Nyekyire 14:13 - AHYERƐLƐ KRONGRON

¹³ Na ndele kyɛ komviɛ bie fi nyameɛso odwudwo kyire me kyɛ, “Kyerɛ ɛhe: ‘Awufoɛ bɔ bewu Awurade nu fi kekesaala ye bɔ ɔkɔ ne, banya saleɛ.’ ” Na Sunzum ne nwa, “Amba, bekole bɛ nwome wɔ bɛ fɛɛ nwo, ofikyɛ bɛ nnwumaa li bɛ si.”

Nyekyire 14:13 Iomraidhean Croise

Edwein 19:11

Afei koso, ɔnate so yeɛ ɛbɔ wɔ somvoɛ kɔkɔ ɔ; na sona di so a, onya akatuaa piri.

Edwein 85:13

Tenenee koli ye nyunu, na ɔkɔbɔ atimbire bɔ ɔkɔfa so ɔ kɔma ye.

Yesaya 35:10

Bɛ bɔ AWURADE apɔ bɛ wafi ngoaasolɛ nu ne, bekosa bɛkɔwa, bɛkɔfa edweintolɛ yeɛ bɛkɔwa Sion ɔ, bekonya anigye bɔ olle ayieleɛ ɔ, bɛ nye kɔgye, bekoli ahurusi, na aworabɔlɛ ne yealɛlilɛ kotu komini.

Daniel 12:13

Nakoso wɔ de, kɔ w’atee maa oodwu ayieleɛ ne; ekole wɔ nwome, na ayieleɛ mmerɛ ne dwu a, ekodwɔso konya wɔ kyɛfa bɔ bahyehyɛ bato berɛ bama wɔ ne.”

Mateo 3:17

na yieee, edwudwolɛ bie fili nyameɛso wale kyɛ, “Mma bɔ ɔla m’ahone nwo ná me nye gye ye nwo paa ne ɛhe.”

Luka 16:25

“Nakoso Abraham sele ye kyɛ, ‘Mma, kaye kyɛ mmerɛ bɔ né ɛte ase ne, elili wɔ mmerɛ, na Lasarɔso de, onwuni amaneɛ; nakoso kekesaala ye de, ye wora akyekye, na wɔ koso de, wɔ nwo yerayera wɔ.

Luka 16:9

Na mekã mekyire ɛmɔ kyɛ, ɛmɔ de, ɛ́mɔfa anwonyadeɛ fiɛ ne so bie bénya abiɛngoɛ mɔ, amaa sɛ ohia ɛmɔ a, bafa ɛmɔ bahɔ atenaleɛ afebɔɔ nemɔ anu.

Romanfoɛ 14:8

Na sɛ yɛte ase a, yɛte yɛma Awurade, yeɛ yɛwu koso a, yɛwu yɛma Awurade. Yiti sɛ yɛte ase oo, sɛ yɛwu oo, yɛte Awurade deɛ.

1 Korintofoɛ 15:18

Né nzaade Kristo nu agyidifoɛ koso bɔ balela ne bamini.

1 Korintofoɛ 15:20

Nakoso ɔte nahorɛ kyɛ batingye Kristo bafi ewue nu amaa wayɛ bɛ bɔ balela ne anu bakaa mmaa bɔ oli moa ɔ.

1 Korintofoɛ 15:58

Yiti nniɛma mɔ, ɛmɔgyina pindinn, nnɛma ɛmɔhimhim, na daa biala ɛmɔhɔ so bɛyɔ Awurade adwuma, ofikyɛ ɛmɔse kyɛ ɛmɔ fɛɛ wɔ Awurade adwuma nu ngɔyɛ mbaen.

2 Korintofoɛ 5:8

Yɛle anyelasoɛ, na yɛkuro kyɛ yɛfi sɔ anwoɔnaen he anu ná yɛne Awurade yaatena.

Filipifoɛ 2:17

Na sɛ ɔba kyɛ behwie me begua kyɛ afɔlebɔdeɛ wɔ ɛmɔ gyidie solɛ nwo a, ɔyɛ me fɛ, na me ne ɛmɔ amukoraa yɛdi ahurusi.

1 Tɛsalonikafoɛ 4:14

Na sɛ yɛde yɛdi kyɛ Yesu wuli ná osa tingyele de a, nzaade Nyameɛ kɔfa bɛ bɔ balela nemɔ kɔfa Yesu so kɔboka ye so kɔwa.

1 Tɛsalonikafoɛ 4:16

Ofikyɛ Awurade bɔbɔ kɔfa esebɔlɛ, abɔfo panyi komvi ne Nyameɛ totorobɛndo komvi kofi nyameɛso kodwu kɔwa, na Kristo nu awufoɛ bekoli moa bekodwɔso,

1 Tɛsalonikafoɛ 5:10

Ye yeɛ owu mane yɛ ɔ, amaa sɛ yɛte ase oo, yɛwu oo, yɛne ye yaatena.

1 Timoteo 5:24

Mmenia biemɔ bɛ bɔne la dwaaso, na odi bɛ nyunu kɔ ndɛenbualɛ nu; nakoso ebiemɔ deɛ de, ɔda ali nziɛ ye.

1 Timoteo 5:25

Na sɔ ala yeɛ nnwumaa paa bɛda ali pefee ɔ, na sɛ banna ali po a, bɛngora bɛmvea.

Nyekyire 1:11

“[Me ole Alfa ne Omega ne, ahyɛaseɛ ne ayieleɛ ne.] Kyerɛ bɔ enwu ye ne gua nwomaa nu, ná fa kɔma asɔre nzoo nemɔ, fa kɔ Ɛfeso, Simina, Pɛgamɔm, Tiatira, Sadise, Filadɛɛfia ne Laodikea.”

Nyekyire 10:4

Na agralaa nzoo ne bobɔle nu kurudududu nen, nyɛle kyɛ mekyerɛ, nakoso ndele kyɛ komviɛ bie fi nyameɛso ɔkã kyire me kyɛ, “Edwirɛ bɔ agralaa kurudududu nzoo nemɔ bahã ne, sɔ ye noa, na nnɛkyerɛ.”

Nyekyire 11:15

Na abɔfo bɔ ɔtɔ so nzoo ne huli ye totorobɛndo ne, na komviɛ mbiri mbiri bobɔle nu wɔ nyameɛso kyɛ, “Ewiase ahennie wayɛ yɛ Awurade ne ye Kristo ne deɛ, na okoli hene afebɔɔ.”

Nyekyire 11:19

Afei bebukyele Nyameɛ asɔneyɛɛ sua ne wɔ nyameɛso, na benwuni ye apam alaka ne wɔ asɔneyɛɛ sua ne anu. Na agralaa tetele, komviɛ mɔ, ɔbobɔle nu kurudududu, aseɛ wosole, na asukɔtwea tɔle piri paa.

Nyekyire 16:17

Na abɔfo bɔ ɔtɔ so nzoo ne hwiele bɔ ɔwɔ ye kulie ne anu guale mvrama nu. Na komviɛ piri bie fili asɔneyɛɛ sua ne anu, fili ahennie bia ne anu, kyɛ, “Wayie!”

Nyekyire 19:9

Na osele me kyɛ. “Kyerɛ ɛhe: Bɛ bɔ bato bɛ sa bafrɛ bɛ kyɛ bɛbra Boaen Ba n’atɔmvorɛ poentolɛ bo ne, banya saleɛ.” Na osele me kyɛ, “Ɛhemɔ te Nyameɛ noa dwirɛ bɔ ɔte nahorɛ ɔ.”

Nyekyire 2:1

“Kyerɛ kɔma Ɛfeso asɔre ne anu abɔfo ne kyɛ: Bɔ otira nzramaa nzoo wɔ ye sa famaa nu, bɔ ɔnate sikaa kɔkorɛ kanea bakaa nemɔ b’afia ne, ye noa dwirɛ ɛhe:

Nyekyire 2:7

Bɔ ole asoɛ ne, maa otie bɔ Sunzum ne kã kyire asɔre nemɔ ne: Bɔ odi ngonim ne, ngɔma ye ngoa bakaa bɔ ogyi Nyameɛ Paradise ne anu mma maa okoli.

Nyekyire 20:6

Na ebiala bɔ ɔboka ewutingyelɛ bɔ oli moa ne aso ne, wanya saleɛ, na ɔte krongron. Sɔ mmenia ne, ewue bɔ ɔtɔ so nyɔ ne olle bɛ so tumi, na mmom bɛkɔyɛ Nyameɛ ne Kristo asɔfo, na bɛne ye koli hene afoɛ apee ko.

Nyekyire 21:5

Na bɔ ɔte ahennie bia ne aso ne hane kyɛ, “Tie! Meyɔ nningyein mukoraa foforɛ.” Na osa sele me kyɛ, “Kyerɛ ɛhe, ofikyɛ edwirɛ hemɔ te turoloo ne nahorɛ.”

Nyekyire 22:17

Na Sunzum ne ne atɔmvorɛ braa ne nwa, “Bra!” Ma ebiala bɔ ɔte ne ɔhã kyɛ, “Bra!” Ma ebiala bɔ nzuhɔen ku ye ne ɔbra. Ma ebiala bɔ okuro ne oole ngoa nzue ne mbaen.

Nyekyire 6:11

Yeɛ bɛmane bɛ nu ko biala ataadeɛ fufue, na besele bɛ kyɛ bɛnwondɛ mmerɛ kãa bie bieku, ma oodwu kyɛ bɛ mmango asomvoɛ ne b’eliɛma mɔ bɔ bekohũhũ bɛ kyɛ bɛ koso ala ne bɛ somaa ɔkɔsõ ɔ.