Nyekyire 14:15 - AHYERƐLƐ KRONGRON

¹⁵ Na abɔfo foforɛ bie fili asɔneyɛɛ sua ne anu fitele, na ɔfale komviɛ kandinga teane nu hyirele bɔ ɔte munungum ne aso ne kyɛ, “Fa wɔ dadeɛ koateɛ ne ná tete, ofikyɛ nnɔbaeɛ telɛ adwu, na aseɛ so nnɔbaeɛ aboro.”

Nyekyire 14:15 Iomraidhean Croise

Gyenesise 15:6

Abram lele AWURADE lili, yiti AWURADE buli sɔ nikyee ne kyɛ ɔtengyɛ wɔ ye nyunu.

Yesaya 62:1

Sion ti mengɔhã me noa mengɔto nu, yeɛ Yerusalem ti mengɔyɛ konn, kɔpem kyɛ ye bebualɛ kopukye kyɛ alehyeleɛ kanea, ɔne kyɛ ye ngoalelɛ kopukye kyɛ ɛtɛen bɔ ogye ɔ.

Yeremia 51:33

Ofikyɛ Asafo AWURADE Yisrael Nyameɛ nwa: Babilɔn awa brasua te kyɛ nekaa bɔ bɛboro aburoo ɔ, mmerɛ bɔ betiatia ye so ɔ, nakoso ɔngɔhyɛ biala, né ye buberɛ ne wadwu.”

Yoel 3:13

Ɛmɔ, ɛ́mɔfa dadeɛ koateɛ bɛhɔ, ofikyɛ buberɛ ne adwu; ɛ́mɔdwu bɛhɔ nu, ofikyɛ nekaa bɔ betwi nzaa ne wayi; angora nemɔ bayi babu bafa so, ofikyɛ b’amumuyɛɛ ne te piri.

Mateo 13:30

Ɛ́mɔma bɛ munyɔ benyi bɛbɔ nu maa oodwu ye telɛ mmerɛ ne. Na ye telɛ mmerɛ ne yeɛ ngose mmenia bɔ bɛte ne kyɛ: Ɛ́mɔli moa betutu ngyɛngyɛma ne, ná ɛmɔkyekye bɛ tiretire bɛyera bɛ; nakoso atokoɔ ne de, ɛ́mɔboaboa ye noa bɛ́fa beegua me pata so.’ ”

Mateo 13:39

Pɔfoɛ bɔ oluale ne ole abɔnzam; ye telɛ mmerɛ ne ole ewiase ayieleɛ, na bɛ bɔ bɛte ne ole abɔfo mɔ.

Mateo 23:32

Ɛmɔ nana mɔ b’asusudeɛ ne, ɛmɔ koso ɛmɔhɔ so bewura ma oyi tɛkyɛ!

Marko 4:29

Nakoso sɛ mmaa ne ti a, berɛ ne ala kuaniɛ ne fa ye dadeɛ koateɛ kobu, ofikyɛ ye bulɛ mmerɛ adwu.”

1 Tɛsalonikafoɛ 2:16

Na bɛberale yɛ kyɛ nnɛmaa yɛkã edwirɛ ne yɛkyire Amaenmaensofoɛ maa benya daa ngoa. Na ɛhe ma bɛ bɔne kwangoa ne oyi tɛkyɛ daa, ofikyɛ Nyameɛ ahonehulɛ ne wanya wawa bɛ so wayie!

Nyekyire 11:19

Afei bebukyele Nyameɛ asɔneyɛɛ sua ne wɔ nyameɛso, na benwuni ye apam alaka ne wɔ asɔneyɛɛ sua ne anu. Na agralaa tetele, komviɛ mɔ, ɔbobɔle nu kurudududu, aseɛ wosole, na asukɔtwea tɔle piri paa.

Nyekyire 13:12

Na ɔfa kaka bɔ oli moa n’anwoserɛ amukoraa yɔ ye nnwumaa, na ɔma aseɛ ne bɛ bɔ bɛte so ɔ bɛkoto kaka bɔ oli moa bɔ ye puralɛ kena ahɔ ne.

Nyekyire 14:14

Afei nneane, na yieee, munungum fufue bie, na ebie bɔ ɔte so ɔ ɔte kyɛ Sona Awa ne, bɔ sikaa kɔkorɛ abotire bɔ ye, ná otira dadeɛ koateɛ nnaennaen bi ɔ.

Nyekyire 14:16

Na bɔ ɔte munungum ne aso ne hwene ye dadeɛ koateɛ ne siele aseɛ so, na ɔtele aseɛ so nnɔbaeɛ nemɔ.

Nyekyire 14:17

Na abɔfo foforɛ fili nyameɛso asɔneyɛɛ sua ne anu fitele, na né ye koso otira dadeɛ koateɛ nnaennaen bie.

Nyekyire 14:18

Na abɔfo foforɛ bɔ ole see so tumi ɔ ofili afɔleɛ bokyea ne anu fitele, na ɔfale komviɛ kandinga teane nu hyirele bɔ otira dadeɛ koateɛ nnaennaen ne kyɛ, “Fa wɔ dadeɛ koateɛ nnaennaen ne tete aseɛ so bobe mmaa biribiraa ne, ofikyɛ ye mma ne aboro.”

Nyekyire 15:6

Na abɔfo nzoo nemɔ bɔ betiratira ɛhawo nzoo ne, befili asɔneyɛɛ sua ne anu befitele, bɔ né bewurawura nwera fufue hyɛnn, ná bafa sikaa kɔkorɛ abɔsoɛ babobɔ b’afia ɔ.

Nyekyire 16:17

Na abɔfo bɔ ɔtɔ so nzoo ne hwiele bɔ ɔwɔ ye kulie ne anu guale mvrama nu. Na komviɛ piri bie fili asɔneyɛɛ sua ne anu, fili ahennie bia ne anu, kyɛ, “Wayie!”

Nyekyire 6:10

Na bɛteane nu serɛserɛ kyɛ, “O, Awurade Tuminiɛ, Krongronniɛ ne Nahorɛniɛ, engobua ndɛen, yeɛ ɛngɔtɔ bɛ bɔ bɛte aseɛ so wereɛ wɔ yɛ mogya nwo maa okoodwu kyinzu?”