Nyekyire 13:2 - AHYERƐLƐ KRONGRON

² Na kaka bɔ nwuni ye ne ɔte kyɛ aboa, ye gya te kyɛ kwabrafo gya, na ye noa te kyɛ gyata noa. Na sasrabɔnzam ne fale ye tumi ne ye ahennie bia ne anwoserɛ piri ne mane ye.

Nyekyire 13:2 Iomraidhean Croise

2 Ahemvo 2:24

Ɔpɛnene ye nye neane bɛ, na ɔfale AWURADE dumaa payele bɛ. Yeɛ kwabrafo beleɛ nyɔ fili eburo bɛɛtetele mmɛɛmaa nemɔ anu aburanna ne nyɔ nu pasapasa.

Edwein 22:21

Pepɛ de me fi gyata noa nu! Ofikyɛ apepɛ ale me afi torɔen mmɛen noa.

Anyandera 17:12

Ɔte paa kyɛ ɛne kwabrafo bɔ bahye ye mma ɔ bɛkɔbɔ numbunumbu tra kyɛ ɛne kwaseaa bɔ ye gyiminɛ awa ɔ kɔbɔ numbunumbu ɔ.

Anyandera 28:15

Maen panyi bɔ ɔfa atianuserɛ di mmenia bɔ bɛyɛ anwumvo so ne, ɔte kyɛ gyata bɔ opo anaa kwabrafo bɔ ye nye aboro ɔ.

Yesaya 5:29

Kyɛbɔ besi bɛbobɔ nu ne, ɔte kyɛ gyata deɛ, na bepo kyɛ gyata akrɔngrɔma mɔ, bɛyɛ bɛ komvi hooo bɛkye bɛ naen, na bɛfa bɛkɔ bɔ ebiala ngora nnne mvi bɛ sa nu ɔ.

Yeremia 13:23

Aso Yitiopianiɛ kɔhora kɔsesã ye wereɛ, anaa aboa kɔhora kɔsesã ye nwo kyerekyerɛɛ ne? Ahaa ye de, ɛmɔ bɔ bɔne ali ɛmɔ ti ne, ɛmɔ koso ɛmɔkɔhora bɛkɔyɔ bɔ ɔte paa ɔ.

Yeremia 5:6

Yiti gyata kofi ɛhɔayeɛ nu koohũhũ bɛ, pataku kofi ɛserɛ so kɔɔtete bɛ nu pasapasa. Aboa tetɛ bɛ wɔ bɛ nguro nemɔ aso, na ebiala bɔ okofi kuro ne anu kofite ne, ɔkɔtete ye nu pasapasa, ofikyɛ bɛ mmeraatolɛ sone, na b’asefinɛ ne te piri.

Hosea 11:10

Bekoli AWURADE si. Afei ɔkɔbobɔ nu kyɛ gyata, na sɛ ɔbobɔ nu a, ye mmaa mɔ kofi eyia atɔleɛ bɛkɔwa bɔ bɛ nwo wosowoso bɛ ɔ.

Amose 3:12

Bɔ AWURADE kã hɔ ɛhe: “Kyɛbɔ mmoaenneafoɛ ɔpepɛ de agyirɛ nyɔ anaa asoɛ bue fi gyata noa nu ne, sɔ ala yeɛ bɛkɔpepɛ bekole Yisraelfoɛ bɔ bɛtete Samaria wɔ mba ndweasoɛ so ne bɛen bue so ɔ.

Amose 5:19

Wayɛ kyɛ sona bɔ wanwati gyata bɔ kwabrafo waayia ye ɔ; anaa wahɔ awuro waafa ye sa wafua fasue so, ná ewoo aha ye ɔ.

Habakuku 1:8

Bɛ mbɔngɔ mɔ koso bɛ nwo yɛ nyera tra aboa, bɛte awerɔm bɛtra nɔsoa mbataku; bɛ pɔngɔhanɛfoɛ nemɔ behuru bɛpepe; amba, bɛ pɔngɔhanɛfoɛ nemɔ befi dedeede yeɛ bɛba ɔ; betu kyɛ kɔleɛ bɔ ɔpe ndɛen kɔkye naen di ɔ.

2 Timoteo 4:17

Nakoso Awurade gyinane me si mane me anwoserɛ, kyɛbɔ ɔkɔyɛ bɔ ɔkɔfa me so kɔbɔ edwirɛ ne dawure bɔkɔɔ kɔma Amaenmaensofoɛ amukoraa bɛkɔte ɔ. Yiti ɔpepɛ lele me fili gyata noa nu.

1 Petro 5:8

Ɛ́mɔdwo ɛmɔ nwo ase, ɛ́mɔma ɛmɔ nye la berɛ; ofikyɛ ɛmɔ pɔfoɛ abɔnzam odi akɔneaba, opo kyɛ gyata, na ɔpena sona bɔ okonya ye kɔhye ye ɔ.

Nyekyire 12:13

Na sasrabɔnzam ne nwuni kyɛ bafindi ye bato aseɛ so nen, otuli ye nye siele braa bɔ ɔwole baa bienzua ne aso.

Nyekyire 12:15

Na ewoo ne puli ye noa nu nzue bɔ ɔte kyɛ asue ɔ olili braa ne si, kyɛ asue ne fa ye hɔ.

Nyekyire 12:9

Yiti betuli sasrabɔnzam kandinga ne befili berɛ, sɔ daa tetetete ewoo ne, bɔ bɛfrɛ ye Abɔnzam ne Satan ne, bɔ ɔlakalaka wiase amukoraa ne; befindini ye bɛtole aseɛ so, na befindini ye ne ye abɔfo mɔ yeɛ bɛtole ɔ.

Nyekyire 13:12

Na ɔfa kaka bɔ oli moa n’anwoserɛ amukoraa yɔ ye nnwumaa, na ɔma aseɛ ne bɛ bɔ bɛte so ɔ bɛkoto kaka bɔ oli moa bɔ ye puralɛ kena ahɔ ne.

Nyekyire 13:4

Na bɛkotole sasrabɔnzam bɔ ɔmane kaka ne tumi ne; na bɛkotole kaka ne bɛhane kyɛ, “Nwa yeɛ ɔte kyɛ kaka ne ɔ? Nwa yeɛ ɔkɔhora ne ye bɛkɔho ɔ?”

Nyekyire 16:10

Na abɔfo bɔ ɔtɔ so nnu ne hwiele bɔ ɔwɔ ye kulie ne anu guale kaka n’ahennie bia ne aso, na ye ahennie ne kakyili awosii; na mmenia fale yealɛ bɛpesale bɛ temverema.

Nyekyire 17:12

“Na mmɛen buru bɔ enwuni bɛ ne, bɛte ahemvo buru bɔ bɛ sa onnya ɔhhane ahennie ɔ, nakoso bɛne kaka ne bekonya tumi kyɛ ahemvo dɔnhwere ko.

Nyekyire 19:20

Na bɛhyele kaka ne, ɔne ngɔmhyɛlɛniɛ ngondomboniɛ ne koso bɔ ɔyɔle nzɛngyerɛnneɛ wɔ ye nyunu, bɔ ɔfa lakalakale bɛ bɔ bale kaka ne nzorɛhyɛlɛ ne, ɔne bɛ bɔ bɛkotole ye honi ne. Na befindini bɛ munyɔ anyekaenn so beguale see abura bɔ sɔfe ogye wɔ nu ne anu.

Nyekyire 2:13

[Mese wɔ nnwumaa], mese nekaa bɔ ɛte ɔ, nekaa bɔ Satan ahennie bia gyi ne; nakoso atira me dumaa ne anu bum, na ambo me gyidie ne, mmerɛ bɔ behuni m’adanzeniɛ nahorɛniɛ Antipa wɔ ɛmɔ berɛ ne po, nekaa bɔ Satan te ne.

Nyekyire 20:2

Na ɔhyele sasrabɔnzam ne, sɔ daa tete ewoo ne, bɔ ye ole Abɔnzam ne Satan ne, na ɔkyekyele ye afoɛ apee ko,