Nyekyire 14:10 - AHYERƐLƐ KRONGRON

¹⁰ sɔ sona ne koso kɔno Nyameɛ ahonehulɛ nzaa bɔ wahwie ye gyengɔgyengɔ wagua ye yaafɛlɛ kulie nu ne bie; na bɛkɔteetee ye wɔ see ne sɔfe nu wɔ abɔfo krongron mɔ nyunu ne Boaen Ba ne nyunu.

Nyekyire 14:10 Iomraidhean Croise

Gyenesise 19:24

Na afei AWURADE tɔle sɔfe ne see fili anwuro guale Sodom ne Gomora so.

YOB NWOMAA NE 18:15

Ebiala kora tena nu, ofikyɛ nna ye awuro ahɔ ko, na bɛfa sɔfe bɛpetepete berɛ.

YOB NWOMAA NE 21:20

Mesrɛ kyɛ ye bɔbɔ ye nye onwu musue bɔ ɔkɔto ye ɔ, mesrɛ kyɛ onwu amaneɛ wɔ Tuminiɛ ne ye ɛyaafɛlɛ nu.

Edwein 11:6

Ɔkɔtɔ see ne sɔfe kogua bɔnefoɛ so; mvrama hyerɛhyerɛ yeɛ ɔkɔfa kotua bɛ kerɛ ɔ.

Edwein 37:34

Ma wɔ nye la AWURADE so, ná nate ye atee so, na ɔkɔpagya wɔ maa aseɛ ne kɔyɛ w’agyapadeɛ; na wɔ nye konwu kyɛbɔ bɔnefoɛ bɛ boso onua ɔ.

Edwein 52:6

Teneneefoɛ konwu ye kɔma bɛ nwo kodwiri bɛ, bɛkɔsere bɔnefoɛ ná bahã kyɛ,

Edwein 60:3

Ama amaneɛ paa yeɛ wato wɔ maen ɔ, ama yɛ nzaa maa yano bɔ yɛnate fofalifofali ɔ.

Edwein 73:10

Ɔnate sɔ ati, bɛ mmenia fa bɛ nwo kɔbɔ bɛ, na benya bɛ nwo bedidi.

Edwein 75:8

Ofikyɛ AWURADE tira kwangoa bie wɔ ye sa nu, bɔ nzaa bɔ ye noa yɛ hye, bɔ opu ahure wɔ nu ɔ; okohwie nzaa ne bie, na wiase bɔnefoɛ amukoraa bɛkɔno bekotu ye bo.

Edwein 91:8

Wɔ nye mbaen yeɛ ɛkɔfa kɔnea ɔ, na ekonwu bɔnefoɛ b’akatuaa.

Yesaya 29:9

Ɛ́mɔma ɔyɛ ɛmɔ nwanwa ná ɛmɔ nwo dwiri ɛmɔ, Ɛ́mɔmuamua ɛmɔ nye ma ɛmɔ nye si! Babobo, nakoso nna nzaa yeɛ bano ɔ, Bɛnate fofalifofali, nakoso nna nzaa serɛ yeɛ bano ɔ.

Yesaya 30:33

Ofikyɛ, ofi tetetete yeɛ wasiesie kumaa bɔ bɛyera fofoɛ nu ɔ, wasiesie wama Asiria hene, nu te kuronn, ɔtrɛ, na see ne eyein pee wɔ nu. Na AWURADE nwomeɛ bɔ ɔte kyɛ sɔfe bɔ ɔtengyɛ kɔ ne yeɛ ɔmaa ɔsɔ ɔ.

Yesaya 34:9

Edom asue mmaa mmaa kɔkakyi amena pikaa, ye nnɛterɛ kɔkakyi sɔfe, na ye aseɛ ne kɔkakyi amena bɔ see la nu ogye ɔ.

Yesaya 51:17

Kanyane wɔ nwo, kanyane wɔ nwo! O Yerusalem, dwɔso! Wɔ bɔ ano AWURADE sa nu ɛyaafɛlɛ kulie ne noa, kulie bɔ ɔmaa bɛbo tendaenn ne, wɔ bɔ ano nu atu ye bo ne.

Yeremia 25:27

“Na ekose bɛ kyɛ, ‘Asafo AWURADE, Yisrael Nyameɛ nwa nyoo: Ɛ́mɔno ná ɛ́mɔbobo, ná ɛ́mɔfefe béfifi ase bɔ ɛmɔngodwɔso ko ɔ, ɔnate ngrandɛ bɔ ngɔfa ngɔwa ɛmɔ nu ne ati.’

Yeremia 49:12

Na AWURADE nwa nyoo, “Tie, sɛ bɛ bɔ ahaa onni kyɛ bɛno sɔ kwangoa ne (anoa) po bano amba a, né aso wɔ de ɛkɔfa wɔ nwo koli anaa? Ɛngɔfa wɔ nwo ngoli, na mmom amba, ɛkɔno kwangoa ne (anoa).

Yeremia 51:57

Na ngɔma ye atitire mɔ, ye nworɛfoɛ, ye safohene mɔ, ye maen mbanyi mɔ ne ye koɛhonɛfoɛ mɔ bɛkɔbobo, bɛkɔla nnaa afebɔɔ, na bengotingye. Ɛhene bɔ ye dumaa ole Asafo AWURADE ne, ye noa dwirɛ ɛne.

Awuye 4:21

Ao Edom awa brasua, wɔ bɔ ɛte Yuse aseɛ so ɔ, di ahurusi, ná ma wɔ nye gye. Nakoso, wɔ koso, kulie ne kɔpɛ nu kɔwa wɔ so, ɛkɔbo, na ɛkɔye wɔ nwo kɔto so.

Hesekiel 20:48

Na anwoɔnaen mukoraa konwu kyɛ me, AWURADE yeɛ ndole nu see ɔ, na see ne ngonua.”

Hesekiel 38:22

Ngɔfa ewue anwonyerɛ ne mogya yeɛ ngɔtea ye ɔ; na ngɔtɔ esue kandinga paa, asukɔtwea kungumaboɔ, see ne sɔfe yeɛ ngogua ye ne ye lɔen ɔne ye maen worawora bɔ bɛboka ye so ne aso ɔ.

Habakuku 2:16

Animguaseɛ yeɛ wabia wɔ ɔ, nna animnyam ɔ; wɔ koso, no nzaa bo ma wɔ bienzua bɔ bambɛ ne ɔla so. AWURADE sa famaa nu kwangoa kɔkakyi kɔwa wɔ so, na animguaseɛ kɔkata w’animnyam ne aso.

Mateo 20:22

Nakoso Yesu buale kyɛ, “Ɛmɔnze bɔ ɛmɔbisa ɔ. Kulie bɔ mebaano (ye noa) ne, aso ɛmɔkɔhora bɛkɔno anaa? [Yeɛ, asubɔlɛ bɔ bɛbaafa bɛbɔ me ne, ɛmɔkɔhora maa bɛkɔfa ebie bɛkɔbɔ ɛmɔ anaa?”] Na bebuale ye kyɛ, “Yɛkɔhora.”

Mateo 25:41

“Na afei okose bɛ bɔ bɛwɔ ye sa bɛen so ne kyɛ, ‘Ɛmɔ bɔ banoma ɛmɔ ɔ! Ɛ́mɔfi me so bɛhɔ see afebɔɔ bɔ basiesie bama abɔnzam ne ye abɔfo mɔ ne anu!

Mateo 26:39

Na ɔhɔle ye nyunu moa kãa nen, ɔfale ye nyunu butuli berɛ bɔle mbaeɛ kyɛ, “Me Baba, sɛ ɔkɔyɛ yee a, ma sɔ kulie he ofi me so hɔ! Nakoso nna bɔ mepena hɔ ɔ, na mmom bɔ ɛpena ɔ.”

Marko 8:38

Na sona biala bɔ me ne me dwirɛ nwo kɔyɛ ye nya wɔ sɔ agyaasɛkyelɛfoɛ ne bɔnefoɛ he anu ne, ye koso ye nwo kɔyɛ Sona Awa ne nya, wɔ kyẽa bɔ ɔne abɔfo krongron mɔ bɛkɔwa wɔ ye Baba animnyam nu ne.”

Marko 9:44

[nekaa bɔ bɛ nnɔboakoma benwu, ná berɛ see onnua ɔ.]

Asomafoɛ 10:22

Na bɛbɔle b’amaneɛ kyɛ, “Asraafoɛ ɛyaa so panyi Kɔneleo yeɛ ɔsomane yɛ ɔ. Ɔte sona paa, nyamesuroniɛ, na Yuda maen ne amukoraa bɔ ye dumaa paa. Na Nyameɛ abɔfo aye ahyire ye kyɛ ɔto ye sa frɛ wɔ ma ɛbra ye awuro, na otie wɔ noa dwirɛ.”

Deuteronomi 29:23

aseɛ bɔ sɔfe ne ngyee ayera ye mukoraati ɔ, bɔ bennua hwee so ɔ, bɔ nikye fee mvifi so ɔ, bɔ bakaa anaa aleɛ biala nyɛ yee wɔ so ɔ, kyɛbɔ AWURADE fɛle ɛyaa piri sɛkyele Sodom, Gomora, Adema ne Seboyim a,

2 Tɛsalonika 1:7

ná ɔkɔma ɛmɔ bɔ ɛmɔwɔ amaneɛ nu ne, ɛmɔ ne yɛ yɛkonya nwomelelɛ, kyẽa bɔ bɛkɔla Awurade Yesu ne ye abɔfoɛ anwoserɛfoɛ ali bekofi nyameɛso, wɔ see wuronyiwuronyi nu ne,

Yuda 1:7

Na sɔ ala yeɛ Sodom ne Gomora ne nguro bɔ bapɛ bɛ nwo bayia, bɔ bɛyɛle kyɛ ɛhemɔ, bɔ bɛlɔle asukɔ wɔ adwamanbɔlɛ nu, ná bɛbɔle nnaa nu musue ne, bafa bɛ bayɛ see afebɔɔ nwo nhwɛsoɛ bato berɛ ɔ.

Nyekyire 15:7

Yeɛ abɔdeɛ ateasefoɛ nna nemɔ, bɛ nu ko mane abɔfo nzoo nemɔ sikaa kɔkorɛ kulie nzoo, bɔ Nyameɛ bɔ ɔte ase afebɔɔ ne, ye ahonehulɛ ayi bɛ tɛkyɛ ɔ.

Nyekyire 16:19

Kuro piri ne anu hyɛle bue nza, na maen maen nguro mɔ bɔle; na kuro piri Babilɔn nwo ngayeɛ wale Nyameɛ nyunu, kyɛ ɔkɔmaa ɔkɔno ye yaafɛlɛ hahii nzaa kulie ne.

Nyekyire 18:3

Ofikyɛ maen maen amukoraa bano ye adwamanbɔlɛ nzaa ne bie, na aseɛ so ahemvo mɔ bɛne ye babɔ adwaman, na aseɛ so dwadifoɛ bɛnate ye anwonya tam mmorosoɛ ne aso banya bɛ nwo.”

Nyekyire 18:6

Ɛ́mɔtua ye so kerɛ kyɛbɔ otuale ɛmɔ so kerɛ ne, ɛ́mɔtua ye so kerɛ mmɔhoɛ nyɔ, kyɛbɔ ye yɔleɛ te ɔ; kwangoa bɔ nu yeɛ ɔfrafrale ne, ɛ́mɔfra ye mmɔhoɛ nyɔ bɛ́ma ye.

Nyekyire 19:15

Na ngrandɛ nnaennaen bie bɔ ɔkɔfa kɔbobɔ maen maen ɔ ofili ye noa nu fitele, na ye yeɛ ɔkɔfa buralɛ pɔmaa koli bɛ so ɔ. Na ye yeɛ otiatia Tuminiɛ Nyameɛ ye ahonehulɛ suronyisuronyi kumaa bɔ betwi nzaa nu ne aso ɔ.

Nyekyire 19:20

Na bɛhyele kaka ne, ɔne ngɔmhyɛlɛniɛ ngondomboniɛ ne koso bɔ ɔyɔle nzɛngyerɛnneɛ wɔ ye nyunu, bɔ ɔfa lakalakale bɛ bɔ bale kaka ne nzorɛhyɛlɛ ne, ɔne bɛ bɔ bɛkotole ye honi ne. Na befindini bɛ munyɔ anyekaenn so beguale see abura bɔ sɔfe ogye wɔ nu ne anu.

Nyekyire 20:10

Na abɔnzam bɔ ɔlakalakale bɛ ne de, befindini ye bɛtole see ne sɔfe abura ne anu, nekaa bɔ kaka ne ne ngɔmhyɛlɛniɛ ngondomboniɛ ne bɛwɔ ne, na bɛkɔfa bɛ bɛkɔfa yealɛ nu alehyeleɛ ne alesaleɛ nu afebɔɔ.

Nyekyire 20:14

Afei befindini Ewue ne Ɛborɔ beguale see abura ne anu. Ewue bɔ ɔtɔ so nyɔ ɛne.

Nyekyire 21:8

Na bɛ bɔ bɛte serɛ, bɛ bɔ benne benni, akyiwadeɛyɔlɛfoɛ, awudifoɛ, adwamanbɔlɛfoɛ, ngonyaayelɛfoɛ, bosoensolɛfoɛ ne ngondombofoɛ amukoraa de, abura bɔ see ne sɔfe begye wɔ nu ne anu yeɛ ɔkɔyɛ bɛ bue deɛ ɔ, na ewue bɔ ɔtɔ so nyɔ ne ɛhe.”