyɛ nyerɛen bɔ ɔwɔ eburo ɔ.

Yesaya 40:9

O Sion bɔ ɛso ndɛenvɛen ɔ, fo kɔ bokaa tendenn ne aso; O Yerusalem bɔ ɛso ndɛenvɛen ɔ, tea nu kã ye serɛserɛ, tea nu kã, na nnɛsuro. Kã kyire Yuda nguro nemɔ kyɛ, “Ɛ́mɔtie, ɛmɔ Nyameɛ ne ɛhe!”

Yesaya 42:12

Odi kyɛ bɛhyɛ AWURADE animnyam ná bɛbɔ ye ayɛyelɛ ne dawure wɔ supɔ nemɔ aso.

Yesaya 44:23

O anwuro anwuro, ɛ́mɔto anigye dwein, ofikyɛ AWURADE yeɛ wayɔ sɔ ɔ; O aseɛ bo dɔ, ɛ́mɔbɔ ese; O mmokaa mɔ, ɛ́mɔto anigye dwein serɛserɛ; O ɛhɔayeɛ mɔ ne nu mmakaa koso, ɛ́mɔyɔ sɔ! Ofikyɛ AWURADE apɔ Yakob wale ye, na wama ye animnyam wala ali wɔ Yisrael.

Yesaya 58:1

“Tea nu serɛserɛ, nnɛkã wɔ komvi ase, ma wɔ komvi so kyɛ totorobɛndo, kã me maen ye mmeraatolɛ kyire ye, ɔne Yakob bosofoɛ bɛ bɔne kyire bɛ.

Yeremia 10:10

Nakoso AWURADE yeɛ ɔte nahorɛ Nyameɛ ne ɔ; ye yeɛ ɔte Nyameɛ teasefoɛ ne Ɛhene afebɔɔ ne ɔ. Sɛ ye ahone hu a, aseɛ woso, na amaen maen mɔ bɛngora ye yaafɛlɛ noa gyina.

Hesekiel 7:2

“Wɔ, Sona awa, bɔ AWURADE Nyameɛ ɔkã kyire Yisrael maen hɔ ɛhe: Ayieleɛ! Aseɛ ndweasoɛ nna ne, b’ayieleɛ yeɛ wato bɛ ne.

Hesekiel 7:6

Ayieleɛ awa, ayieleɛ ne awa! Wadwɔso ɔ́ba wɔ so, nea kyɛ ɔ́ba ɔ!

Daniel 8:19

Na osele kyɛ, “Tie, ahonehulɛ ne ba ayieleɛ a, bɔ okosi ne, mebaala ye ali mekyire wɔ, ofikyɛ ɔfa ayieleɛ mmerɛ bɔ bahyehyɛ bato berɛ ne anwo.

Hosea 8:1

“Fa totorobɛndo ne tua wɔ noa! Ɔkɔyɛ kyɛ kɔleɛ kɔwa AWURADE awuro ne aso, ofikyɛ babu m’apam ne aso, na bato me mmeraa ne.

Malaki 2:2

Sɛ ɛmɔanyɛ sotie, yeɛ sɛ ɛmɔamva banzie ɛmɔ ahone nu kyɛ ɛmɔkɔfa animnyam bɛkɔma me dumaa a, ngɔprapra musue ngogua ɛmɔ so, na ngɔnoma ɛmɔ saleɛ ne, Asafo AWURADE noa dwirɛ ɛne; yoo, manoma bɛ dada, ofikyɛ ɛmɔmva benzie ɛmɔ ahone nu.

Mateo 25:13

“Yiti ɛ́mɔwɛne, ɔnate kyɛ ɛmɔnze kyẽa ne anaa dɔnhwere ne [bɔ Sona Awa ne kɔwa ɔ.]”

Luka 17:18

Bannwu bɛ nu biala kyɛ wasa ye si wawa kyɛ ɔbaafa animnyam ma Nyameɛ ɔ, sana amanvraniɛ he ngome?”

Asomafoɛ 14:15

“Biamɔ, nzu ati yeɛ ɛmɔyɔ sɔ ye? Yɛ koso yɛte mmenia kyɛ ɛmɔ ala! Yɛwale kyɛ yɛbaabɔ nzɛmba ne dawure yɛkyire ɛmɔ, kyɛ ɛ́mɔhwe ɛmɔ nwo befi sɔ nningyein mbaen mbaen hemɔ nwo, ná ɛ́mɔfa ɛmɔ nwo bɛma Nyameɛ teasefoɛ bɔ ɔbɔle nyameɛso ne aseɛ ne ɛpo ne bɔ ɔwɔ bɛ nu amukoraa ne.

Yosua 7:19

Na Yosua sele Akan kyɛ, “Mma, fa animnyam ma AWURADE Yisrael Nyameɛ, ná ka nahorɛ wɔ ye nyunu. Nikyee bɔ ayɔ ne, ka kyire me kekesaala ye. Nnɛfa fea me.”

1 Petro 4:7

Nakoso nningyein amukoraa ayieleɛ apingye; yiti ɛ́mɔnya adwene paa ná ɛ́mɔma ɛmɔ nye la berɛ ma mbaeɛbɔlɛ.

Nyekyire 11:13

Na aseɛ wosole wɔ sɔ dɔnhwere ne ala nu, na kuro ne ngyɛmuɛ buru nu ko bu guale, na aseɛwosolɛ ne huni mmenia apee nzoo; na ɛserɛ hane bɛ bɔ baha ne, na bɛhyɛle nyameɛso Nyameɛ ne animnyam.

Nyekyire 11:18

Maen maen mɔ fɛle yaa, na w’ahonehulɛ ne adwɔso, na mmerɛ adwu kyɛ ebua awufoɛ ndɛen, ná ɛma wɔ ngoaa, ngɔmhyɛlɛfoɛ ne anwoteefoɛ ne bɛ bɔ besuro wɔ dumaa, kwahweabaa mɔ ne atitirefoɛ akatuaa ɔ, ɔne kyɛ ɛkɔsɛkye bɛ bɔ bɛsɛkye aseɛ ɔ.”

Nyekyire 15:4

O, Awurade, nwa yeɛ ongosuro wɔ ná ɔngɔhyɛ wɔ dumaa animnyam ɔ? Ofikyɛ wɔ ngome yeɛ ɛte krongron ɔ. Maen maen amukoraa kɔwa kɔɔkoto wɔ, ofikyɛ wɔ ndɛenbualɛ turoloo ne ala ali.”

Nyekyire 16:9

Na ahuhuro kandinga mane mmenia nwo yerayerale bɛ, na bɛkekane musue dwirɛ betiale Nyameɛ bɔ ole sɔ ɛhawo nemɔ so tumi ne, na banzakyera b’adwene banhyɛ ye animnyam.

Nyekyire 18:10

Na ye amaneɛnwunɛ ne bɔ besuro ne ati, bekogyinagyina dedeede bɛkɔhã kyɛ, “Yaakɔ oo, yaakɔ oo! Wɔ, kuro piri Babilɔn, kuro bɔ wɔ nwo yɛ se, dɔnhwere komapɛ nu yeɛ wɔ ndɛenbualɛ awa ye!”

Nyekyire 18:17

Dɔnhwere komapɛ anu yeɛ sɔ anwonya ne amukoraa wayɛ mbaen ye!” Na ɛlɛenhanɛfoɛ mbanyi amukoraa, ɛlɛen nu akwandufoɛ amukoraa, ɛlɛen nu adwumayɔlɛfoɛ ne ɛpo so dwadifoɛ amukoraa begyinagyinane dedeede,

Nyekyire 18:19

Na bɛsesale mvuture beguaguale bɛ ti so, na besuni bɛbɔle awuye kyɛ, “Yaakɔ oo, yaakɔ oo! Kuro piri he bɔ ɔnate ye anwonya ti bɛ bɔ bele ɛlɛen wɔ ɛpo so amukoraa benyane bɛ nwo wɔ nu ɔ! Dɔnhwere komapɛ nu yeɛ babɔ ye bɔkɔɔ ye!”

Nyekyire 19:5

Na komviɛ bie fili ahennie bia ne anu teane nu kyɛ, “Ɛ́mɔye yɛ Nyameɛ ayɛ, ɛmɔ bɔ ɛmɔte ye ngoaa ne ɛmɔ bɔ ɛmɔsuro ye amukoraa, kwahweabaa mɔ ne atitire!”

Nyekyire 4:11

“Y’Awurade ne yɛ Nyameɛ, ɛfata kyɛ ede animnyam, anidie ne tumi, ofikyɛ wɔ yeɛ ɛbɔle nningyein amukoraati, wɔ pɛ ti yeɛ bɛwɔ berɛ ɔ, na wɔ pɛ ti yeɛ ɛbɔle bɛ ɔ.”

Nyekyire 4:9

Na sɛ abɔdeɛ ateasefoɛ nemɔ bɛfa animnyam, anidie ne asennaa bɛma bɔ ɔte ahennie bia ne aso, bɔ ɔte ase afebɔɔ ne a,

Nyekyire 8:10

Na abɔfo bɔ ɔtɔ so nza ne huli ye totorobɛndo ne, na nzramaa pirikua bie bɔ ogye kyɛ tɛen ɔ otu fili nyameɛso, na oofini asue mɔ ngyɛmuɛ nza nu ko nu, ɔne mbombonzue mɔ nu.

1 Samuel 6:5

Yiti mbɔmbɔ ne mmurokuruwa mɔ bɔ bɛ́sɛkye ɛmɔ maen nen, ɔsɛ kyɛ ɛmɔyɛ bɛ sɛso, ná ɛmɔfa animnyam bɛma Yisrael Nyameɛ ne. Ebiaa amaneɛ piri paa bɔ wafa wato ɛmɔ ne ɛmɔ nyameɛ mɔ ɔne ɛmɔ aseɛ so ne, ɔkɔyakyi.