Nyekyire 14:3 - AHYERƐLƐ KRONGRON

³ Na bɛtole edwein foforɛ bie wɔ ahennie bia ne ne abɔdeɛ teasefoɛ nna ne ne mbanyi nemɔ nyunu. Na ebiala angora anzua sɔ dwein ne, sana apee sɔ alaa ɛyaa ko ne aburanna ne nna ne bɔ bale bɛ ngoa bafi aseɛ so ne angome.

Nyekyire 14:3 Iomraidhean Croise

Edwein 144:9

Ao Nyameɛ, ngɔto edwein foforɛ ngɔye wɔ ayɛ; sangoo bɔ ye nyamaa buru yeɛ ngɔbɔ ngɔye wɔ ayɛ ɔ.

Edwein 149:1

Ɛ́mɔye AWURADE ayɛ! Ɛ́mɔto dwein foforɛ bɛ́ye AWURADE ayɛ, ye nwo ayɛyelɛ dwein wɔ anwoteefoɛ badwa nu.

Edwein 25:14

AWURADE ne bɛ bɔ besuro ye ne yeɛ betu asure ɔ, na ɔye ye apam ne ali kyire bɛ.

Edwein 33:3

Ɛ́mɔto ye nwo edwein foforɛ; ɛ́mɔbɔ sangoo ne yé, ná ɛ́mɔtea nu bɛ́to dwein.

Edwein 40:3

Ɔfale edwein foforɛ tuale me noa, ɔte yɛ Nyameɛ nwo ayɛyelɛ dwein. Mmenia pee konwu ye ná basuro, ná bafa bɛ wora bawura AWURADE nu.

Edwein 96:1

Ao, ɛ́mɔto dwein foforɛ bɛ́ye AWURADE ayɛ; aseɛ so ama amukoraa, ɛ́mɔto dwein bɛye AWURADE ayɛ.

Edwein 98:1

Ao, ɛ́mɔto dwein foforɛ bɛ́ye AWURADE ayɛ, ofikyɛ wayɛ anwanwadeɛ mɔ, Ye anwoserɛ asaa ne ye sa krongron ne yeɛ wafa wali ngonim ɔ.

Yesaya 42:10

Ɛmɔ bɔ ɛmɔkɔ ɛpo, ɔne ɛpo nu nningyein amukoraa, yeɛ supɔ mɔ nu ama, ɛ́mɔto dwein foforɛ bɛ́ye AWURADE ayɛ, ɛ́mɔto ye ayɛyelɛ dwein ne béfi ewiase noa dɔ paa.

1 Korintofoɛ 1:18

Kristo mmeamudua ne nwo dwirɛ te ngwaseasɛm ma bɛ bɔ bɛwɔ so bemini ne, nakoso ɔte Nyameɛ tumi ma yɛ bɔ ogu so ode yɛ ngoa ne.

1 Korintofoɛ 2:14

Ebiala bɔ Nyameɛ Sunzum nne ye nu ne, onnya akyɛdeɛ bɔ befi Sunzum ne berɛ ne, ofikyɛ akyɛdeɛ ne te sɔ sona ne nye so ngwaseasɛm; yeɛ ɔngora nde bɛ bo koso, ofikyɛ Sunzum ne yeɛ ɔboka sona maa ɔte akyɛdeɛ ne bo ɔ.

Nyekyire 14:1

Afei ndole me nye, na yieee, né Boaen Ba ne gyi Sion bokaa ne aso. Na bɛ bɔ bɛboka ye so ne bɛte apee sɔ alaa ɛyaa ko ne aburanna ne nna, bɔ bahyerɛ ye dumaa ne ye Baba dumaa wɔ bɛ nwoma so ɔ.

Nyekyire 15:3

Né bɛto Nyameɛ akoaa Mose dwein ne Boaen Ba ne dwein kyɛ, “Tuminiɛ Awurade Nyameɛ, wɔ nnwumaa te mbiri mbri na ɔyɛ nwanwa. Maen maen mɔ Hene, w’atee tengyɛ, na ɔte nahorɛ.

Nyekyire 2:17

Bɔ ole asoɛ ne, maa otie bɔ Sunzum ne kã kyire asɔre nemɔ ne: Bɔ odi ngonim ne, ngɔma ye mvealeɛ nu mana ne bie maa okoli, na ngɔma ye nyɔboɛ fufue, na nyɔboɛ ne aso yeɛ bahyerɛ dumaa foforɛ bɔ ebiala nze bagua ɔ, sana sona bɔ onya ye ne angome.’

Nyekyire 5:9

Na bɛtole dwein foforɛ bie kyɛ, “Ɛfata kyɛ ede nwomaa bɔ babobɔ ne ná ebukye ye nzɔanoɛ nemɔ ɔ; ofikyɛ behuni wɔ, na afa wɔ mogya atɔ adasa mmaa ama Nyameɛ afi mmusua kure ne edwudwolɛ ne mmenia ne maen biala nu,

Nyekyire 7:4

Na bɛ bɔ bafa nzɔanoɛ bahyɛ bɛ nzorɛ ne, ndele bɛ somaa: Apee sɔ alaa ɛyaa ko aburanna ne nna yeɛ bɛfale nzɔanoɛ bɛhyɛle bɛ nzorɛ befili Yisrael mma mmusua kure amukoraa nu ɔ.