Nyekyire 14:18 - AHYERƐLƐ KRONGRON

¹⁸ Na abɔfo foforɛ bɔ ole see so tumi ɔ ofili afɔleɛ bokyea ne anu fitele, na ɔfale komviɛ kandinga teane nu hyirele bɔ otira dadeɛ koateɛ nnaennaen ne kyɛ, “Fa wɔ dadeɛ koateɛ nnaennaen ne tete aseɛ so bobe mmaa biribiraa ne, ofikyɛ ye mma ne aboro.”

Nyekyire 14:18 Iomraidhean Croise

Yoel 3:13

Ɛmɔ, ɛ́mɔfa dadeɛ koateɛ bɛhɔ, ofikyɛ buberɛ ne adwu; ɛ́mɔdwu bɛhɔ nu, ofikyɛ nekaa bɔ betwi nzaa ne wayi; angora nemɔ bayi babu bafa so, ofikyɛ b’amumuyɛɛ ne te piri.

Marko 4:29

Nakoso sɛ mmaa ne ti a, berɛ ne ala kuaniɛ ne fa ye dadeɛ koateɛ kobu, ofikyɛ ye bulɛ mmerɛ adwu.”

Nyekyire 16:7

Na ndele komviɛ bie bɔ ofi afɔleɛ bokyea ne anu kyɛ, “Amba, O Tuminiɛ Awurade Nyameɛ, wɔ ndɛenbualɛ te nahorɛ na ɔtengyɛ.”

Nyekyire 16:8

Na abɔfo bɔ ɔtɔ so nna ne hwiele bɔ ɔwɔ ye kulie ne anu guale eyia so; na bɛmane ye see tumi kyɛ ɔbɔ gyireingyirein ɔyera mmenia.

Nyekyire 8:3

Na abɔfo foforɛ bɔ otira sikaa kɔkorɛ ɛyɛɛ kulie ɔ oogyinane afɔleɛ bokyea ne anwo; na bɛmane ye ɛyɛɛ pee kyɛ ɔfa boka anwoteefoɛ amukoraa mbaeɛ so ɔbɔ afɔleɛ, wɔ sikaa kɔkorɛ afɔleɛ bokyea bɔ ɔwɔ ahennie bia ne nyunu ne aso.