Nyekyire 14:6 - AHYERƐLƐ KRONGRON

⁶ Na afei nwuni abɔfo foforɛ bɔ watu nate nyameɛso afia dɔ, bɔ otira nzɛmba afebɔɔ ne kyɛ ɔkwaabɔ ye dawure kyire bɛ bɔ bɛte aseɛ so: maen maen ne mmusua kure ne edwudwolɛ ne mmenia amukoraa.

Nyekyire 14:6 Iomraidhean Croise

Gyenesise 1:6

Na Nyameɛ hane kyɛ, “Ewienu bra, na ɔɔtete nzue nemɔ anu!” Na ɔwale nu sɔ.

2 Samuel 23:5

Aso nna sɔ yeɛ m’abusua ɔte wɔ Nyameɛ nyunu anaa? Ofikyɛ ɔne me ayɛ apam afebɔɔ, ɔte apam bɔ wahyehyɛ ye pɛpɛɛpɛ bɔ onni ngasi ɔ. Na m’anyelasoɛ amukoraa, ɔne bɔ mepena amukoraa, aso ɔngɔboka me ma me sa ngɔhã ye anaa?

Edwein 119:142

Wɔ tenenee ne, ɔte tenenee afebɔɔ, na wɔ mmeraa yeɛ ɔte nahorɛ ɔ.

Edwein 139:24

Nea sɛ bra tɛɛ bie wɔ me nu a, na di me nyunu fa me fa atee bɔ ɔla berɛ afebɔɔ ne aso.

Edwein 145:13

W’ahennie ne te daa ahennie, na wɔ tumi ne wɔ berɛ wɔ aworɛ ndoatoasoɛ amukoraa nu. [AWURADE di nahorɛ wɔ ye dwirɛ amukoraa nu, na onwu anwumvoin wɔ nikyee biala bɔ ɔyɔ ɔ nu].

Yesaya 40:8

Ndire kese, yeɛ nyerɛen nyemene koso otu, nakoso yɛ Nyameɛ dwirɛ de, otimu berɛ afebɔɔ.

Yesaya 45:17

Nakoso Yisrael de, AWURADE fa ngoalelɛ afebɔɔ ode ye. Ɛfɛrelɛ ngɔhã ɛmɔ, yeɛ ɛmɔ nyunu ngogua ase le afebɔɔ.

Yesaya 51:6

Ɛ́mɔma ɛmɔ nye so bɛ́nea anwuro, ná ɛ́mɔhu bɛ nye ase bɛ́nea aseɛ; ofikyɛ anwuro kotu komini kyɛ nwosina, aseɛ kɔtete kyɛ ɛtena, na so ama kowuwu sɔ ala; nakoso me ngoalelɛ ne de, ɔkɔyɛ afebɔɔ, yeɛ me tenenee ne wora, ye bo ngɔpɛ le.

Yesaya 51:8

Ofikyɛ mvrɔlɔ koli bɛ kyɛ ɛtena, yeɛ alɔponɛ koli bɛ kyɛ gyese; nakoso me tenenee de, ɔkɔyɛ afebɔɔ, na me ngoalelɛ kɔtena berɛ kɔma aworɛ ndoatoasoɛ amukoraa.”

Yesaya 6:2

Né Serafim mɔ bɛwɔ ye ti so anwuro. Bɛ nu biala le ndaa nzia: bɛ nu biala fa nyɔ kata ye nyunu, ɔfa nyɔ kata ye gya nwo, yeɛ ɔfa nyɔ tu.

Hesekiel 1:14

Né abɔdeɛ ateasefoɛ nemɔ bele amirika bedi akɔneaba kyɛ agralaa bɔ ɔte yerɛmyerɛm ɔ.

Daniel 4:1

Nana Nebukadenesa noa dwirɛ bɔ ɔfa kɔma maen maen amukoraa, mmenia mukoraa ne edwudwolɛ amukoraa bɔ bɛwɔ aseɛ so ne, ye ɛhe: Ngɔsoɛ pee ɔbra ɛmɔ asetena oo!

Daniel 9:21

bɔ né ngu so mebɔ mbaeɛ nen, biaa Gabriel bɔ nnili moa nwuni ye wɔ nyekyire nu ne, otuli ndɛndɛ wale me nwo berɛ ɔɔfale ye sa hane me, wɔ nɔsoa afɔleɛbɔlɛ mmerɛ ne anu.

Mateo 10:27

Na bɔ mekã mekyire ɛmɔ awosii nu ne, ɛmɔhã ye eyia ketee; yeɛ bɔ batu ye nwo asure maa ɛmɔate ne, ɛ́mɔbɔ ye dawure wɔ sua ti afia.

Marko 16:15

Na ɔhã hyirele bɛ kyɛ, “Ɛmɔhɔ wiase amukoraa bɛɛhã nzɛmba ne behyire abɔdeɛ amukoraa.

Romanfoɛ 16:25

Bɔ ɔkora ma ɛmɔ tindim, kyɛbɔ me nzɛmba ne Yesu Kristo nwo nzɛmba ne ɔte ne, kyɛbɔ mvealeɛ nu dwirɛ bɔ bɛfa bɛfeale daa tete ne ɔte ne,

Kolosefoɛ 1:23

Nakoso ɔsɛ kyɛ ɛmɔsɔ gyidie ne anu serɛ na ɛmɔahora bagyina pindinn. Na afei ɔnzɛ kyɛ ɛmɔtwe bɛ nwo befi nzɛmba ne anu anyelasoɛ nwo, na ɛhe yeɛ ɛmɔtele, bɔ babɔ ye nwo dawure bahyire abɔdeɛ mukoraa wɔ wiase, bɔ me Pɔɔlo nde ye nwo somvoɛ ye.

2 Tɛsalonika 2:16

Na afei, Y’Awurade Yesu Kristo bɔbɔ ne yɛ Baba Nyameɛ, bɔ okuro yɛ dwirɛ, ná walo yɛ wama yɛ daa asomdwee ne anyelasoɛ paa ne,

Hebrifoɛ 13:20

Asomdwee Nyameɛ bɔ ɔnate apam bɔ ɔwɔ berɛ afebɔɔ mogya ne aso tingyele y’Awurade Yesu bɔ ɔte Mmoaenneafoɛ panyi ne fili awufoɛ nu ne,

1 Petro 1:25

nakoso Awurade dwirɛ de, otimu berɛ afebɔɔ.” Na edwirɛ he ole nzɛmba bɔ babɔ ye dawure bahyire ɛmɔ ne.

Nyekyire 10:11

Na osele me kyɛ, “Ɔsɛ kyɛ ɛhyɛ ngɔm fa mmenia, maen maen, edwudwolɛ ahoroɔ ne ahemvo pee nwo bieku.”

Nyekyire 10:7

na mmom mmerɛ bɔ abɔfo bɔ ɔtɔ so nzoo ne kohu ye totorobɛndo ne, yeɛ Nyameɛ mvealeɛ nu dwirɛ ne kɔwa nu ɔ, kyɛbɔ ɔhane ye nwo dwirɛ hyirele ye ngoaa ngɔmhyɛlɛfoɛ nemɔ ne.”

Nyekyire 13:7

Na bɛmane ye ate kyɛ ɔfa koɛ teta anwoteefoɛ, ná oli bɛ so ngonim. Na bɛmane ye tumi wɔ mmusua kure ne edwudwolɛ mɔ ne maen amukoraa so.

Nyekyire 3:10

Na ɔnate kyɛ ali m’animia dwirɛ so ne ati, me koso ngɔbɔ wɔ nwo waen ngofi nzɔhwɛ mmerɛ bɔ ɔbaawa wiase amukoraa so ne anu, nzɔhwɛ bɔ ɔbaaso aseɛ ye aso ama nea ne.

Nyekyire 5:9

Na bɛtole dwein foforɛ bie kyɛ, “Ɛfata kyɛ ede nwomaa bɔ babobɔ ne ná ebukye ye nzɔanoɛ nemɔ ɔ; ofikyɛ behuni wɔ, na afa wɔ mogya atɔ adasa mmaa ama Nyameɛ afi mmusua kure ne edwudwolɛ ne mmenia ne maen biala nu,

Nyekyire 8:13

Na nneane, na ndele kyɛ kɔleɛ bie otu faa wɔ nyameɛso afia dɔ, ná ɔtea nu kã kyɛ, “Totorobɛndo ngaa bɔ abɔfo nza nemɔ bɛbaahu ne, bɛ komvi ne ati, bɛ bɔ bɛte aseɛ so ɔ, bɛ yaakɔ oo, bɛ yaakɔ oo, bɔ yaakɔ oo!”