Nyekyire 13:6 - AHYERƐLƐ KRONGRON

⁶ Na obukyele ye noa kekane musue dwirɛ tiale Nyameɛ, ɔkekane musue dwirɛ tiale ye dumaa ne ye tena sua ne bɛ bɔ bɛte nyameɛso ɔ.

Nyekyire 13:6 Iomraidhean Croise

YOB NWOMAA NE 3:1

Ɛhe asi ne, Yob bukyele ye noa nomale ye krakyẽa.

Edwein 73:9

Bedwudwo betia nyameɛso, yeɛ bɛ noa tia ebiala wɔ aseɛ ye aso.

Daniel 11:36

“Ɛhene ne kɔyɔ bɔ okuro ɔ; ɔkɔmoma ye nwo so kɔyɛ ye nwo konguronn kohyire kyɛ ɔtra nyameɛ biala, na ɔkɔhã edwirɛ nwanwa kotia nyameɛ mɔ nu Nyameɛ ne, na okonya ngɔsoɛ koodwu kyɛ ahonehulɛ ne kɔwa nu ɔ, ofikyɛ bɔ bahyehyɛ bato berɛ ne, ɔkɔwa nu.

Daniel 7:25

Okodwudwo kotia Anwuro Anwuroniɛ ne, ɔkɔmaa Anwuro Anwuroniɛ n’anwoteefoɛ nemɔ bekoli amia, na ɔkɔyɛ ye adwene kyɛ ɔkɔsesã mmerɛ ne mmeraa, na bɛkɔfa anwoteefoɛ nemɔ bekowura ye sa afoɛ ko, afoɛ nyɔ ne bosome nzia.

Daniel 7:8

Na ngu so menea mmɛen nemɔ nen, yieee, nwuni kyɛ mmɛen kaaba foforɛ bie wafifi mmɛen nemɔ b’afia ɔ. Na mmɛen bɔ beli moa nemɔ, bɛ nu nza bo tutuli maa sɔ mmɛen ne ootuale berɛ. Na nwuni kyɛ sɔ mmɛen ne ole anyeɛ bɔ ɔte kyɛ sona deɛ ɔ, ɔne noa bɔ ɔkekã edwirɛ mbiri mbiri ɔ.

Mateo 12:34

Ɛmɔ, ewoo mmaa! Ɔkɔyɛ sɛɛ né ɛmɔahora bahã edwirɛ paa, wɔ aberɛ bɔ ɛmɔte bɔnefoɛ ɔ? Ofikyɛ bɔ wayi ahone nu maa wabu wafa so ne yeɛ noa ɔkã ɔ.

Mateo 15:19

Ofikyɛ ahone nu yeɛ adwenemmɔne, awuelilɛ, agyaasɛkyelɛ, adwamanbɔlɛ, awue, adanzewia ne musue dwirɛ fi ba ɔ.

Yohane 1:14

Na Edwirɛ ne ɔɔyɛle anwoɔnaen, na ɔne yɛ ɛɛtenane, na yɛnwuni ye animnyam kyɛ Baba n’Awa bɔ ɔwole ye komapɛ twe n’animnyam, na adom ne nahorɛ ayi ye tɛkyɛ.

Romanfoɛ 3:13

Bɛ noa dwirɛ te asieleɛ bɔ so abukye ɔ, na bɛfa bɛ temverema bɛlakalaka mmenia, ewoo noa borɔ wɔ bɛ noa nu.

Kolosefoɛ 1:19

Na ɔsɔle Nyameɛ nye kyɛ ye sue ne amukoraa kɔtena Kristo nu ɔ.

Kolosefoɛ 2:9

Ofikyɛ ye nu yeɛ Nyameɛ sue mumua ne amukoraa ɔte ɔ wɔ nipadua nu ɔ.

Hebrifoɛ 9:2

Ɔnate kyɛ, besili ɛtena sua; bɔ bedi moa befite so ne bɛfrɛ ye Nekaa Krongron. Né kanea bakaa, ɛpoen ne paanoo krongron wɔ sɔ pumbu ne anu.

Hebrifoɛ 9:24

Ɔnate kyɛ, Kristo anwura nekaa krongron bɔ kuro sona sili, ná osa te nyameɛso deɛ paa ne nwo nhwɛsoɛ ne anu; na mmom wahɔ nyameɛso berɛ deinn, na kekesaala ye odi yɛ ti dwirɛ ma yɛ wɔ Nyameɛ nyunu.

Nyekyire 11:12

Na bɛtele kyɛ komviɛ piri bie fi nyameɛso odwudwo kyire bɛ kyɛ, “Ɛ́mɔfo bɛbra wa!” Na bɛfale munungum nu bɛfo bɛhɔle nyameɛso bɔ bɛ pɔfoɛ mɔ bɛ nye tua bɛ ɔ.

Nyekyire 12:12

Yiti nyameɛso ne ɛmɔ bɔ ɛmɔte nyameɛso ɔ, ɛ́mɔli ahurusi! Nakoso aseɛ ne ɛpo de, bɛ yaakɔ! Ɔnate kyɛ abɔnzam le ɛyaa pirikua wadwu waatoa ɛmɔ wɔ dɔ, ofikyɛ ɔse kyɛ ye mmerɛ aha tikaape bie.”

Nyekyire 15:5

Na ɛhemɔ asi ne, nneane, na nwuni kyɛ babukye adanzeɛ ɛtena sua asɔneyɛɛ sua ne wɔ nyameɛso.

Nyekyire 18:20

O, nyameɛso ne anwoteefoɛ ne asomafoɛ ne ngɔmhyɛlɛfoɛ, ɛ́mɔli ye nwo ahurusi, ofikyɛ Nyameɛ atɔ ye so wereɛ wama ɛmɔ!”

Nyekyire 21:3

Na ndele kyɛ komviɛ piri bie fi ahennie bia ne anu ɔkã kyɛ, “Tie, Nyameɛ ɛtena sua ne ɔwɔ adasa mmaa nu, na ɔkɔtena nu wɔ bɛ nu, bɛkɔyɛ ye maen, na Nyameɛ bɔbɔ ɔne bɛ kɔtena, [ná wayɛ bɛ Nyameɛ.]”

Nyekyire 4:1

Na ɛhe asi ne, ndole me nye, na nwuni kyɛ babukye anoa bie wɔ nyameɛso. Na komviɛ bɔ nnili moa ndele bɔ ɔte kyɛ totorobɛndo bɔ odwudwu hyirele me, osele me kyɛ, “Fo bra anwuro wa, na ngohyire wɔ nningyein bɔ ɔsɛ kyɛ ɛhemɔ asi ne besisi ɔ.”

Nyekyire 4:4

Né ahennie bia aburanyɔ ne nna bapɛ ahennie bia ne anwo bayia, na nwuni mbanyi aburanyɔ ne nna bɔ bewurawura ndaadeɛ fufue, bɔ sikaa kɔkorɛ abotire bobɔ bɛ ɔ kyɛ bɛtete ahennie bia nemɔ so.

Nyekyire 5:13

Na abɔdeɛ biala bɔ ɔwɔ nyameɛso ne aseɛ so ne aseɛ bo ne ɛpo nu ne bɔ ɔwɔ bɛ nu amukoraa, ndele kyɛ bɛkã kyɛ, “Saleɛ ne anidie ne animnyam ne tumi ɔyɛ bɔ ɔte ahennie bia ne aso ne ɔne Boaen Ba ne deɛ afebɔɔ.”

Nyekyire 7:15

Na ye sɔ ati yeɛ bɛwɔ Nyameɛ ahennie bia ne nyunu, ná bɛsɔne ye alehyeleɛ ne alesaleɛ wɔ ye asɔneyɛɛ sua nu ɔ; na bɔ ɔte ahennie bia ne aso ne, ɔkɔfa ye tena sua ne kɔkata bɛ so.

Nyekyire 7:9

Na ɛhe asi ne, nneane, na nwuni ɛlɔen kandinga bɔ sona biala ngɔhora bɛ ka ɔ, bɔ befi maen maen, mmusua kure, mmenia ne edwudwolɛ amukoraa nu, kyɛ begyigyi ahennie bia ne nyunu ne Boaen Ba ne nyunu, bɔ bewurawura ndaadeɛ fufue, ná betiratira ɛberɛ ɔ.