Nyekyire 14:4 - AHYERƐLƐ KRONGRON

⁴ Ɛhemɔ ole bɛ bɔ bamva mmrasua bangua bɛ nwo fiɛ, ofikyɛ basie bɛ nwo krongron. Bɛ yeɛ bedi Boaen Ba ne si bɛkɔ nekaa biala bɔ ɔkɔ ɔ. Bɛ yeɛ bale bɛ ngoa bafi adasa mmaa nu, ná bayɛ bɛ fieso aleɛ bɔ oli moa bama Nyameɛ ne Boaen Ba ne ɔ.

Nyekyire 14:4 Iomraidhean Croise

Edwein 45:14

Wawura ataadeɛ bɔ bali adwii bagua nu ɔ, na bɛfa ye bɛkɔ ɛhene ne berɛ; ye mmango ndaluwa ababunu nemɔ beli ye si, na bɛfa ye bɛbrɛ wɔ.

Edwein 74:2

Kaye wɔ mmenia bɔ ɛtɔle bɛ tetetete ne, bɛ bɔ ɛpɔle bɛ fale bɛ yɛle abusua kure bɔ ɔte w’agyapadeɛ ne. Kaye Sion bokaa bɔ aatena so ne.

Edwein Nu Dwein 1:3

Wɔ sakyeɛ ne bo fona paa, yeɛ wɔ dumaa te kyɛ sakyeɛfona bɔ béhwie ɔ; ye sɔ ati yeɛ ndaluwa kuro wɔ ye.

Edwein Nu Dwein 6:8

Ahenyerɛ aburasia ne sómaa aburawɔtwɛ wɔ berɛ, yeɛ ndaluwa pee bɔ bɛnze bɛ noa ɔ wɔ berɛ de,

Yeremia 2:3

Né Yisrael te krongron ma AWURADE, ye fieso aleɛ bɔ olili moa fale hɔ ɛne; bɛ bɔ belili bie amukoraa belili fɔ; musue tole bɛ, AWURADE noa dwirɛ ɛne.”

Amose 6:1

“Bɛ bɔ bɛ nwo atɔ bɛ wɔ Sion, yeɛ bɛ bɔ bɛfa bɛ wora bewura Samaria bokaa nu ɔ, maen maen mbanyi mɔ nu atitire mɔ bɔ Yisrael awuro ama bɛbapena mmokalɛ befi ɛmɔ berɛ ɔ, ɛmɔ yaakɔ!

Mateo 19:12

Ebiemɔ ngora ngya braa, ofikyɛ sɔ yeɛ bɛwole bɛ ɔ; ebiemɔ koso de, sona yeɛ wayɛ bɛ sɔ ɔ; yeɛ ebiemɔ wora, nyameɛso ahennie ne ati yeɛ bɛ bɔbɔ bayɛ bɛ nwo sɔ ɔ. Bɔ ɔkɔhora kole sɔ dwirɛ ne kɔto nu ne, maa ole to nu.”

Mateo 25:1

“Afei nyameɛso ahennie ne, yɛkɔfa yɛkɔto mmabunu buru biemɔ bɔ bɛfale bɛ nganea besili nu bɛhɔle kyɛ bɛkwaayia atɔmvorɛ biaa ne nwo.

Mateo 8:19

Na ahyerɛlɛniɛ bie wale oosele Yesu kyɛ, “Kyerɛkyerɛniɛ, nekaa biala bɔ ɛkɔhɔ ne, me ne wɔ yɛkɔhɔ.”

Yohane 10:27

Me mmoaen nemɔ bɛte me komvi, mese bɛ, na bedi me si.

Yohane 12:26

Sɛ ebie so me a, ɔsɛ kyɛ odi me si; na nekaa bɔ nwɔ ne, berɛ yeɛ me somvoɛ koso kɔwa ɔ; na ebiala bɔ ɔso me ne, me Baba kɔhyɛ ye animnyam.”

Yohane 13:37

Na Petro bisale ye kyɛ, “Awurade, nzu ati yeɛ mengɔhora mengoli wɔ si kekesaala ye ɔ? Ngɔfa me ngoa ngɔto berɛ ngɔma wɔ!”

Yohane 8:12

Yeɛ Yesu sele bɛ bieku kyɛ, “Me ole wiase kanea ne; ebiala bɔ oli me si ne, ɔngɔnate awosii nu le, na okonya ngoa kanea ne.”

Asomafoɛ 20:28

Yiti ɛ́mɔnea ɛmɔ nwo ne mmoaen amukoraa bɔ Sunzum Krongron afa bɛ awura ɛmɔ sa ne aso yé. Ɛ́mɔyɛ Nyameɛ asɔre ne bɔ ɔnate ye bɔbɔ Ɔwa ne mogya so nyane ye ne neafoɛ.

1 Korintofoɛ 16:15

Aliɛmaa mɔ, ɛmɔse Setefana ne ye abusuafoɛ nwo dwirɛ; bɛ yeɛ belili moa bɛyɛle agyidifoɛ wɔ Akaia ɔ, na batu bɛ nwo basie berɛ bama anwoteefoɛ solɛ.

1 Korintofoɛ 6:20

Bɛtɔle ɛmɔ nyɔboɛ serɛ. Yiti ɛ́mɔfa ɛmɔ nipadua bɛhyɛ Nyameɛ animnyam.

1 Korintofoɛ 7:28

Nakoso sɛ egya braa de a, ɛyyɔle bɔne, yeɛ sɛ ababunu koso gya biaa a, ɔyyɔle bɔne. Asetena nu dwirɛ fa asodie bɔ nu yɛ no ɔ to awarefoɛ so, na ɛhe yeɛ ahaa mekuro kyɛ ɔpa ɛmɔ ti ɔ.

2 Korintofoɛ 11:2

Nyameɛ nungunɛ ne bie yeɛ metwe wɔ ɛmɔ nwo ɔ. Ofikyɛ mafa ɛmɔ mabɔ asiwa mama biaa komapɛ, ye ole Kristo, na ngɔfa ɛmɔ ngɔma ye kyɛ ababunu bɔ ye nwo te ná onnwuni biaa le ɔ.

Ɛfesofoɛ 1:14

bɔ osi yɛ agyapadeɛ ne agyinayɛɛ ɔ. Na ɛhe te elelɛ bɔ wafa wale bɛ bɔ wafa bɛ wayɛ ye deɛ wama ye animnyam ayɛyelɛ ne.

Ɛfesofoɛ 5:27

kyɛbɔ okosiesie asɔre ne animnyam nu kɔma ye nwo, bɔ ngekalewa anaa ɛpombonɛ, anaa nikyee fiɛ biala nne ye nwo, na mmom wayɛ krongron bɔ mvomsoɛ nne ye nwo ɔ.

1 Timoteo 4:3

Bɛ yeɛ bɛbera agyaa, ná bɛhyɛ kyɛ sona otua aleɛ bɔ Nyameɛ bɔle kyɛ bɛ bɔ bede bedi, ná banwu nahorɛ ne bɛfa asennaa beli ɔ.

Hebrifoɛ 12:23

Ɛmɔawa Nyameɛ bamuɛbaa nemɔ bɔ bahyerɛ bɛ dumaa wɔ nyameɛso ne bɛ nyianu, ɔne Nyameɛ bɔ ɔte adasa mukoraa ndɛenbualɛniɛ ne berɛ, ɔne teneneefoɛ sunzum bɔ bali mu bayie nemɔ berɛ.

Yakobo 1:18

Ɔnate ye bɔbɔ ye pɛ so yeɛ ɔfale nahorɛ dwirɛ ne wole yɛ ɔ, kyɛ yɛyɛ ye abɔdeɛ ne anu nikyee bɔ oli moa ɔ.

1 Petro 2:9

Nakoso ɛmɔ de, ɛmɔte mmenia bɔ baneanea nu baye ɛmɔ ɔ, nnehyeɛ asɔfokure, maen krongron, maen bɔ wafa ye wayɛ ye deɛ ɔ, kyɛ ɛmɔɔbɔ bɔ ɔfrɛle ɛmɔ fili awosii nu wale ye kanea bɔ ɔyɛ nwanwa ne anu ne, ye ayɛyelɛ ne dawure.

Nyekyire 17:14

Bɛkɔfa koɛ bɛkɔteta Boaen Ba ne, na Boaen Ba ne koli bɛ so ngonim; ofikyɛ ɔte meneɛ mɔ nu Meneɛ ne ahemvo mɔ nu Hene; na bɛ bɔ bɛboka ye so ne, wafrɛ bɛ, waneanea nu waye bɛ, na bedi nahorɛ.”

Nyekyire 21:22

Na mannwu asɔneyɛɛ sua biala wɔ kuro ne anu, ofikyɛ Tuminiɛ Awurade Nyameɛ ne Boaen Ba ne yeɛ bɛte nu asɔneyɛɛ sua ɔ.

Nyekyire 21:23

Na kuro ne nhia kyɛ eyia kɔbɔ nu anaa ɛsraen kɔta nu ɔ, ofikyɛ Nyameɛ animnyam ta wɔ nu, na Boaen Ba ne yeɛ ɔte ye kanea ɔ.

Nyekyire 3:4

Nakoso ele mmenia kãa bie wɔ Sadise bɔ bɛ de begguale b’ataadeɛ nwo fiɛ ɔ; na bɛne me kɔnate bɔ bewura ndaadeɛ fufuɛ ɔ, ofikyɛ bɛfata sɔ.

Nyekyire 5:9

Na bɛtole dwein foforɛ bie kyɛ, “Ɛfata kyɛ ede nwomaa bɔ babobɔ ne ná ebukye ye nzɔanoɛ nemɔ ɔ; ofikyɛ behuni wɔ, na afa wɔ mogya atɔ adasa mmaa ama Nyameɛ afi mmusua kure ne edwudwolɛ ne mmenia ne maen biala nu,