Nyekyire 14:14 - AHYERƐLƐ KRONGRON

¹⁴ Afei nneane, na yieee, munungum fufue bie, na ebie bɔ ɔte so ɔ ɔte kyɛ Sona Awa ne, bɔ sikaa kɔkorɛ abotire bɔ ye, ná otira dadeɛ koateɛ nnaennaen bi ɔ.

Nyekyire 14:14 Iomraidhean Croise

Edwein 21:3

Ofikyɛ ɛfa saleɛ kandinga yia ye, na ɛfa esikaa kɔkorɛ paa abotire bɔ ye.

Edwein 97:2

Munungum ne awosii kabii bapɛ ye nwo bayia; tenenee ne ndɛenbualɛ turoloo, bɛte ye ahennie bia nyinasoɛ.

Yesaya 19:1

Misraim nwo nyekyire. Tie, AWURADE te munungum bɔ ye nwo yɛ nyera ɔ so ɔ́ba Misraim. Misraim mmosoen mɔ nwo kɔhã bɛ tɛtɛtɛtɛ wɔ ye nyunu, na ahunundetelɛ kɔtɔ Misraim so.

Hesekiel 1:26

Nikyee tɛtrɛtɛɛ bɔ ɔwɔ bɛ ti so anwuro ne, né nikyee bie bɔ osoma ahennie bia bɔ bafa nyɔboɛ bɔ osoma safire bayɔ ɔ ɔwɔ ye ti so anwuro. Na nikyee bɔ osoma ahennie bia ne, né nikyee bie bɔ ye sue te kyɛ sona ɔ ɔwɔ so anwuro.

Daniel 7:13

Kɔngɔen nu nyekyire nemɔ anu, nwuni ebie bɔ ɔte kyɛ Sona Awa, kyɛ ɔnate nyameɛso munungum nu ɔba ɔ, ɔhɔle Bɔ Ɔwɔ Berɛ Fi Tetetete ne nwo berɛ, na bɛmaa ɔhɔle ye nyunu berɛ.

Mateo 13:30

Ɛ́mɔma bɛ munyɔ benyi bɛbɔ nu maa oodwu ye telɛ mmerɛ ne. Na ye telɛ mmerɛ ne yeɛ ngose mmenia bɔ bɛte ne kyɛ: Ɛ́mɔli moa betutu ngyɛngyɛma ne, ná ɛmɔkyekye bɛ tiretire bɛyera bɛ; nakoso atokoɔ ne de, ɛ́mɔboaboa ye noa bɛ́fa beegua me pata so.’ ”

Mateo 17:5

Ogu so odwudwo ne ala, yieee, munungum hyɛnhyɛnn bie ɔɔkatale bɛ so, na edwudwolɛ bie fili munungum ne anu hane kyɛ, “Mma bɔ ɔla m’ahone nwo ná me nye gye ye nwo paa ne ɛhe; ɛ́mɔtie ye!”

Marko 4:29

Nakoso sɛ mmaa ne ti a, berɛ ne ala kuaniɛ ne fa ye dadeɛ koateɛ kobu, ofikyɛ ye bulɛ mmerɛ adwu.”

Luka 21:27

Na afei mmenia konwu Sona Awa ne kyɛ ole tumi ne animnyam piri ɔ́ba wɔ munungum nu ɔ.

Hebrifoɛ 2:9

Nakoso yɛnwu Yesu kyɛ, (mmerɛ kãa bie anu) Nyameɛ maa ɔhɔle ase kãa trale abɔfo mɔ, amaa ɔnate Nyameɛ adom ti wawu wama adasa mukoraa. Na ɔnate ye wue bɔ owuli ne ati, Nyameɛ afa animnyam ne anidie wabɔ ye abotire.

Nyekyire 1:13

na kanea bakaa nemɔ b’afia ne, nwuni ebie bɔ ɔte kyɛ Sona Awa ne, bɔ owura ataadeɛ tendenn, bɔ wafa sikaa kɔkorɛ abɔsoɛ wabɔ ye afia ɔ.

Nyekyire 1:7

Ɛmɔnea! Ɔnate munungum nu ɔ́ba, anyeɛ biala konwu ye, yeɛ bɛ bɔ bɛwɔle ye pealɛɛ ne po bekonwu ye; na ɔnate ye ti aseɛ so mmusua kure amukoraa bɛkɔbɔ awuye. Na sɔ ala yeɛ okosi ɔ. Amen.

Nyekyire 10:1

Afei nwuni abɔfo foforɛ anwoserɛniɛ bie kyɛ ofi nyameɛso odwu ba ase; né wafa munungum wahera, nyangondoen wɔ ye ti so, ye nyunu te kyɛ eyia, na ye gya te kyɛ see bonima.

Nyekyire 11:17

na bɛhane kyɛ, “Yɛfa asennaa yɛma wɔ, O Tuminiɛ Awurade Nyameɛ bɔ ɛwɔ berɛ, ná ɛwɔ berɛ fi tetetete ɔ, ofikyɛ afa wɔ tumi pirikua ne, na ali hene.

Nyekyire 19:12

Ye nye mmaa te kyɛ see bɔ ogye ɔ, na ahennie abotire pee bobɔ ye ti; na né ole dumaa bie bɔ bahyerɛ bɔ ebiala nze ɔ, sana ye bɔbɔ.

Nyekyire 20:11

Afei nwuni ahennie bia fufue pirikua bie ɔne bɔ ɔte so ne, bɔ aseɛ ne nyameɛso nwati fili ye nyunu ne; na bannya nekaa bamma bɛ.

Nyekyire 6:2

Nneane, na nwuni pɔngɔ fufue bie. Na bɔ ɔte ye so ne, né otira agyaen; na bɛmane ye abotire, na ofili berɛ hɔle oolili ngonim, na ɔhɔle so lili ngonim.