Nyekyire 13:4 - AHYERƐLƐ KRONGRON

⁴ Na bɛkotole sasrabɔnzam bɔ ɔmane kaka ne tumi ne; na bɛkotole kaka ne bɛhane kyɛ, “Nwa yeɛ ɔte kyɛ kaka ne ɔ? Nwa yeɛ ɔkɔhora ne ye bɛkɔho ɔ?”

Nyekyire 13:4 Iomraidhean Croise

Ɛksadɔso 15:11

O AWURADE, nyameɛ foforɛ nemɔ, bɛ nu nwa yeɛ ɔne wɔ bɛte pɛ ɔ? Nwa yeɛ ye krongronyɛlɛ totohyia te kyɛ wɔ ɔ, bɔ ye nwo yɛ suro wɔ ngonim nu, ná ɔyɛ anwanwadeɛ kyɛ wɔ ɔ?

Yesaya 46:5

“Nwa yeɛ ɛmɔkɔfa ye bɛkɔtoto me nwo, anaa ɛmɔkobu ye kyɛ ɔne me yɛte pɛ ɔ? Nwa yeɛ ɛmɔkɔfa ye bekosusu me kyɛ yɛte pɛ ɔ?

2 Korintofoɛ 4:4

Bɛ yeɛ ewiase wa nyameɛ ama bɛ bɔ benne benni ne, b’adwene ali naakye, amaa Kristo bɔ ole Nyameɛ sue n’animnyam nzɛmba kanea ne, wanda bɛ so.

Deuteronomi 9:2

bɛte mmenia ndendenn bɔ bɛ nwo yɛ se ɔ, Anake bosofoɛ, kyɛbɔ ɛse bɛ ne, ɔne kyɛbɔ ate bɛ nwo dwirɛ kyɛ, ‘Nwa yeɛ ɔkɔhora kogyina Anake bosofoɛ nyunu ɔ?’

2 Tɛsalonika 2:4

Ye yeɛ odwɔso tia, na osa ma ye nwo so tra nikyee biala bɔ bɛfrɛ ye Nyameɛ ná bɛsɔne ye ɔ; na ɔkɔtena Nyameɛ asɔneyɛɛ sua nu kɔfrɛ ye nwo kyɛ ye ole Nyameɛ.

Nyekyire 12:3

Na sɛngyerɛnneɛ bieku lale ye nwo ali wɔ nyameɛso: na yieee, sasrabɔnzam pirikua kɔkorɛ bie bɔ ye ti nzoo, ye mmɛen buru, bɔ ahennie abotire nzoo bobɔ ye ti nemɔ ɔ.

Nyekyire 12:4

Na ɔfale ye dua piane ewienu nzramaa ngyɛmuɛ nza nu ko, na ogyili bɛ guale aseɛ so. Na sasrabɔnzam ne oogyinane braa bɔ wafo aworɛ so ne nyunu berɛ, kyɛ ɔwo ala a ɔkye ɔwa ne di.

Nyekyire 13:11

Na nwuni kaka foforɛ bie bɔ ofi aseɛ nu fite wale ɔ; né ole mmɛen nyɔ te kyɛ boaen ba, na odwudwo kyɛ sasrabɔnzam.

Nyekyire 13:15

Na bɛmane ye tumi kyɛ ɔma kaka ne honi ne sunzum, ná kaka ne honi ne po odwudwo, ná ɔma behũ mmenia wora bɔ bɛngoto kaka ne honi ne.

Nyekyire 13:2

Na kaka bɔ nwuni ye ne ɔte kyɛ aboa, ye gya te kyɛ kwabrafo gya, na ye noa te kyɛ gyata noa. Na sasrabɔnzam ne fale ye tumi ne ye ahennie bia ne anwoserɛ piri ne mane ye.

Nyekyire 17:14

Bɛkɔfa koɛ bɛkɔteta Boaen Ba ne, na Boaen Ba ne koli bɛ so ngonim; ofikyɛ ɔte meneɛ mɔ nu Meneɛ ne ahemvo mɔ nu Hene; na bɛ bɔ bɛboka ye so ne, wafrɛ bɛ, waneanea nu waye bɛ, na bedi nahorɛ.”

Nyekyire 18:18

na benwuni nwosina bɔ ofi ye yeralɛ ne anu nen, bɛteateane nu kyɛ, “Kuro beni yeɛ né ɔne kuro piri he bɛsɛ ɔ?”

Nyekyire 9:20

Nakoso adasa mmaa ngaa bɔ ɛhawo hemɔ wangukũ bɛ ne, banzakyera b’adwene bamvi bɛ sa noa nnwumaa nwo, banyakyi sunzummɔne mɔ sɔnenɛ, yeɛ banyakyi sikaa kɔkorɛ, ɛdwetɛ, kɔɔbere, nyɔboɛ ne bakaa amoen mɔ bɔ bɛngora bennwu nikye, anaa bɛnde dwirɛ, anaa bɛnnate ɔ sɔnenɛ;

1 Samuel 17:24

Na Yisrael koɛhonɛfoɛ ne amukoraa nye bɔle biaa ne aso nen, ɛserɛ hane bɛ maa bɛnwatili befili ye nyunu.