Nyekyire 13:5 - AHYERƐLƐ KRONGRON

⁵ Na bɛmane kaka ne noa bɔ ɔfa kekã edwirɛ mbiri mbiri ne musue dwirɛ ɔ, na bɛmane ye ate maa olili tumi bosome aburanna ne nyɔ.

Nyekyire 13:5 Iomraidhean Croise

Edwein 12:3

AWURADE, bɛ bɔ bɛdɛfɛdɛfɛ ne, kã bɛ noa to nu, yeɛ bɛ bɔ bɛfa bɛ noa bɛkã anwomasoɛ dwirɛ mbiri ne,

Hesekiel 35:13

Ɛmɔfale ɛmɔ noa bɛkekane anwomasoɛ dwirɛ betiale me, ɛmɔkekane edwirɛ pee betiale me, na ndele.

Daniel 11:36

“Ɛhene ne kɔyɔ bɔ okuro ɔ; ɔkɔmoma ye nwo so kɔyɛ ye nwo konguronn kohyire kyɛ ɔtra nyameɛ biala, na ɔkɔhã edwirɛ nwanwa kotia nyameɛ mɔ nu Nyameɛ ne, na okonya ngɔsoɛ koodwu kyɛ ahonehulɛ ne kɔwa nu ɔ, ofikyɛ bɔ bahyehyɛ bato berɛ ne, ɔkɔwa nu.

Daniel 12:12

Na sona bɔ ɔkɔnwondɛ toonn okoodwu ngyẽa apee ko ɛyaa nza ne aburasa ne nnu ne aso nen, ɔte saleɛ ma ye.

Daniel 7:11

Ngɔle so nneane, ɔnate edwirɛ mbiri mbiri bɔ né mmɛen ne ɔkekã ne ati. Na nneane alaa kɔpem kyɛ behuni kaka ne ɔ, bɛsɛkyele ye fuin ne, na befindini bɛtole see bɔ ogye ɔ nu.

Daniel 7:20

Yeɛ ye ti so mmɛen buru nemɔ, mmɛen ko ne bɔ ofifili, bɔ bɛ nu nza bo tutuli maa ootuale berɛ, sɔ mmɛen ne bɔ ole anyeɛ ne noa bɔ ɔkekã edwirɛ mbiri mbiri, bɔ ye piri tra mmɛen ngaa nemɔ ne, né mepena kyɛ menwu kyɛbɔ ye bo kyire ɔ.

Daniel 7:25

Okodwudwo kotia Anwuro Anwuroniɛ ne, ɔkɔmaa Anwuro Anwuroniɛ n’anwoteefoɛ nemɔ bekoli amia, na ɔkɔyɛ ye adwene kyɛ ɔkɔsesã mmerɛ ne mmeraa, na bɛkɔfa anwoteefoɛ nemɔ bekowura ye sa afoɛ ko, afoɛ nyɔ ne bosome nzia.

Daniel 7:8

Na ngu so menea mmɛen nemɔ nen, yieee, nwuni kyɛ mmɛen kaaba foforɛ bie wafifi mmɛen nemɔ b’afia ɔ. Na mmɛen bɔ beli moa nemɔ, bɛ nu nza bo tutuli maa sɔ mmɛen ne ootuale berɛ. Na nwuni kyɛ sɔ mmɛen ne ole anyeɛ bɔ ɔte kyɛ sona deɛ ɔ, ɔne noa bɔ ɔkekã edwirɛ mbiri mbiri ɔ.

Daniel 8:14

Na obuale me kyɛ, “Sana waadwu nɔsoa ne ngyerɛmɔ sɔ alaa apee nyɔ ɛyaa nza koraka né nekaa krongron berɛ wasa wasi ye daa nu.”

2 Tɛsalonika 2:3

Nnɛmɔma ebiala lakalaka ɛmɔ wɔ atee biala so; ofikyɛ sɔ kyẽa ne ngɔwa, sana ɛlɔenyɛlɛ ne ba koraka; na afei bala amumuyɛɛniɛ ne ali koraka, baa bɔ wamini ne.

2 Tɛsalonika 2:4

Ye yeɛ odwɔso tia, na osa ma ye nwo so tra nikyee biala bɔ bɛfrɛ ye Nyameɛ ná bɛsɔne ye ɔ; na ɔkɔtena Nyameɛ asɔneyɛɛ sua nu kɔfrɛ ye nwo kyɛ ye ole Nyameɛ.

2 Tɛsalonika 2:8

Na ɛhe asi ye yeɛ bɛkɔma amumuyɛɛniɛ ne nwo kɔla ali ɔ. Na Awurade Yesu kɔfa ye noa nu nwomeɛ kohũ ye, ná afei wafa ye animnyam walɛ ne wasɛkye ye bɔkɔɔ.

Nyekyire 11:7

Na sɛ beyie b’adanzeɛlilɛ ne a, kaka bɔ ofi aseɛ bo dɔ kumaa kuronguronn ne anu ɔfo ba ne, ɔkɔfa koɛ kɔɔteta bɛ, na okoli bɛ so ngonim ná wahũ bɛ.

Nyekyire 12:14

Nakoso bɛmane braa ne kɔleɛ pirikua bie ndaa nyɔ, kyɛ ɔfa tu fi ewoo ne nyunu hɔ ɛserɛ so, wɔ ye atenaleɛ, nekaa bɔ bɛkɔnea ye mmerɛ ne mmerɛ ne mmerɛ bue ne.

Nyekyire 12:6

Na braa ne nwati hɔle ɛserɛ so, nekaa bɔ Nyameɛ asiesie ama ye kyɛ bɛnea ye so ngyẽa apee ko ɛyaa nyɔ ne aburasia ne.

Nyekyire 13:7

Na bɛmane ye ate kyɛ ɔfa koɛ teta anwoteefoɛ, ná oli bɛ so ngonim. Na bɛmane ye tumi wɔ mmusua kure ne edwudwolɛ mɔ ne maen amukoraa so.