Nyekyire 14:1 - AHYERƐLƐ KRONGRON

¹ Afei ndole me nye, na yieee, né Boaen Ba ne gyi Sion bokaa ne aso. Na bɛ bɔ bɛboka ye so ne bɛte apee sɔ alaa ɛyaa ko ne aburanna ne nna, bɔ bahyerɛ ye dumaa ne ye Baba dumaa wɔ bɛ nwoma so ɔ.

Nyekyire 14:1 Iomraidhean Croise

Edwein 2:6

“Me AWURADE, me bɔbɔ, masi me hene mafa ye matena me bokaa krongron Sion so.”

Yesaya 49:14

Nakoso Sion ahã kyɛ, “AWURADE apo me, m’AWURADE ye wora afi me.”

Yeremia 1:11

Afei, AWURADE lale ye dwirɛ ali hyirele me kyɛ, “Yeremia, bɔ enwu ye e, nzikyɛ ɛne?” Na mmuale kyɛ, “Menwu atonwaa bakaa ye mmaen.”

Hesekiel 1:4

Ndole me nye nneane, na yieee, mvrama piri bie tu fili sorɔ dɔ, munungum pirikua bie bɔ kanea hyireinn apɛ ye nwo ayia ɔ, bɔ ogye see ɔ, bɔ see n’afia ne ɔte kyɛ kɔɔbere bɔ ogye monyerɛnmonyerɛn ɔ.

Hesekiel 10:1

Afei nneane, na nwuni nikyee bie bɔ osoma ahennie bia, bɔ osoma kyɛ bafa safire nyɔboɛ bayɔ ɔ, kyɛ ɔwɔ nikyee tɛtrɛtɛɛ bɔ ɔwɔ kɛrubim nemɔ anwuro ne aso.

Hesekiel 10:9

Nneane, na nwuni kyɛ kango nna bɛwɔ kɛrubim nemɔ nwo berɛ, ko biala wɔ kɛrubo ko nwo, na né kango nemɔ bɛta hyɛmhyɛm kyɛ nyɔbosanyene.

Hesekiel 2:9

Na nneane nen, yieee, asaa bie tengyɛle wɔ me so, na nwuni kyɛ né otira nwomaa bɔ babobɔ ɔ.

Hesekiel 44:4

Afei ɔfale me fale sorɔ dɔ anoa piri atee ne aso wale awuro ne anyunu berɛ, na nneane, na yieee, AWURADE animnyam ne yili AWURADE awuro berɛ tɛkyɛ, na mvale me nyunu mutuli berɛ.

Hesekiel 8:7

Ɔfale me wale aluo berɛ anoa nu berɛ, na nneane nen, nwuni tokuro bie wɔ fasue ne anu.

Hesekiel 9:4

Na AWURADE sele ye kyɛ, “Kohyini Yerusalem kuro ne anu, na mmenia bɔ ɔnate akyiwadeɛ bra mukoraa bɔ ɔkɔ so wɔ kuro ne anu ti bedi aworabɔlɛ ne yealɛ ne, hyɛ bɛ nzorɛ wɔ bɛ nwoma so.”

Daniel 12:5

Afei me, Daniel, nneane, na yieee, né mmienzua nyɔ foforɛ begyigyi berɛ. Ko wɔ asue ne noa bue ko, yeɛ ko wora ɔwɔ asue ne noa bue ko.

Yoel 2:32

Na ɔkɔwa kyɛ ebiala bɔ ɔkɔfa ye nwo kɔto AWURADE dumaa so ne, okonya ye ti kodidi nu, ofikyɛ Sion bokaa so ne Yerusalem yeɛ bɛ bɔ banya bɛ ti badidi nu ne bɛkɔtena ɔ, kyɛbɔ AWURADE ahã ne ala, na bɛ bɔ AWURADE frɛ bɛ ne, bɛkɔboka bɛ bɔ banya bɛ ti badidi nu ne aso.”

Amose 8:2

Obisale me kyɛ, “Amose, bɔ enwu ye e, nzikyɛ ɛne?” Na mmuale kyɛ, “Borɔdoma bɔ waboro ɔ kɛndɛen ko.” Yeɛ AWURADE sele me kyɛ, “Me maen Yisrael, b’ayieleɛ ato bɛ. Mengobu me nye mengogua bɛ bɔne so ko.”

Mika 4:7

Na ngɔma mmubuafoɛ nemɔ kɔyɛ mmenia bɔ baha ɔ, yeɛ bɛ bɔ bapɛ bɛ asue ne, ngɔmaa bɛkɔyɛ anwoserɛ maen; na AWURADE koli bɛ so hene wɔ Sion bokaa so kekesaala ye ne afebɔɔ.

Sakaria 4:2

Na obisale me kyɛ, “Nzikyɛ yeɛ enwu ye e?” Yeɛ mmuale kyɛ, “Menwu kanea bakaa bɔ ye mukoraa te sikaa kɔkorɛ, bɔ bua gyi ye ti afia, bɔ ye nganea nzoo wɔ so, bɔ dodobɛen nzoo wɔ kanea biala bɔ ɔwɔ ye ti afia ne aso ɔ.

Luka 12:8

“Mekã mekyire ɛmɔ kyɛ, ebiala bɔ ɔkɔbɔ me dumaa mmenia nyunu nen, Sona Awa ne koso ɔkɔbɔ ye dumaa Nyameɛ abɔfo mɔ nyunu.

Romanfoɛ 9:33

kyɛbɔ bahyerɛ kyɛ, “Tie, méfa nyɔboɛ bie méto Sion bɔ ɔkɔyɛ sundiboɔ kɔma mmenia ɔ, nyɔbotaen bɔ ɔkɔmaa bekofi ase ɔ; nakoso ebiala bɔ okole ye koli ne, ye nyunu ngogua ase.”

Nyekyire 14:14

Afei nneane, na yieee, munungum fufue bie, na ebie bɔ ɔte so ɔ ɔte kyɛ Sona Awa ne, bɔ sikaa kɔkorɛ abotire bɔ ye, ná otira dadeɛ koateɛ nnaennaen bi ɔ.

Nyekyire 14:3

Na bɛtole edwein foforɛ bie wɔ ahennie bia ne ne abɔdeɛ teasefoɛ nna ne ne mbanyi nemɔ nyunu. Na ebiala angora anzua sɔ dwein ne, sana apee sɔ alaa ɛyaa ko ne aburanna ne nna ne bɔ bale bɛ ngoa bafi aseɛ so ne angome.

Nyekyire 15:5

Na ɛhemɔ asi ne, nneane, na nwuni kyɛ babukye adanzeɛ ɛtena sua asɔneyɛɛ sua ne wɔ nyameɛso.

Nyekyire 22:4

Bekonwu ye nyunu, na ye dumaa kɔbobɔ bɛ nwoma so.

Nyekyire 3:12

Na bɔ odi ngonim ne, ngɔyɛ ye bonima wɔ me Nyameɛ asɔneyɛɛ sua ne anu; na ongofi nu ngofite ko. Na me Nyameɛ dumaa, ɔne me Nyameɛ kuro dumaa, bɔ ɔte Yerusalem foforɛ ne, bɔ ofi nyameɛso ɔba ase fi me Nyameɛ berɛ, ɔne me dumaa foforɛ ne, ngɔhyerɛ ngogua ye nwo.

Nyekyire 4:1

Na ɛhe asi ne, ndole me nye, na nwuni kyɛ babukye anoa bie wɔ nyameɛso. Na komviɛ bɔ nnili moa ndele bɔ ɔte kyɛ totorobɛndo bɔ odwudwu hyirele me, osele me kyɛ, “Fo bra anwuro wa, na ngohyire wɔ nningyein bɔ ɔsɛ kyɛ ɛhemɔ asi ne besisi ɔ.”

Nyekyire 6:8

Nneane, na nwuni pɔngɔ hoyaa bie; na bɔ ɔte ye so ne dumaa li Ewue, na Ɛborɔ li ye si. Na bɛmane bɛ tumi wɔ aseɛ ngyɛmuɛ nna nu ko so, kyɛ bɛfa ngrandɛ, ɛhɔen, anwonyerɛ ne aseɛ so ngaka aboyaa behũhũ bɛ.